نور الايمان .. انت فاهمتني ماشاءالله و من قبل لا اتكلم ..
كلامك مريح جدا .. و احتاج اليه بالفعل ..

و احتاج ايضا لحبيبتنا بيتا ..

معليه بفترة الصباح ماقدر ادخل براحتي .. لحد المغرب ..

جلست اقرا كلامك اكثر من مرة ..
احس انك تدخلي بداخل اعماق تفكيري .. و تسحبي الملفات السوداء ..
و الافكار الي تقوليها .. بافكر فيها دايما .. لكن وساوس الشيطان تجي و تهدمها و تحاربني .

لي عودة للايضاح اكثر ..

أمثلة على تعامله مع الصلاة :


*. لو وقفنا عند محطة و المحلات مقفلة و البنزين كمان مقفل ، و كانوا يصلوا بالمسجد ..
راح صلى .. هذا صار أمامي ..

*. لو كان في الشارع ، و أذن مثلا ( يدخل المسجد و يصلي ) على حسب كلامه ..

*. لو صحيته بدري لصلاة الجمعة ، و فيه وقت .. راح و صلى ..

*. لو مثلا كنا معاه بالسيارة و أذن المغرب ، ما يوقف و يصلي لحد ما يصير العشا ..
يقول عشانكم معايا ..

*. لو كان بينام و أذن مثلا ، ما يقوم يصلي .. و ينام لحد ما يدخل وقت الصلاة التانية ..
و إذا صحي .. ما عرف متى يصليهم ؟

*. لو كنا مسافرين ، ما أشوفه يصلي ..

*. افتكر رحنا فندق ، و صحيته الفجر و قلت له صلي .. قام توضأ و مو عارف فين القبلة .. و يبغى يصلي أي جهة
قلتله ( استنى ) .. دقيت عالإستقبال و سألتهم .. و لحد ما يردوا علي .. قام زوجي صلى بأي جهة من راسه ..
قلتله القبلة كذا ..

قاللي خلاص ، و راح بينام ..

قلتله ، ما يصير .. صلي ياللا .. كلها دقيقتين و ما تاخد منك وقت ..
و نحن مو في بلاد الكفار و ما نعرف كيف القبلة ..

قام صلى ..

.
.

( أبغى الإهتمام من عنده ، مو لازم أكون وراه أنا أو أهله ) ..

مرات كثيرة صرت أطننننننننشه ..
أقول خليه لحد ما من نفسه هو ، يعرف قيمة الصلاة ..

بس ما أعرف ؟

أخاف تطنيشي يخليه يهمل أكثر ..
و أخاف اهتمامي يخليه يبعد أكثرر عن الصلاة ..

.
.

لازم في الأسبوع .. لو مرة وحدة أكلمه عن الصلاة ، لو حتى كلمتين أرميها عالطاير ..

.
.

لكن الموضوع هذا ، متعبني .. و مرات انفجر عليه ..
لإني أخاف من غضب ربنا ، و عقابه ..

زوجي قالي لي ( الله غفور رحيم ) ، قلت له ( لكن شديد العقاب ) ..

و انفتحت سيرة صلاة العيد ، لما ما صحي و صلى العيد ..
قلتله ، السيئة تتبعها السيئة ..

انت لإنك تهمل صلاتك و هو فرض ، ربنا ما خلاك تصحى لصلاة العيد ..
لإنه ربي مو بحاجة لصلاتك .. نحن اللي بحاجة لربنا ..

لا تخلي ربي يحرمك من أي نعمة لا سمح الله بسبب اهمالك للصلاة ..

.
.

و مرة قلت له ، لما خرج وقت الصلاة ..

قلتله ، على بالك إنه ربي كذا بيقبل صلاتك لما تجمعهم مع بعض ؟
قال لي إيوة إن شاء الله ..

قلتله ، عمرك شفت واحد يحج في رمضان ؟؟؟؟؟

يعني مافي عبادة تتعمل في غير وقتها ..
ما يجوز ترى إنه الصلاة تخرج عن وقتها ..

تعرف إنه اللي يترك الصلاة ( كافر ؟ ) ..
لا تستهين ترى بالموضوع ، لا تطالع إنت بصغر المعصية ،، طالع بعظمة اللي عصيته ..

قالي حكاية اللي قتل 99 شخص و تاب .. و ربي تقبل توبته ..
قلت له ، هذا ( تاااااااااااب و ندم ) .. مو مثلك ..؟؟؟؟

.
.

