أهيا ما تعرف شلي بقلبك و شنو غرضك من السؤال , ردها شوي عليك , ولا تستهزء بهاللأمور لانها تكسر قلب الزوجه , ( رفقا بالقوارير)

احسن تستاهل انا ضد تعدد الزوجات

أولا مبروك الزواج..
ثانيا معليش طبينا فيك بس تستاهل شوي!!
ثالثا انا مع اللي قالوا مو وقته ومو أسلوب بس مو هذا موضوعنا موضوعنا مسألة أنها تتقرف!
فعلا يا أخي أنا مع زوجتك ومو مسألة رفض للتعدد أو شي زي كذا لكن فعلا يعني أحس أنه قضية صحيحة!
يعني أحيانا لما يتناقشون عن التعدد في أي مجلس ويطرح موضوع أنه أتخيل أني أنا الثانية المدللة اللي يحبني وو الخّ! فعلا أحس إنه من المشاكلاللي راح اعاني منها مسألة أنه يروح لوحدة غيري ويجيني بعدها!! وأحس نفسي متضايقة من هالصورة فكيف لو كانت حقيقة!
بعدين وش لك ووجع الراس وسع صدرك انت في الفترة الذهبية عيش حياتك بدون تنكيد وعش اجواء رومانسية وان شاء الله الأيام الجياة أحلى..

حرام عليك اللي تقوله انت قاعد تكسر قلبها بكلامك
ارجوك اختار مواضيعك بدقه اكثر
وشكرا اختك عذوب الكويت

__________________

عادي دائما اسمع هالعباره من بعض النساء !!

يأخي لاتقعد تدقق على كل شي
انت الي بديت بالسالفه
اجل في واحد عاقل ويقول لعروسته ها الكلام
ملحقين على هاالكلام انت باقي عريس
انبسط هذي احلى ايام حياتك

طبعا هاي الكلام مو من قلبها .. لان اذا صج تزوجت عليها راح تقلب الدنيا ...

مشكورين ياجماعة على المرور والرد

مع ان الجميع يلوموني

لكن مثل ما قلت لكم انا تكلمت في الموضوع هذامن باب المزح و لاني كنت متوقع ردها متعلق بالحب والغيرة

ولو ردت على لانها مثلا تحبني او لانها تغار علي اكيد راح اوضح لها انها عندي بالدنيا ومستحيل افكر بزوجة ثانية

ونقلب الموضوع رومانسي وما يتبعه

لكن هي صدمتني بردها ما كنت متوقع انه ممكن يكون ردها وتفكيرها بالطريقة هذي

على العموم انتم قلبتوا الموضوع الى لوم وعتب ,

ياليت بعد ما تلوموني توضحون رايكم في ردها وهل كل الزوجات يفكرون بنفس الطريقة ؟

وشكرا للجميع

تستاهل هذا شويه عليك ولله اتقرف ونص ما اقدر اتخيلها جعلي ما اشوف هذا اليوم سبحان الله تتلذذون يامعشر الرجال باالكلام الي يعور القلب ياكرهكم ومزحكم البايخ

شوف انا مخطوبه الأن ومجرد تفكيري انه راح يتزوج يضيق صدري

مع انه لسه ماتزوجت ولاكلمته اساسا

بس لما يعلقون علي بعض البنات من باب المزاح

2_البنت يتعكر مزاجها لما يجيب زوجها طاري الزواج

3_انا مافكرت زي زوجتك مع إني اسمعها من بعض البنات

لكن ماراح اتقبل انه يسويلي شي حتى لو قبلات اوضم

لأني احسه كذاب في مشاعره يجيني من زوجته الثانيه

ويعملي نفس الحركات

احسه يجاملني

ومافي وحده ترضى على زوجها انه يتزوج

وبعدين انت عريس استح على وجهك اصبر شوي

وقيس غيرتها بعدين

يأخي من كثر ماراح تجيب طاري الزواج

راح تشك فيك

مع ان التعدد مشروع

وتحياتي