اخي الكريم انت يجب أن تتعامل معها بثقة في نفسك وأن ماحدث من أمر الخيانة أمر لايوجب التسامح ولا المغفره وأن حياتك معها انتهت والكلام عن الولد اما هي فلا تربطك بها أية صلة مهما حدث .. واخبرها بزواجك من اخرئ وقل لها انك ستتزوج البنت المصونة التي تخاف الله في زوجها ولا تخونه . ثم اتركها وامض علئ مانويت من امر الزواج وسترى ان الايام كفيلة بتعليمها لغة الانكسار والاعتذار وسترى منها التحسر .. لأن الموضوع داخله فيه الغيره ..

والغيره تعمي عيوبك امامها ولا يظهر منها الا محاولة الرجوع إليك بشتى الوسائل .. هنا تمسك أنت بزمام الأمور .. ونصيحتي اذا تم زواجك على خير وارتياح ان تسرحها بالمعروف وتمضي في طريقك..


اسأل الله لك التوفيق

اللهم أبعد عنا الكرب و الهم والحزن و أقضى لنا حاجاتنا و أصلح لنا ديننا ودنيانا ..
اولاً شكراً لكم من الأعماق وجزاكم الله عني كل خير.. ووالله ان كل ماتكتبونه انه محل اعتبار..

أمس وبعد جهد واتصالات على اخوي الكبير انتهت كلها بـ" لم يتم الرد " !! كالعاده طبعا مع اخوي لاهي بتجارته ولاهو لمي ولكني مالومه وانا على قناعه ان
تراه ماينفعك خالك ولا اخوك ..لاصرت ماتقضي لزومك بيمناك

المهم حاولت للمره الاخير والحمدلله رد علي وقالي تعال عندي جيت له وجلسنا وحكيت له اني مليت وحالتي النفسيه تدهورت فلا زوجه ولاولد ولاحتى احد يرفع السماعه يواسيني من اهلي !! المهم قلت له انا بطلق وتراني صابر لاجل ماتزعل وتقول ليه تطلق وانت ماشاورتني ...!!

قلت له البنت ماهي راضيه تجي للديره الي انا فيها بتاتا انا خلاص بطلقها .. قالي خلني احاول محاوله اخيره لعل الله يجعل فيها خير ..قلت ماوراها خير هذي شر وابتلاء من الله واشهده سبحانه اني صااابر محتسب.. اتصل عليها وكلمها بالطيب واللين مانفع قالت طلعه من الرياض ماني طالعه ابداً وخله يطلقني انا عطيته شروطي غير كذا مافيه .. ياجماعه ياطول لسانها والله اني اسمع صراخها من سماعه جوال اخوي ...آآآه بس .. اخوي حاول معها مافيه اي تجاوب قالها انه جايني يبي اخطب له ! قالت بكيفه ! المهم انتهت المكالمه وباين على اخوي انه معصب قلت لاتلومني هذي هي معي وهذا هو عنادها ولسانها الطويل ماتغير .. وصيت اخوي يكلم اهله لعل وعسى يشوفون لي بنت حلال ..
اما حالي الان والله انه مايسر لاصديق ولاعدو ..ياناس والله مليت وتعبت والله يستر لايجني شي ! الله يستر ! يومياً اعيش حالة فراق عسيرة يوميا اعيش حاله غضب وهم وقهر مادري انا مقهور من زوجتي ولامن فرقا الولد ولامن الي اخواني وخواتي الي ماشالوا همي ولادروا هو انا حي ولاميت !! كلكم طبعا تعرفون انه ماعندي اخوان ولا اخوات اشقاء كلهم من الأب فقط قلت يمكن لو كان لي اخ شقيق يبي يصير عزوه وسند بعد الله لكن الحمدلله على كل حال .. آآآه خلوني افضفض واسمحولي انثر حروفي هنا والله ماعاد لي نفس لاعلى طلعه ولا سفر ولاحتى اجازة كل الاماكن تشبه بعضها .. والحزن يلاحقني ملاحق الله يعوضني خير ..

خلاصه الحال ..

ما به جديد وكـل مـا قيـل ينعـاد.. نفس الكـلام الـي نقولـه نعيـده

أشعر بأن زوجتك متأكدة 100% بأنك لن تطلقها ومطمئنة من حبك ومطمئنة بأنك لن تتزوج عليها ..
كما أنها تستخدم ابنك كسلاح لعلمها انه نقطة ضعفك ..