و مرة ارسلت له رسالة على جواله ، هذا نصه :

" لا تتضايق لما أكلمك عن صلاتك .. عشان مابغاك تتعذب في القبر ..
انت طيب و قلبك أبيض ، و حرام تنحرق بنار جهنم ..
و كلها الصلاة 3 دقايق بالكثير ..

أتمنى ربي يرزقك الهداية ، بس ترى الموت ما يعرف دحين و لا بكرة ..
و أنا أبغى لك الخير "

رد عليا :
" تسلمي اممممواه "

.
.

رديت :
" لا تاخدني على قد عقلي و تسكتني ..
الموضوع مو هين ..
أول سؤال في قبرك عن صلاتك "

ما رد علي ..

.
.

*. الشي التاني غير الصلاة .*

*. التدخين .*


طبعا للأسف ، قريب اكتشفت إنه يدخن من زمان .. و ما كنت أعرف ..
لما كنت أسأله ، يقوللي أصحابي بالشغل و بالمكتب يدخنوا ، و هبلة كنت أصدقه و أكذب حالي ..

.
.

المهم ، هو براحته متى ما بغى يتركه ..
هو خجلان من نفسه .. و عارف حاله غلطان ( و ناوي يترك التدخين بأي لحظة .. النية موجودة لكن الإرادة صفر ) ..
و ما يدخن قدامي ، و لا في البيت ، و لا أشوف علبة السيجارة قدامي ( هذا أهم شي ) ..

.
.

المشكلة فين ؟؟؟؟


في أولادي معاه ، و التدخين ..

دحين راجعة ..

لإني محتارة كمان بالموضوع هذا ..
و ماعرف كيف اتصرف ..

طبعا أنا أعتبره خدعني بموضوع ( الصلاة + التدخين ) .،
لإنه من شروط أمي وقت زواجنا ، إنه الشخص يصلي و ما يدخن ..

زوجي مو بس يأخر الصلاة ، مهمل للصلاة و مرات يترك الصلاة .. و يدخن و ماعرف من متى ؟

.
.

المهم ،.

هذا كله .. مالي دخل فيه ..
بكيفه ، و براحته ..

هو مو ( طفل ) ..


لكن .. موضوع التدخين ، بيخليني مرات ( أعمل منها مشكلة ) ..
في حالتين فقط :

1. من فين بيشتري الدخان ؟
فلوسها اللي يشتري بها ، مو أولى بها أولاده و بيته ؟

هو يحلف و يقسم ، إنه ما يشتريها أبدا من فلوسي لو راح يشتري مثلا أغراض و بقيت فلوس ..
صرت بسبب الشي هذا، مرات أحاسبه لما مثلا أعطيه ( 100 ريال ) و يجيب كم شي و يبقى فلوس ..

صرت أسأله ، كم بقي ؟ و في إيش انصرفت ؟

مو حلو شكلي و أنا أسأله ، كأنه ( طفل في أولى ابتدائي ؟ )
لكن نفس الوقت ، ما أبغاه يشتري بفلوسي ( سيجارة ) و أولادي أولى بكل قرش أملكه ..

و لو اشترى بفلوسي سيجارة ، أنا راح أحاسبه فيها أمام ربنا ..

الموضوع هذا جداً مزعجني ..


2. هو مرات ياخد ولدي معاه لأي مشوار ، و أنا مبسوطة إنه صار قريب من الأولاد ..
و إنه ياخد ولدي معاه مرات ، و الأولاد يفرحوا و ينبسطوا لما يروحوا معاه و يخرجوا ..
زمان كان يرفض و مستحيييييييل ..

حاولت و تعبت حتى أقربهم منه و أقربه منهم ، و يتعلق فيهم ..

لكن صرت أشيل هم ، إنه يدخن أمامهم ؟؟؟؟؟؟؟؟؟

اخر مرة تناقشت معاه و بحدة ، قبل أسبوع ..
قلت له ، إيش الفايدة إذا ما تدخن قدامي ؟ و تدخن قدام الأولاد ؟

قال لي ( لا .. أنا حريص إنهم ما يشوفوا ، و حاط يدي خلفهم )

قلت له ( الدخان يضر صدرهم ، و ضرر اللي يشم الريحة ، نفس ضرر اللي يدخن )

المهم ، زبدة الموضوع ..
إني طلبت منه يوعدني ( ما يدخن قدام الأولاد أو لما يكونوا معاه ) ..
و قال لي ( وعد ) ..

