اقتباس:
المشاركة الأصلية كتبت بواسطة قلب مشغول
الحمدلله فرحت كثير لانه ماجاء واخذني كان مرتبط
ارسلت له في الواتس اسلم عليه ورد
وقلتله نبدأ نأثث من بكره البيت الجديد لانه وعدني نسكنه ونأثثه اول مانرجع للرياض
ومارد علي ابدا اي شي فيه طاري الفلوس يخترع طيب بيته وموبيتي وملك مو خساره متوقعه ردة فعله وحاسه راح يتعبني
مارد ابدا
الله يعين قلتله نأثث على اقل من مهلنا
|
من جدك قلب ، لك يومين عند أهلك وترسلي له ، سلام ، ثم تبدأين بالطلبات ، وأنت عارفة إنه مرتبط ومو وقته هذا الكلام ، اللي يشوف معاملتك معه يقول هذه مالها خبرة بالزواج ، كان المفروض اتصلتي ؟ ووحشتني حبيبي ، اليومين هذه فقدتك ومن ذا الكلام ..... ولا تبغينه كمان يرد عليك ويعطيك اقتراحات الأثاث وهو بين الرجال ....
ولاحظت كل ما اتصلتي عليه ، تجيبي سيرة فلوس، ترى والله ما يتغير ، زوجك حذر
جيبيه بالعاطفة ، واضح إنه عاطفي والكلمة تجيبه ..
وبعدين أثاث الشقة وينكم ماسألتو قبل وين بسكن وكيف الأثاث هل بتتركه ، واذا قال إيه
خلاص معليش أثثه ، وبعدين نتزوج ... كل هذه الأشياء تتحمليها ، بسبب تسرعك ، لا تقولي أخوي وهو يبون الزواج بدري وين كنت مالك كلمة ، مالك شروط معينة ، ولى خلاص جاء العريس خل أوافق قبل يشرد ..
كل اللي يسوية له ردة فعل ولو فرضنا طبعه اقتصادي ، كل شخص له عيوب ، عيب زوجك اقتصادي ، وعيب طليقك الإدمان.. يآأختي فرق بينهم ..
مع الأيام إذا شافك شاريته على قولك ، والله إن يعطيك ويخلي مصروف البيت عندك من ثقته فيك ...
لكن اصبري وتعلمي فن الحوار ، حوارك معه سيء من اللي تكتبيه واضح ، ما عندك أبد كيد الحريم
بعدين لاحظي في بعض المواضيع ، يجئ الرجال يشتكي حتى بشهر العسل اشتريت لها علبه مكياج ، مفروض انها مقضيه من مهرها ويتمنن ، البعض كذا، تفكيره إنه مهرها خلاص تريحني شهر شهرين من أغراضها، تدرين لما تزوجت أبويه أداني فلوس قال عشان بشهر العسل ماتقعدي تطلبيه مؤ حلوه بحقك ، يعني أبويه من ضمن التفكير هذا ...
متأكده زوجك مؤ بخل ، لكن طريقة في التعامل نفرته منك ، وهو واضح ريحيني وأريحك ..
يعني تنفري منه وتبغيه ينفذ لك ...
الحل اتصلي عليه وأعطيه من ذا الكلام وخليه يمرك
وروحي نامي ببيتك عشآن يرضى عليك، وبعد كم يوم ارجعي لأهلك ، ومع الأيام بغير لك كل شيء ..
لكن أثبتي له الفترة هذه إنك حابته وتبغيه بالفعل قبل الكلام ..
الله يصلح حالك ...