شوق منطقة اهل زوجي عبارة عن عوائل كبيرة اتصور 3 او 4 عوائل
عائلة زوجي كبيرة جدا جدا ..
واغلبهم متزوجين من بعض .. او متزوجين من اهل الديرة نفسها .. وآنه صايرة نشاز عن اوركسترا هالمنطقة .. مو بروحي وانما طبعا فيه مثلي
ام عيال زوجي.. بنت خالته
فعائلته وبقية الديرة حذرين بالتعامل معاي..
حتى اخواته رغم ان علاقتهم فيها متدهورة إلا إنهم خوفا من المشاكل مع بنات خالتهم فتواصلهم معاي يكاد يكون منعدم... تمام ؟
صايرة بمنطقة بروحي... بعيدة عن اهلي... سيارتي سويت فيها حادث ومطوله وايد... فصرت صديقة الجدران 😊 ساعات اذا بطلع من البيت يعتبون علي ان بطلع واخليهم بروحهم
بالنسبة للحسد .. يخجلني الحديث في شيء جذي.. الله انعم على الجميع .. اخذ شيء وعطى اشياء سبحانه .. الحسد موجود بس ما احط بالي له ولا امر يهمني .. ما فكرت فيه الا بعد كلام الشيخ...
اول ما تزوجت كنت دايما اسمع جملة اوف حظج من السماء زواج وحج بنفس السنة ولا وبيت جديد وو
قليل كنت اسمع ما شاء الله .. محظوظة متزوجة فلان هذا وين طحتي عليه ووو
وآنه اعرف انهم بحسن نية والله استحي اظن فيهم انهم حاسديني! عاد شعليه يحسدوني .. كل الناس تحج وتتزوج ويتزوجون من رجال ما شاء الله..... ما ادري