لكن أعرف زوجي ، عنده صفة اللامبالاة .. لو ماكان بالفعل يدرك ( خطورة ضرر الدخان عاللي يشم الريحة )

.
.

المهم ، إيش الحل ؟؟؟

ما أبغى أقول له ( لا عاد تاخدهم معاك لوحدهم ) ، و أصلا بيضطروا يركبوا مرات معاه لوحدهم ..

لكن أنا الموضوع هذا ما أقدر اسكت عنه ، لو شفته بيوم يدخن و ولدي معاه ؟ إيش الحل ؟

.
.

ملاحظة /
هو يكون ماسك الولد بيده ، و يده التانية حاطها خلفه .. و لما يدخن .. يكون ولدي معطيه ظهره ..
بس لابد إنه الطفل يتأثر و ينتبه ، و ريحة الدخان أكيد راح تضر الطفل و حتى لو كان المكان مفتوح ..
أو كان شباك السيارة مفتوح ..

.
.

الموضوع هذا ممكن يجلب مشاكل ، لإنه مصلحة الأولاد و صحتهم عندي أهم من كل شي ..

و زوجي عارف إني متعقدة من مسألة التدخين ..
لإنه أبوي الله يرحمه مات بسبب التدخين .. و ما أقدر أتهاون بالموضوع هذا ..

هو لو بيموت حاله ( براحته ) ..
لكن الأولاد هم أهم عندي من نفسي ..

ميزة الامرين ..

انه زوجي معترف بأخطائه .. و يقول ادعيلي .. و ما يكابر ..
لكن ما يحب احد ينصحه و يعطيه محاضرات ..

لانه طفشان من اهله .. بسبب نصائحهم و محاضراتهم له كل ماشافهم ..
و هو تعود انه يمشيهم بكم كلمة و يعمل اللي براسه في الاخير ..

.
.

مابغى افكر في الامرين هذول .. لانه طبعي بشكل عام ..
ما أحب اتدخل في اي امر يخص الاخرين ..

نفسي اطننننش .. و نفس الوقت احس اني مسئولة .. و اخاف اطنش و تجي نتائج عكسية ..
و لو طنشت ؟ طيب هو قدوة لازم يكون لاولادي و لازم يحرص على مصلحتهم !؟

.
.

الامر الثالث .. واللي مضايقني ..

مسألة الثقة و الشك .. شي بنفسي أنا ..

لي عودة ..

معليه ، ما صرت أفضى أبدا ..

طبعا الأمر الثالث ..

هو ( الثقة ) ..

.
.

معدومة جداً ..

لكن اللي أنا واثقة منه ، إنه هو ( يثق فيا ) ..
و أعرفه متى يكون صادق ..

لإنه نبرة صوته ، و نظراته تختلف لما يكذب و لما يكون صادق ..

.
.

يعني لو كشفت أمره في شي مثلا ، و سألته عنه ..
أعرف لو كان صادق أو كاذب ..

لكن المشكلة ، إنه ( ما يتكلم ) ..

.
.

بالمختصر ..

ما أثق فيه أبدا .. و الشي هذا مسبب لي إزعاج بداخلي ..
و عدم إحساس بالأمان ..

.
.

و بشكل عام ..

هو تربى كذا .. عندهم الي يكون صادق .. يعني مغفل ..
و لو عرفوا يضحكوا على شخص بالكذب .. يعني هذه ( فهلوة و شطارة ) برأيهم ..
و يجلسوا يضحكوا مع بعضهم و يحكوا المواقف و يتفاخروا بها ، و كيف مشيت الكذبة على فلان و علان ..

و النتيجة :

زوجي صار فنان بالكذب أكثر منهم ، و تغلب عليهم ..
و صار يكذب عليهم ..

.
.

أنا مستحيل أثق بزوجي ، أو أهله ..
لازم أي موقف يحصل ، أضع علامة استفهام ..

و بالأخير يصدق احساسي ، و يطلع فيه شي ..

.
.

صرت ما أحب أتكلم مع زوجي ، و أتجنب مرات الحديث معه ..
أحس إنه كذا أريح لي ..

عشان لا أتعب حالي بالتحاليل ..

مخي من حاله ، يشتغل تحليل و فصفصة ..
بربط الأحداث و المواقف ، فأكتشف إنه كاذب مثلا .. حتى لو كذبة بيضا ..
فأتنكد ..

