ضايق صدري ،، وخايفه على اطفالي ،، زوجي طلع مسيمعي يسمع لهم ماحط حد للموضوع وابوي يقولي مالك رجعه له وان رجعتي منتي بنتي انا مع ابوي ولا راح اخسر ابوي عشان زوجي قلت لابوي اللي تبيه سوه وانا معك ،، الحين بعرف شي واحد لو انه صحيح طايبه نفسه مثل ماقال ليه ماطلقني ليه معلقني ولو انه يبيني ليه ماكلمني وتطمن علي وهو عارف ان عمي ضاربني ،، حتى ابوي يقول راسي بينفجر من كثر التفكير ليه مايطلق ولو يبيك ليه مادق وتطمن وحط لسالفه حد ،، اليوم تكلمو بسالفتي الكبار بكره الصغار جيل ورا جيل يتكلم فيني والسبب زوجي ،، بداية السالفه عماتي انكروا قالو ماقلنا عن بنتك وزوجها يربط عصاعص هو يتخيل وزوجي كذبني قال انا ماقلت روحي اسالي امك وعماتك انا قلت بسال امك وعماتك وهو كذاب قالي روحي اسالي امك وعماتك والحين عماتي وبناتهم يقولون ايه احنا قلنا ،، وش يبون مني وش الهدف مدري ؟ لكن برحم نفسي من التفكير ماني قادره ،، الحين هو سكوته وش معناه يبي اكثر يكبر الموضوع ولا ايش ؟ مصدومه والله مافي زوج يسوي بزوجته كذا حسيت نفسي عدوه له وانا عمري ماضريته الخبز كنت اقسمه بينا ،، عجزت افهم سكوته انضربت وتكلمو بسمعتي وهو ساكت لو اي رجل غيره لو مايحب زوجته كان اقلها طلقها وماعطاهم مجال يتمادون لكن هو وش ناوي عليه مدري انا خايفه من سكوته،، وابوي يقول بطلقك منه لكن ماني قايله هات ورقة بنتي عشان مايقولون خاف ويبي يستر بنته لاينتشر الموضوع وابوي يقول ماني مبين لهم اني معطيكم اهميه واترجاكم بورقة بنتي يقول بكره يجلسون يساموني على ورقتك ادفع واطلقها ،، ابوي يقول بنسكت عنه وهو يجيبها بكيفه ،، والاخوان والخوات اللي قالولي روحي للمحكمه ابوي رافض خايف على سمعة خواته وهم ماخافو على سمعتي قلت لابوي هم ماخافو على سمعتي وانت تخاف عليهم قال ابوي ولو يابوك ان خسرنا شي بالدنيا عند الله نلقا الاعظم والواحد يسوي لله ويحتسب الاجر وهذولي مهما كان خواتي لكن بكره بيصحون ويعرفون فعايلهم ويندمون،، لكن جد انا بديت اخاف سكوت زوجي وش معناه وبديت اخاف من انتشار الكلام هذا اللي خوفني ،، هو ليه ساكت حاسه يخطط لشي،، وحبيت اقولكم شي ترا هم كلهم ماتوقعو ان الموضوع يوصل كذا واللي اقصدهم عماتي كانو يتوقعون يظلموني ويصدق ابوي مثل ماصدق زوجي واني اعيش مذلوله لزوجي وان شكيت لابوي ابوي بيقولي انكتمي وارجعي لزوجك هم كان مخططين لكذا والدليل قبل يظلموني كنت اشكي لابوي من مكالمات زوجي وكان يوقف معي يتصل بزوجي ويهاوشه ويتصل بابو زوجي ويقوله وقف ولدك عند حده لا اجي واوقفه بنتي مو رخيصه يكلم قدامها عاد انا فسرتها كذا لانه لو بجد بيطلق كان اول مانزلني عند اهلي طلق وهو ساكت نو لازم يقول قالو انك تكلمين ،، مدري هذا تحليلي لكن سكوته الحين وش معناه مدري والله تعبت من التفكير

لا تتعبي نفسك بالتفكير... فلن تعرفي ما في رأسه أبدا...

والدك نعم الرجل.. و اخواته خسرن شقيقهن ربما للأبد بسبب فعلتهن الرعناء...

بالنسبة للمحكمه... أنا فقط اقول ان تحتفظي بالرسائل في حال صعدت الأمور للمحكمه.... لا أحد يعلم ما الذي سيحدث مستقبلا...

و لا تهتمي لكلام الناس... أعلم ان هذا صعب... و لكن تذكري ان الله فوق سبع سماوات ينصر عبيده المظلومين...

يا اختي ودي ترسلين له الرساله تحرقينه... تخلينه ما ينام الليل من التفكير.... صدقيني ما راح ينام الليل من التفكير...

و نفس الرساله ترسلينها لعماتك و لأخواته... خليهن يرتعبون شوي.... يمكن ما يرتعبون اليوم... و لكن بعد حين... لا تسبي و لا تشتمي في الرساله.. فقط مثل الصيغه التي صغتها لك.... عامة هي... حتى لا تحسب ضدك...