__________________
اللهم اجعلني من اوليائك الصالحين

الله يعين يارب
حاول مع زوجتك بعد
طيب دام مالك عزوه ليه تسكن بالديره اسكن بالرياض ولم شمل ولدك وزوجنك

لولو

والله اني احترت معها .. انا اهم شي عندي الولد اما هي لو ترجع بضمن انها تستقر وبتزوج عليها اكيد مستحيل اني اكمل عمري مع وحده مثل هذي .. انا فقط صابر لاجل الولد

مبتعثه متفائلة

اختي المسأله ماهي مسأله عزوة ولكن اسم ان لك اخوان واخوات واهل وجماعه وربع ..الرياض وش فيه مافيه الا الفقر وقلة الحيله انا مانقلت من الرياض الا لاجل ان ارتاح ماديا ونفسيا .... الراتب في الرياض مايوكل عيش وانا اخوك انا متوظف بالرياض فقط عشان آآآكل فقط ..لايمكن اني اجمع لي قرشين الا وراعي العماره متصل يقول ترى الاجار حل !!! هذا غير المصاريف والغلا الفاحش هناك .. علاوة على زحمة الرياض الي ماطيقها ابد كل سنه عن سنه تزود جلست هناك 6 سنوات اعتقد انها كافيه الله موسع علي ليه ادور الضيق !

السلام عليكم والرحمه
الموضوع لايستحقق هالنكد والتعب مادمت لاتحمل نحوها مشاعر
احمدربك كثير تراك رجل مو بنت يوم انك تندب حظك واحمدالله اكثر مااحدسئل عنك لان مالك اشقاء ام واب !!افضل بكثير من وجودهم وماتجدهم سند!!"اتكلم واقع مو نسج الخيال"هناك بنات تدعي وتبكي من الظلم اللي يجيها من اخوان ام واب!!
ولاتعتمد ع اخوك ف مسئله الخطبه,,رح لوسيط رجل وانت تعرف الرجال اما امام مسجد او داعيه او زميل عمل واسئله عنده احد او يعرف احد واعطهم مبدئي ممكن ولدك يتربى عندك !!لان المستقبل لااظمن جانب زوجتك!!
تعامل مع المواقف بقوه رجل ولاتثنيه حرمه مادمت لم تخطئ بحقها بل استفد من التجربه لقادم الايام

مكان سكنك الان جايز لك ابق فيه ماخبرت ان الزوج يلحق الزوجه الا في قصص الجيل الجديد او من يجد خلفها نفع اما وظيفه او ورث او مريض الخ
وولدك مهما سوامت عليه تبقى كفتك الارجح والاقوى وابد لاتخاف من بعض القصص انه سيكرهك اذاكبر الخ
القلب بين اصابع ربك بالاضافه ياما عيال وبنات تربوا ع ايدي وفي حياه مستقره بين اب وام وخرج من بينهم عصاه وعاقين ويفضلون زوجاتهم ويرمون والديهم بدارالعجزه,,الخ المستقبل في الابناء غير مرهون دائم وفق مشاهد مادمت لم تقصر معه
احتياجات ولدك خلها اشياء عينيه افضل بدون فلوس خلها تذوق فقدك ولانفق عليها كون مالها حق دامها خارج بيتك

بالاضافه اركنها جنب ولاتجادل معها كثير لانك تتعب على الفاضي اللي يبي حياته ويستقر يعيشك معك ع الحلوه والمره مادامت تصرفاتك لاتمس دين ولااخلاق!!

..............
لاتعتمد ع اخوك وماانت سفيه ولامراهق بعمر30 اصلا عشره 6 سنوات يكون عندك 3 او 2 ابناء مو واحد,,لكن عايش زوجك وفق ماتريد بالاضافه انتظر ينتهي رمضان وجمعه الروحات والمناسبات ان تلاقيها تلاحقك وين ماتبي وتقرب وجهات النظر


ياستاذي ان رغبت بالمناقشه عمر المكان ماكان سبب اذا كان صاحبه مصدر امان واستقرار..وش فايده سكنه الرياض والزوج خاين او مهرب او مدمن او لايصلي الخ,,راح يكون زيه زي الهجره!!وياما ناس بالرياض مايخرجوا من بيتهم وياما ناس بالديره مايجلسون من كثر الطلعات,,
يعني زوجك لاتملك فكر وعقل مفتوح ليس محصور ع جزء معين!!من هي وغيرها كثير ان لاتخرج من الرياض !!