فالأفضل ، إني أتعلم التطنيش ..

.
.

المهم ، إحساس مزعج جداً ..
أحاول تجنبه قدر المستطاع ..

.
.

الأمر الرابع ..

بالرغم من أفعاله اللي تدل على إنه لي معزة بداخله ، و إنه يراعي مشاعري ..
و يحرص على تلبية طلباتي قدر المستطاع ..

لكن لا أشعر إني منجرفة بمشاعري تجاهه ..
ما أعرف ؟ هل هو برود عاطفي ؟
هل تعلمت الانانية منه ؟

.
.

هو أصبح الآن معنا أفضل ، و الحمد لله ..
لكن ما أحس بالعاطفة و حرارة الشوق ما بيننا ؟

هل بسبب إني مقابلة له ؟
يعني زمان كنت ممكن أغيب عنه يوم أو يومين و أنام في بيت أهلي ..
لكن من يوم أمي توفت الله يرحمها ، خلاص .. مقابلين بعض ..
و خاصة إنه أولادي حاليا صغار .. صعب أتركهم بمكان و نروح أنا و زوجي لأي مكان ..

.
.

مرات صح ، أستغل الفرص و نخرج بس أنا و زوجي قبل لا أجيب البيبي ..

بس أحس إنه وجودي بحياته ( مسألة تعود ، أكثر من مسألة حب ) ..

.
.

يعني حاسة إننا صرنا كأننا أخوان .. بالمختصر ..


ما أعرف هل هي فترة مؤقتة ؟

خاصة إننا نقلنا ، و لسى ما جهزنا غرفتنا و ماركبنا غير مكيفين بغرفتين ..

فأنا أنام مع النونو بغرفة بدون تكييف أو تكيف دافي ..
و هو مع الأولاد ينام ..

و دوام زوجي مسائي ، فأنام لوحدي .. و بالبداية كنت ما أتحمل ..
بس دحين ما صرت أبحث عنه ؟

كنت ما أتحمل النوم من غير ما يكون جنبي ..

.
.

حالياً ، ما صار يفرق معاي هذاك الشي ..
ما أعرف ؟؟؟

متضايقة من ( برود مشاعري ) ..

.
.

و مقابل أفعاله و تلبيته لطلباتي ..
ما أشوف حالي إني جداً حريصة مثل زمان على تلبية كل متطلباته ، بالعكس ..
صرت انتظر منه هو ، إنه يبادر بمساعدتي معنويا و كل شي ..

.
.

حاسة كأني صرت ( أم العيال ) ..

أشعر بإنه مشاعري ( مطفية ) ..؟؟؟؟؟؟

حاسة كأني صرت ( أم العيال ) ..

أشعر بإنه مشاعري ( مطفية ) ..؟؟؟؟؟؟

.
.

هو يبحث عني ، و يفتقدني لو غبت عنه ..
مثلا ، يسألني قبل لا ينام .. فين راح تجلسي ؟ هنا و لا هناك ؟

اسأله ( ليش ؟ )

يقول عشان لو تنامي هناك ، أروح أنام هناك بالغرفة التانية ..
أو لو تجلسي هنا مثلا ، خلاص أنام هنا ..

.
.

بس لما اجلس جنبه ، يقول لي ( حكي لي ظهري ، أو حطي يدك علي ) ..
زي كذا ..

حتى لما كنت حامل بالأشهر الأخيرة ، مرات كنت أنا أحتاج منه إنه يدلك أو يمرخ أو يكبس ( ظهري ) ..
بس يحط يده علي شوية و اسمعه يشخر ..

و دايما ألعب بشعره مثلا و اهتم فيه ، لكن هو لازم أطلب منه ..
و أقول له خلي يدك علي ..
نيمني تعبانة ..

لكن مو من حاله ..

.
.

قلت له مرة ، ما تلاحظ إننا صرنا كأننا أخوان ؟
جلس يضحك ..

حتى لما نتكلم ، كأننا أصحاب ما كأننا متزوجين ؟؟؟

الأمر الآخر ..

راتبه و وظيفته و السيارة ..

كلها مع بعضها بأكتب عنها برد واحد .. لإنها مرتبطة ببعضها ..

معليه ماكان النت متوفر امس ..
ابغى اكتب عن اهم شي كمان ..

بس اعشي الاولاد و اروشهم