عارف اني غلطت كثير في حقها
لكن اني أطلقها مستحيل
بموت لو طلقتها

غلطان وتقول عزه نفسك تمنعك

هي ضحت بالامومه وبكل حاجه لعيونك

وانت بغلط منك مب راضي تترجاها

سبحان الله بعض الرجال مالهم امااان ابد

__________________
سبحان الله وبحمده

افهموني تكفون
ابي أعتذر لها والله أبي لكن مو بطريقة مباشره
يعني مآأبي أترجى وأترجى
اناه متأكد انها مجروحه من داخلها حيل
صدقوني .. والله غيرت رقمي وما عاد أكون علاقات مع بنات ..
حتى اني صرت أخلي جوالي طول الوقت في البيت
عادي تشوفه وتفتش ما عندي مشكله
هي غلطة وأتمنى من الله يغفر لي .
بس كيف أرجعها لي مثل ما كانت
كيف أخلي ثقتها ترجع زي قبل
يعني الحين هي بواجباتها مو مقصره أبد
ولما يجون أهلي للبيت ما تحسسهم إن في شي من بيننا
لكن بمجرد ما يروحون ، ترجع زي ما كانت ..
سااااااااااكته وأحس دايم الدمعه بعيونها خاصه إن هي اصلا ً بطبعها حساسه حيل
أبي أخليها زي قبل تضحك وتمزح معاي .. موحزينة طول الوقت
تكفون والله اني ندمان
لا تلوموني اكثر
أبي طريقه تخليها ترجع زي ما كانت

يابنات لو سمحتو لا تقولون هي حرمت نفسها من الامومه عشانه
هذا قرار هي اخذته من نفسها وكل واحد يتحمل قراراته
مو تجي وحده تصبر على عقم زوجها وبعد سنين تجلس تمن عليه صبرها
من البدايه لا تاخذين قرار الا وانتي واثقه

ومعليش ماراح تنفعك كرامتك لا اتصلت بأهلها
وغادرت للامارات

اعرف رجال جلسو يبكون عند حريمهم عشان يسامحونهم
وانت لك شهر كامل مافيه اي خطوه اجابيه؟؟؟؟

الا يااختي فيه خطوه ايجابيه
شريت لها طقم ذهب ولا يغلى عليها
لكن مافي فايده
كل مااقرب منها تبعد .. تتضايق اذا جلست معاها وتحاول تتجنبني لكن يشهد الله انها ما عصبت ولا رفعت صوتها وحتى قبل شوي كلمت امها ولا وضحت لها ان في شي صاير
فكرت اخذ اجازه بعد العيد ونسافر نغير جو ومنها اراضيها
وبنفس الوقت خايف تفشل هالطريقه

سرحها وخلها تشوف نصيبها وعيالها
المره متنازله عن ديرتها ضناها وظيفتها عشانك

مشكوره على النصيحه
لكن الطلاق مسسستحيل

اول شي غير نفسك
يعني اهتم بصلاتك واقطع اي علاقات مشبوهة

خلها تحس انك تبت وتغيرت

راقب ربك قبل لا تراقبها

جيب لها هدية قيمة ....طقم ذهب مثلا

واذا كانت مثل ما وصفت كل هدية مهما كانت غالية تبقى رخيصة في حقها

ما فيها شي لو رجوتها انها تسامحك.... اللي سويته مو هين

بالنسبة للعلاقات المحرمة الحل قطعها نهائيا ....ولا تقول لزوجتك عن اي تفاصيل

اذا صلحت الامور لا تخل لجوالك رقم سري وان خليت قوله لها

وخلها تشوفه متى ما تبغى لما ترجع لها الثقه فيك....اذا رجعت....

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ

قطعت علاقتي مع البنت وجوالي طول الوقت مرمي بأي مكان
وتشوفه وما راح أحط رقم سري
لا تحطمني ياخوي .. أبي ثقتها ترجع

على فكرة
كلامها منطقي لما قالت ( اذا انا ما مليت عينك وما تبيني خلنا نفترق)

نصيحة اخوية اذا تفكر لو واحد في المية تستمر بعلاقاتك المحرمة او ترجع لها

فسرح زوجتك باحسان...
...
..
.

__________________
سأكتبُ شعريَ الباكي ..... بدمع القلب لا الحبرِ
أُسَطِّرُهُ على كبدي ..... وأتركُ دَفْتَرَ الشِّعْرِ
جراحُ أحبتي في الأرضِ ..... تبعثُ عاصِفَ الفِكْرِ