اسمحي لي

اذا ما طلبت الطلاق من هذا الوحش


فهي قضت على حياتها

__________________


ارجوكم لكل من قراء كلماتي ...ادعوا لي انا وزوجي بالتوفيق والسعاده

وان يهدي زوجي ويرزقني بالذريه الصالحه ...اللهم اميين

مرحبا من جديد ..حبيت أشكر كل من تفاعل معي في هذه القضية التي فعلا أصبحت قضية تتداول في المحاكم .. نعم ..فالطلاق هو الحل بالنسبة لها.. أما أطفالها الأربعة الذين لم تشاهدهم من أسبوع (مع العلم بأن أصغرهم يبلغ السنة والنصف من عمره)..فسوف تطالبهم اليوم عن طريق المحكمة ..وأتمنى من الله بأن ييسر لها أمورها ويحقق مرادها وتتخلص من هذا الظالم..

ودمتم سالمين..

كان الله في عنك أختي الفاضله

لا تقولي إلا حسبي الله ونعم الوكيل


فعلاً قصص مؤثره .

لكن أختي الفاضله كل شيء وله حل

عليك بالدعاء والأستغفار وركزي على الدعاء أكثر

حتى يفرج الله كربتكم . أسال الله أن يفرجها عاجل غير آجل

__________________

حبيبتي انتي قلتي ان زوجك كان ظالم زيه بس الله هداه صح ؟ ..

ليش ماتحاولي تخلي اخوه يكلمه يمكن يسمع منه ..

مثل ما قالو خليها تستخير والله يفرج كربتها ويهديها للخير ..

وبعدين على حكاية زواجه من وحده ثانية ..

تعرفي المثل اللى يقول الله يطلع حق ناس بناس ..

بس انا استغربت منكم يضرب ويهدد بسكين كان على الاقل اشتكت عليه ..

ما اقول غير الله يهديه ..

الله يطمنك على اختك وطمنينا عليها حبيبتي ..

الله يسمع منج يا أختي.. وألف شكر على التجاوب السريع.

أختي العزيزة.. أخوه مستحيل يكلمه ..لأن هؤلاء الإخوان ما تربوا على الحب والتضحية للبعض الآخر ..بل على العكس تماما كل واحد قاعد يعادي الثاني ..والمشاكل اللي بينهم البين لا تعد ولا تحصى..

أما بالنسبة لسؤالك ليش ما اشتكت عليه ! هي فعلا اشتكت واشتكت واشتكت..ولكن الحيوان كان يقفل عليها الباب ويذهب بعد أن يشوه لها وجهها مخافة أن تشتكي عليه ..
والمشكلة أن أختي لجأت للشرطة قبل أن تلجأ إلى أهلها ..ولكنهم للأسف لم يتدخلوا ..بزعمهم أم هذه الأمور زوجية ولازم تحل وديا..

المهم حسبي الله عليه الظالم ..عسى الله لا يوفقه دنيا وآخرة..

ألف شكر لج عزيزتي على الإبداء بالرأي..ودمت سالمة.

قرار غير صائب يعني وش مصبرها طول هذي السنين لا وجايبه منه اربعة عيال وماقررت تطلب الطلاق إلا يوم تزوج وين الاطفال بهالمتاهات كلها محد فكر فيهم الاب فكر بنفسه وتزوج والام تدفعه الغيرة للطلاق والاطفال هم الضحيه وبعدين اتوقع كل انسان مهما كان شرس فيه له باب تستطيع الدخول منه الى قلبه وافكاره المفروض تفرح انه تزوج علشان يفك عنها شوي وتتفرغ هي لتربية عيالها برواقه وهدوء يعني بصراحه فيه نساء ماادري كيف يفكرون ؟يعني إذا ضاع منها الزوج تقوم هي تضيع عيالها وبعدين اكيد فيه اسباب تجعل الزوج يضرب مو معقوله يجي يضربها من غير سبب لازم تبتعد عن الاشياء اللي تثير غضبه وتصبر ترى الصبر زين إن شاء الله ربي بيعوضها بعيالها إذا احسنت تربيتهم وكل شيء له نهايه

__________________

إلا هالإنسان يا أخوي ..لا أظن أن هناك باب وأختي لم تدخل منه إلى قلبه ..يتعدل يومين ويرجع كما كان ..وبعدين أخوي من قال لك أنها افتكت منه بعد الزواج ..المسكينة أختي كانت تتصور أنها راح تفتك من جوره وتسلطه بعد ما تزوج..وللأسف اللي حصل هو العكس ..فالظالم قام يفرض سيطرته أكثر وأكثر ..لا ويشك في كل حركة تسويها ..واعترف لها بنفسه أنه خايف أنها تشوف لها شوفة ثانية ز.غير موبايلها اللي على طول عنده إلى أن استغنت عنه..الشك ذابحه..

أما بانسبة للضرب ..فنعم كان يضربها بدون أي سبب ..آخر مرة ذهبت معاه السوق لتشتري لها عباة..ولم تعجبها أي عباة ..تخيل أن الضرب كان بسبب أنها لم تشتري عباة..لا وضاربها أمام عيالها ..

وبعدين إلى متى الصبر؟؟؟؟؟؟؟؟؟إلى أن تموت من القهر.. ترى أنا الشاهد الوحيد لها في كل شيء ..شفت كل شيء بعيني بس دائما كنت أصبرها ..ولكن الشيء إذا زاد عن حده ينقلب ضده..

ومشكور أخوي على المرور.

طلبها للطلاق أراه صائنبا جدا........فمن الأفضل للأطفال أن لا يتربوا في مثل هذه الظروف......... الزوج يضرب الزوجة والأطفال حضور..........سبحان الله

فرج الرحمن مصابها

خير مافعلت بطلبها الطلاق

__________________
استغفر الله العظيم واتوب اليه..اللهم اغفر لي ذنوبي وارفع عني البلاء

ابو عبدالاله