نهارك فل و ياسمين ميمو

__________________

مساء الخيرات اشلونكم حبيايبي ايش اخباركم

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

مساء النور سديم
الحمد لله بخير و عافية

__________________

دوم ياهاجرمهو يوم ان شاء الله

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

مساءكن فل

على سيرة الأب .. شو رأيكم بتدخل الأم في موقف للأب مع ابنه أو انبته .. اذا كان لها راي اخر ..

زوجي لا يتقبل الوضوع تهائيا ..

__________________
أبسط شيء في الأناقة نظافة قلبك

مش امامهم ميمي
بينك و بينه وضحي أعتراضك
اذا تدخلتي أمامهم بيعتبرها انتقاص من قدرته علي التعامل مع عياله و ادارة
الحوار معاهم و ما راح يتقبل منك
بعكس لو تفاهمتي معاه بعيد عن الاولاد بيسمع منك

__________________

و الله يا هاجر نتفق انا و اياه كتير بعيد عن الاولاد عن طريقة التعامل معهم ..

بس أحيانا يستفزني بتصرفاته معهم فلا أتمالك نفسي .. فأتدخل برفق .. و لكن مع ذلك لا يعجبه ..

__________________
أبسط شيء في الأناقة نظافة قلبك

توأمتي النتية

حطي نفسج مكانه .. بترضين كلامج ينكسر .. حتى لو كان بطريقة لطيفة ولينة؟

لو حصل موقف يستفزج ارجعي تكلمي مع زوجج وذكريه باتفاقكم الخاص بأساليب التربية .. لكن أبداً لا تسكرون كلام بعض جدام عيالكم.

__________________


اللهم طِيبَ الأثر .. وحُسْنَ الرحيل.

إشراقة..

أمس تحديداً حصل حوار بيني وبين زوجي بخصوص الولد .. وقبلها حوار قبل حوالي أسبوعين أو ثلاثة.


الولد وحيد .. أبوه يغيب لأوقات طويلة .. أعمامه مب متبرضين له .. والاثنين اللي في البيت عزوبية وما يتفهمون أصلاً حاجة الولد لرجل في حياته ويومه .... وأنا كحرمة ما أقدر أزرع فيه كل اللي تحتاجه شخصيته كرجل.


من أسبوعين طلع مع ولد خاله وولد الجيران .. راحوا النادي يلعبون كرة قدم.

لما رجع قال لي: ما لعبت وايد!

قلت له: ليش؟

قال: حطوني في الاحتياط!

قلت له: وفلان وفلان؟

قال: لعبوا المباراة وأنا تميت يالس!


عورني قلبي على ولدي .. حسيت إنهم مستضعفينه .. هم لعبوا وانبسطوا وهو يالس يطالعهم!!

ومواقف سابقة كان يقولها لي تدل على إنه ما يقدر ياخذ حقه بنفسه .. أو إن اللعب يكون على مزاجهم هم على حساب مزاج ورغبة ولدي .. يعني مثلاً ممكن يكون هو يبا يلعب كرة لكن ربيعه يبا يلعب بالآي باد .. فولدي يخضع لراي ربيعه ويلعب بالآي باد مع إنه من داخله ما يكون مقتنع لا يبا الآي باد في هالوقت.

مع إني دايماً وبعد كل موقف أفهمه التصرف الصح وإن من حقك تطالب بحقك .. وتسوي الشي اللي يريحك إنت مب اللي يريح غيرك بس .. على الأقل مرة لك ومرة له .. ولا تخلي حد يجبرك على شي إنت ما تباه.


تكلمت أمس مع أبوه وقلت له لازم تتصرف وتتواجد بشكل أعمق في حياة الولد .. مب معقول يكون دورك مقتصر على إنك توفر له مصروف وتشتري له أغراض .. وربع ساعة تلعبون فيها مصارعة مع بعض آخر اليوم!


طمّني وقال لي: لا تشيلين هم ولا تهوجسين .. الولد بعده صغير .. وأنا أشوفه يتصرف بطريقة زينة لما يطلع معاي المسجد مثلاً.

قلت له: المهم إن الولد محتاج منك أكثر من اللي يحصله الحين.

ووعدني خير.

__________________


اللهم طِيبَ الأثر .. وحُسْنَ الرحيل.

ياحياتي على سلطان ❤ جد فاهمة شعورك.

يبغى لك تبقي ورا أبوه دايماً وتحرصي فعلا يقضي معه وقت.

شوفيني 5 أيام بس وحسيت بفرق كبير!
حتى أنا هدأت نفسيتي وارتحت إنه قريب منه.

الرجال دايماً يحسوا الأم تبالغ وتسوي دراما، وهي أعرف وحدة بنفسية ولدها.

أنا كم مرة أمر على مدرسة ولدي وقت البريك، وأستغرب مرة لما ألاقيه جالس لحاله على الطرف بس يتفرج، وأصحابه كلهم يلعبوا قدامه..

مع إنه في البيت يسوي إنه قوي بس قدام أصحابه ينعزل.

.............


ميمي حبيبتي

ماينفع تكسري كلمة الأبو قدام الأولاد مهما أخطأ.

زوجي يرفع ضغطي في اوقات كثيرة مع الأولاد بس أقصى شي أسويه وقتها أشر له بعيني