استغل رمضان بالعمره والصدقات والبحث عن زوجه واتكل ع ربك كثير والزم الاستغفار والدعاء!!
ولاعليك من كلام الناس انت رجل لاتعطي احد مساحه او مدخل يستغل الضعف اللي ينتابك الان!!
ولاانسى معك حق في نظرتك ان الديره مكان لجمع المال اييدك بقوه واهم شي راحك والله يحميك ع هالفكر والعقل ابد خطتك اييدك عليها بقوه,,ولدك معه ربه ارحم منك فيه ادع اله له في كل صلاه !!وان بغيته رح له وان كنت تقدر تاخذه ايام يعيش معك وبتراقبه لاتقصر ع نفسك انبسط معه ,,,
ياما زوجات اب ربوا العيال بصوره سليمه لكن ليكون بعلمك الكثير من المعددين شوه صوره التعدد والستر والقبول من البنات لان الرجل يرضخ ويتبع زوجته الاولى ف واقع التهديد وحتى يطلق الثانيه بناء ع طلبها ويمكن مايعدل بينهم الخ,,يعني الكلمه الي راح تخرج منك لزوجه الجديده من كونها الاساس اتمنى لاتتغير اذا ورد من زوجك تغييرايجابي او سلبي لانك بتدخل بجانب كونك ظالم!!!

نسئل الله لك التوفيق والاطمئنان وتفريج الهم

يأخ رجل الله يعوضك خير ويفرج همك انت صبرت كثير وان شاء الله الله يعوضك بالزوجه الصالحة الي تعوضك عن كل الايام التعيسة
إحنا بشهر الخير توكل على ربك والجئ له بالدعاء لايهمك اخ والا أخت

والله اعرف إخوان أشقاء وكل واحد مايدري عن الثاني

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

لا حول ولا قوة إلا بالله
أسأل : الله أن يُفرج همّك ..
لا أملك غير الدعاء ..

__________________

ليتكـ بوسط الحضن سآكن و مدفون .. و ليت اللحد صدري و لو فوقه ترآب .

واضح انها تلعب عليك فوق شينها قواة عينها ولدك غصبن عنها بجوفه الحضانه لها بس القاضي بيحددلك ساعات في الاسبوع من حقك يمن الله يحفظك من كل شر ويعوضك ربي وهاي دعوة لك ياربي ترفعها لسابع سما عسى اللي مايدانيك يااخوي رجل ماادانيه ثيابه .. نصيحه افتح لولدك حساب توفير بدون لاتخبرها باجرر يكبر الولد ويعرف انه ابوه مااهمله .

السلام عليكم ورحمه الله وبركاته

اللهم فرج هم المهمومين ونفس كرب المكروبين ...

الشكر لله ثم الشكر لكم ..

اتصلت اليوم امها على اختي الكبيره وهي طبعا صديقه لها ولكن استغربت الاتصال لكون العلاقه شبه منتهيه من 7 شهور وهذي اول مره اعتقد تتصل فيها بخصوص موضوعي .. عموما تكلمت مع اختي والي فهمته من اختي انها تحاول تقرب بيننا والشهاده لله امها والله انها ذهب وتستاهل كل خير ووالله اني ودي ارضيها بكل الي اقدر عليه وسبق ذكرت انا هالشي في رد سابق ... عموما حاولت جزاها الله خير تقرب بيننا بكل ماتستطيع حتى والله انها قالت كلام ماتوقعت انها تقوله ..ان كان الي مانعه من انه يجي للرياض مشكله السكن والايجار ابوها مستعد انه يسكني في احد العماير الي يملكها بدون ايجار او يختار السكن الي يبيه ووالله ان ابوها مستعد يدفع الاجار له ... انا بصراحه انصدمت والله يا اخوان ممكن لو اقولكم ان قلبي تفطر على هالعجيز الله يرحم حالها بسبب الي تسويه فيه بنتها حسبي الله عليها حتى قالت لي ان ابوها حاول معها انها تجي لمدينتي وان ماعنده مشكله ابد بنقلها لكنها للاسف رفضت تقول اما انه يجي للرياض او يطلقني !!! بالله هذا منطق.. بالله ياجماعه هذا عقل!! تعتقدون الي في راسها مخ آدمي ولا الله يعزكم تراب !! عموما انا علمت اختي ان رجعه للرياض لايمكن بأي حال من الاحوال ..وحسبنا الله ونعم الوكيل ..

انا حالياً مقدم على خطوة جديده في حياتي والله يكتب الي فيه الخير واتمنى دعواتكم لي والله اني بأمس الحاجه للدعاء لعل فيكم من لو اقسم على الله لأبره...

في أمان الله