مثل ماقلتي...راتبه حق 3 شهور خليه ياخذ نص منه وساعديه انتي بالنص..نص منه ونص منك..الحين مو هذي المشكله اجار الشقه القديمه محلول..

بس اجار الشقه الجديده..بتضطرين انتي تدفعينه.عشان كذا اقلك اجلي استقدام الشغاله..

وجاتني فكره حلوه...دامك بتشترين شقه تمليك خلال 6 شهور..ليش ماتجلسين عند اهلك وهو يجلس عند اهله.وتوفرون اجار الشقه الجديده لكم بدل ماتعطونه صاحب العماره.لحد ماتشترون شقتكم..؟؟6 شهور تمر بغمضة عين..وانتي عندك ولد واحد في الروضه وواحد مولود يعني ماعندك هذاك الازعاج..تقدرين تسكنين عند اهلك

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اعشق اسمك

معاك حق، بس الفترة اللي من بعد شهر صفر لحد ما يدبر فلوس الشقة الجديدة فين نجلسها ؟؟؟
و مع العلم انه الحركة هذه مو اول مرة تصير معاه ..

صارت نفس الظروف معاه بالضبببببط و جلسنا أنا و هو شهرين ببيت اهلي، لانه اهلي سافروا
بالصيف وقتها للخارج لمدة شهرين و بعد ما رجعوا اهلي ، قمنا جلسنا أنا و هو شهر كامل بشقة مفروشة
و بعد ما مليت و طفششششت .. قمت أنا اللي استأجرت شقة لمدة 6 اشهر و دفعت إيجارها

يعني مو اول مرة تصير و أخاف يرجع يعمل نفس الشي ..
عشان كذا أنا محسسته دحين اني تغيرت و مو مثل زمان و لا راح اصبر عالبهدلة .. *

بس من جد محتارة ،،

راتبي اقدر ادفع فيه الإيجار و الحمد لله .. بس أتمني تكون فكرتي وصلت لكم ..

حبيبتي روح ... اولا وحشتيني والله ... اتمنى تكونين بخير وصحة وعافيه ..

بالنسبة لزوجك ... هو متوقع دائما انك موجوده لمساعدته رغم الزعل والنصائح ... انتي تشيلين عنه المسئولية بالتالي
هو ما يفكر بجديه ... لانه يعرف انك بتتصرفين بالنهاية وان تهديداتك كلها مجرد كلام ..

شوفي حبيبتي .. ما دام انتي ملاحظة ان هو شاد حيله في العمل رايي انك تعدينها له هالمرة ... ولازم تكون اخر مرة ...
وفعلا زوجك من النوع اللي لازم ينقرص وبعدين عطيه مسئوليات وحددي له وقت ولا هدديه وكوني جاده ..
ونفذي تهديدك اذا ما نفذ وعده ... روح انتي شايله اشياء كثيره عنه طبيعي بيعتمد عليك ولا بيتحرك او بيسوي شي
حبيبتي انتي روحك يا دوب تربين العيال وتهتمين فيه وفي الوالدة الله يشفيها ويقومها بالسلامة يارب
فخلي التزامات البيت والتزاماتك انتي والعيال عليه ... انتي لما تعطينه فرصة انه يعمل شي .. هو ما يعمله لانه
يدري ومتأكد انك انتي اللي بتعملينه بالاخير ... فحددي مسؤولياتك ومسؤولياته ... جميل انك تكوني حنونه معاه
لكن بعض المواقف لازم تتصرفين فيها بالعقل ..
اما موضوعك الحين اشوف انك تعطينه فرصة اخيرة وتساعدينه علشان ترتاحين والله يهديه ويعوضك خير باللي
بتساعدينه فيه ... واتمنى لك التوفيق في حياتك الزوجية والمهنية ... وربي يسعدك حبيبتي

__________________

الزوج مايبين بعينه
ومايتذكر الزوجه الا وقت شدته مجرد تنتهي ازمته او يختلفون ينكر معروفها ويقول انا اتصرف

بجد يقهرون عن تجربة

__________________

لا اله الا انت سبحانك اني كنت من الظالمين

ليه الغرور

الشقة القديمة طيب كذا ان شاء الله محلولة ..

بس تخيلي أنا عند اهلي 4 اشهر .. و قبل سنة جلست عندهم شهرين لحد مايجيب هذه الشقة
و أنا من 6 اشهر اقول له ندور شقة تمليك عشان اذا خلص عقدنا بالشقة القديمة، ننقل على طول

و هو يالييييييييل ما أطولك .. و دحين بقي شهر و لسى ماعمل شي ..

و اهلي ماقدر اجلس عندهم اكثر من كذا .. صعب اقول السبب لانه يوجع قلبي و يفكرني بالشي اللي أحاول اتناساه

بس ( امي ما راح تعيش كثير ) و هي بين الحيا و الموت ،. و ماتبغى احد عندها
و اللي يزورها من أخواتي، يجوا لوحدهم من غير أطفالهم ..

و أنا ولدي اللي بالروضة هو اللي مسبب إزعاج لاهلي ، ماشاء الله طاقته عالية و كلامه مايخلص.. و لانه زمان امي كانت تدلعه
فيلصق بامي و مايتركها .. و امي قالتلي بعد ما ولدت .. لا تزعلي مني بس أنا ماعندي حيل
و ماباجامل احد الفترة هذه .. بس اذا خلصتي الاربعين روحي بيتك .. و لو رحتي بيتك، لا تخرجي و أنا موجودة بالبيت لأني
ما اتحمل ..