اخي العزيز او اختي العزيزه لكل حد لو ارسلت له هالاساله ماراح تاثر فيه ابدا لانه مصدقهم ومسكر عيونه واذنه عن الحقيقه ولو ارسلت ماراح يرد ابدا لانه عنده ان خالاته الصادقات وانا لا ،، يعني رسالتي ماراح تفيدني بشي ولاراح تقدم وتاخر بهالموضوع شي ،، لكن دعواتكم ان الله يفتح على بصيرته ويريه الحق حقا ويرزقه اتباعه ويره الباطل باطلا ويرزقه اجتنابه وحسبي الله ونعم الوكيل

حسبي الله ونعم الوكيــل ،،
ردديها دائما ،،
اللهم من آرادني بسوء فرد كيده في نحره وآجعل تدبيره في تدميــره ،،

الله ينصرك وينصر كل مظلوم ،، عاجلا غير آجل ..

__________________

أختي و من قال اننا نريده ان يرد... الرساله ستترك أثرا... ستترك أثرا و لو بعد حين.... حينها سيعض أصابعه ندما على ما فعله بك.... حين يدرك انك قوية و لا تخشينه...

و مثلما كنتِ تتوسلينه للرجوع... ها أنت برسالتك الجديدة تقولين له ان الله فوق سبع سماوات سيأخذ حقك منه و من أهله...

صدقيني الظالم يخشى و لو بعد حين...

قال سبحانه: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ﴿6﴾

http://www.66n.com/forums/showthread.php?t=235063
الاباء هنا نفس بعض قمة الشهامة والرجولة والنخوة
بس جالسة أقارن بين البنتين
والله فرق السماء عن الأرض
بنت عازه أبوها وسامعه كلمته وموقرته
ووحدة حاره قلبه وتطارد ورى واحد مايسوى ظفر أبوها
ومو بعيد يجيه ذبحه قلبيه على إيديها
ياعزتي لابوك
ياشيخه حرام عليك أبوك بيجيه جلطة وبيموت قهر
من سواياك وقلة كرامتك
أحشمي هالشايب وبطلي مطارد ورى رجال نذل مايسوى التالي من الغنم
وأحشمي نفسك عن تتبع أخباره
يقولون لك الأخوات أرسلي رسالة عبارة عن دعوة مظلومة عفيفة
قذفت في شرفها وتقولين ماراح يرد وشششش تبين برده؟؟
للحين تفكرين كيف تخلينه يرد عليك ويلتفت لك ..؟!!
هامك مرره أنه يعطيك وجه..؟!
أنتي عندك أحساس وإلا معدومة أحساس..؟؟؟
كرامتك وين محلها من الأعراب ماني شايفتها موجوده نهائي؟؟
أشتري رضى أبوووك هالرجال ماراح ينفعك وبيخلي حياتك دماررر
أحشمي شايبك أحشميه وخلي لكلمته عندك وزن وقيمة
وخففي من فيضان الحنان إلي عندك خففي
وترى الثقل زين وبطلي طفاقه
واقري قصة انثى شامخة وتعلمي الله يعافيك منها
لعلك تطلعين بشوية شموخ وكرامة تنفعك بحياتك
رغم اني غاسلة ايدي منك

المسأله واضحه حسد من خواته لما كان يدلعك قدامهم واكيد الخبر وصل لخالاته وبعد حسدوك
وفكروا في مكيده يسببون مشاكل بينك وبين زوجك وهو للاسف صدقهم..

عماتك ظالمين..
..
زوجك وعمك الاصغر للاسف ماتثبتوا ولا اخذوا بقول الله تعالى:.{يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ [الحجرات: 6]}.


.
انتي مظلومه مظلومه مظلومه ..!!
المفروض في هذا الوقت انتي مع ربك تصلين وتدعين مو تسألين ليه ماطلق وليه مارجعني ..
صلي قيام الليل وادعي في السجود :{اني مغلوب فانتصر}
مادعيت بها الدعاء وانا مظلومه الانصرني الله على من ظلمني..

قسم بالله قلت اللي في نفسي ونروح ونجي وتعيد نفس الكلام ... لابارك الله في الحب اللي يخلي الوحدة رخيصة وذليلة وتبيع الأول والتالي عشانه..

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

انا ما قعدت اعيد مثل الكلام انا كل السالفه مصدومه من زوجي صدمة عمري وعجزت اقنع نفسي باللي حصل كل هذا المقصد ولكن بما ان فيه عضوات هنا يجلسون يجرحون فيني وانا مو ناقصه عشان كذا بسحب نفسي من المنتدى كله ولاعاد بكتب شي واقول شكرا لاخواتي واخواني اللي شالو همي والله يسعدكم بدنياكم مثل ماكنتو تخففون علي واللي خلاني اكتب لكم كل شي يصير معاي لان بعضكم كان كلامه لي مثل البلسم وانت تعرفون الشخص المصدوم مثلي في باله الف سوال وسوال واللي تقولي كرامه ومدري ايش انا كنت كل اللي ابيه زوجي يصحا ويصدقني انا لاني لو تطلقت منه وصحا بعد طلاقني ماعاد بيهمني كل اللي ابيه لايطلقني ظلم وسمعة اطفاله من بعدنا وراح يتكلمون فيني اجيال واجيال لكن الله على الظالم كله هذا ابيه يصحا مابي حبه ابيه بس يصحا يقول للناس بس وقفو لاتتكلمون على زوجتي هي بريئه ابي هالكلمه وبعدها مابي شي،،،