فلازم اخرج بكرة قبل لا امي تخرج من المستشفى .. و إخواني و أخواتي عارفين انه امي ماتبغى احد .. فصاير شكلي بايخ و أنا
جالسة عند امي .. حتى اخوي يمزح وقت ماقلتله ابغى اروح بيتي بس زوجي مشغول دحين

قالي اخوي ( لا يكون زوجك محسب حاله متزوج مسيار ؟؟؟ )

ماقدر من جد اجلس عند اهلي و قلت لك نفس الشي حصل ببداية الزواج .. و زوجي عاجبه كذا ..
لانه إخواني مابيقصروا معايا اذا احتجت لشي .. و بكذا اكون شلت عنه مسؤوليتنا ..

يعني امس جالس يلعب بلياردوا من العصر لحد العشاء و ماقلتله شي ..
يعني ابرد من زوجي مافي

برأيي انك تخليه يدفع راتب ال 3 شهور كامل ولا تدفعي النص،، عشان يحس بالم طيران الراتب بلمحة!!
يعني يحس بانو كيف صعب دفع مبلغ وقدره مرة واحده، وانه لو كان مجمع شوي شوي كان أحسن،،،

وبالنسبة للشقة الجديده، شوفي شو رح يحكيلك هو، يعني رح يطلب مساعدتك او لا،، وهدديه مسبقا عشان يتحرك..
هلا انت حكيتي لاخوك يشوفلك شقه، (شوفي عالاغلب انك رح تساعديه، بس ساعديه بعد مايعدم الوسيله وينقرص)
شوفي الشقة وزبطي امورها تقريبا، عشان وقت يجي موعد تسليم الشقة تكون الشقة الجديدة جاهزة..
واعمليها اما مفاجأة او اذا بتدفعي نص القيمة بس مبدئيا وهو ينجبر يكمل بعدين..

حاولي تحطيه امام الامر الواقع والاجبار على الدفع،،
موفقة حبيبتي..

الله يساعدك يااختي مو عارفة بايش انصحك لكن ضروري تكوني حازمة بصراحة خليه هو الي يدبر موضوع الايجار بس ممكن تساعديه قليلا يعني برأي بدل من انك تساعديه بالشقة القديمة ساعديه بالشقة الجديدة وخلي عليه ايجار الشقة القديمة عشان يمكن يحس. بس لا تجلسي ببيت أهلك مع الوضع الي فيه امك ، دام انها تعابنه ضروري تروحي معه .
بالنسبة لبيت أهله ما عندهم مجال تجلسوا ببيتهم مثلا لوقت مؤقت حتى تشتروا الشقة التمليك؟

طيب يا روح بما انكم مفكرين تشترون شقة تمليك
حاولي تجلسون بالشقة الي انتم فيها لين تلاقون
يعني ادفعوا 6 شهور الي راحت + شهرين مثلاً زياده
لين تلاقوا الشقة التمليك
تفاهموا مع صاحب البيت
النقل حتى هو بيكلفكم أقل شيء ألفين او 3 الاف ريال غير الاثاث الي يمكن ما يضبط بالشقة الجديده
وانتي ساعديه بالمبلغ بما انك ما عندك مشكله بهالنقطه
ثانيا صعب مره عليك النقل وانتي لسى طالعه من نفاس والوالده الله يختم لها خاتمه حسنه محتاجه انك تتفرغين لها شوي

وانتي دوري على الشقق التمليك يعني انتي اساسا ما تعتمدي على زوجك كثير
فليش بهذي المسألة موكلته
كلمي اخوك ودوري شقه باسرع وقت

باضيف نقطة مهمة :

هو حاط بباله من اول اني راح ادفع الإيجار تبع القديمة و الجديدة .. لانه عارفني ماعندي غير الكلام ..

فهو ما قال من يومين
( أنا راح ادفع إيجار الشقة القديمة من راتبي اللي باستلمه و راح ادبر إيجار الشقة الجديدة و لاتشيلي هم شي و باعمل المستحيل عشانكم )

غير بعد ما شافني جااااااااااااادة بكلامي مرة و ما بامزح ..
و لميت اغراضي و حطيتها قدامي مدخل بيت اهلي و قلتله ( بكرة رايحة لبيتنا ) ..

و قلتله خلاص حل مشاكلك مع صاحب الشقة القديمة و لا تدخلني فيها .. بس بكرة أنا رايحة البيت

.
.

لمني بشوق ..

و أنا مشتاقة لكم و افرح بشوفتك كثير : )
بس شايفة كيف الظروف متلخبطة .. بس خلي الحزن بالقلب امي مو بحاجة لدموعنا بحاجة لدعواتنا و الصدقات

كلامك صحيح، هو كذا بالضبط ..

طيب ماني عارفة احدد ايش هي مسؤولياتي و مسؤولياته .. من جد تلخبطت ..
و سؤال تاني، كيف برايك أساعده الفترة هذه ؟؟

زوجي فيه امل انه يتغير .. و الدليل انه ولدي الاول ماتحمل مسؤوليته .. غير هذه السنة ..

و التاني كان بيعمل معاي نفس الشي و يرمي مسؤوليته .. س كل مايجي عندنا ببيت اهلي .. يقول خلي
الاولاد مع شغالة امك، زمااااان كنت اسمع كلامه و اهم شي راحته

دحين مع ولدي الثاني صرت اقول له، مافيش احد و الشغالة ماتحب البزورة.. و اقول له امسك الولد شوي دحين أجي
طبعا حركة مقصودة مني ..

بالبداية كان يرفض و يقول مااحب اشيل البزورة و يتضايق و يتافف .. و اقول له شوي معليه ..
و زي كذا بالتدريج و دحين بديت احسه بدأ يتكلم مع النونو و يمسكه مرات و يشربه حليب و يقولي
كلي انت، او نامي و خليه معايا ..
*