بصراحه انا اشوف انه مو مصدق انك تعبانه لان الاحداث الماضيه تظهر انك كويسه

عرض يوديك المستشفى رفضتي
طلبتي علاج من الصيدليه وجاب لك
جا وقت النوم بينام قمتي تكوين ملابس الدوام بتداومين
ثم اليوم الثاني تقولين ودني المستشفى وقال عرضت عليك ورفضتي
معليش عيب الكلمه اللي تقوليها عن زوجك وصلت فيه ماوصلت فيه مايجوز
بعد كل هالاحداث انا مكانه مااصدق ام عيالي انها تعبانه بس تدلع وانا بسافر

أولا أنا ماكنت أدري إنه مسافر الا لما جاء الظهر وقالي إنه مسافر..

ثانيا أنا فعلا تحسنت بالليل بعد ماأخذت مسكن السخونة بس رجعت علي السخونة آخر الليل لحد الصباح .. وطلبت المستشفى بعد ماصحي مع إن كنت أبي أصحيه بس قلت لا أصبر إذا صحي يوديني .. وبعدها يرفض يوديني..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الله يحنن قلبه عليك ويحنن قلبك عليه

اقرأي رد الاخت روح الطير قد يكون قاسي لكنه واقعي
طليقتي نفس الشي نكد وعتاب والزوج مخلوق فقط للطبطبه عليها ومراعاتها تمنيت احد ينصح طليقتي مثل ماروح الطير نصحتك
كانت واثقه اني ماراح اتركها مهما بلغت من العناد والنكد والعصبيه
لكن المفاجأه انها اصبحت من الماضي
حتى لما كانت تتغير وتخف بالنكد والعصبيه والعناد وتتركني براحتي ماكنت اصدق اسلوب سنين يتغير بشهر ونفس الشي شوف غيري اذا موعاجبتك مانت مغصوب علي تبي تطلق طلق حتى لما طلقت قالت فكه والان تبكي دم بدل الدموع وابوها واخوها وقفوا معاها بداية الطلاق بعدها انشغلوا عنها وهي الان تعاني وحدها بصمت يداها اوكتا وفوها نفخ
لاتندمين تعوذي من الشيطان وكلامك اللي فوق نعرف انك ماتقصدينه ولاعاد تطرين تبي غيري تبي تطلقني تراها تقهر الزوج ويحس انك تنظرين له بفوقيه ولاهمك

واضح انقهر لما استعنتي باخوك
حس انه صغير وانك مو بحاجته
مدري احيانا تفكير الرجال يقهر
يمكن كان يبغاك تتذللي ليه حتى ياخذك الطبيب

بس لا تخلين البديل اهلك.. لا تتعودي على هالشي
بكرا يتعود بكل شي يقول كلمي اخوك مو فاضي

حبيبتي هدي الزم ماعليك صحتك
الحين فهمت ليه المرأه تكبر بسرعه قبل الرجال
من هالمصايب اللي يهببونها
الله يأجرنا

حبيبتي نفس اللي عندي
اكرف بالمطبخ
واذا عصب قال الطبخ مايهمني
ولاتحسبيني ميت على طبخك
بس الحين كيفه
صرت اطبخ لي ولبنتي وهو يشارك بالاكل

المرأه عاطفيه وحساسه بطبعها
انا يقهرني الرجل الحساس الزعول
ترى هذا طبع انثوي مو رجولي
المفروض الرجل صدره اوسع واكثر تعقل
انا اتكلم بشكل عام
ما اقصد زوجك تحديدا

واعتقد انك غلطتي بمساعداتك الماديه
هو كل ماشافك زعلانه يحسك كاسره عينه
وانتي كل مازعلتي تذكرتي هالشي
مو حياه والله
وصعبه تقفلي هالباب مره وحده
بيفهمك غلط تماما
لازم تقفليه بالتدريج
ولا تجيبي سيرته خير شر
خلاص ماقصرتي الفتره الماضيه
هو رجال ويتحمل مصاريفه

رجال مو زي الحرمه يجلس جنبك ويهتم فيك
بعدين عادي ما فيها شي لو قال نظفي كلنا نتعب ونظف على شوي شوي ماله داعي الزعل
انا لو منك تعاملي معه بتنطيش
انتي الحين لا تكلمينه ولا دخلين اهلك
استغلي الفرصه بالدعاء وقيام الليل والراحه البال لا تفكرين فيه
اذا كلم وقال خليك جاهزه عادي ارجعي معه
وخليك عادي ورتبي امورك بالبيت حطي جدول لك وجدول اهتمام لنفسك حتى لو هو حالس معك بالبيت حاولي بقدر المستطاع تجنبه
مشكلتك كلها ترا بالنومه برا الغرفه
عادي البسي دافي وراسك غطيه اهم شي انتي جنبه

واذا معصب بس اجلسي طالعي فيه وانتي ساكته لا تردين عليه وتشوفين بعدين ماعاد يعصب عليك شوي شوي يبي لك صبر و امور كثيره

__________________
كُل خيانـہ لـم تكن صدفـہ بل تم الأستعداد لها من قبل وبكل دقـہ...! 💔

عموما حاليا حاضرني على رقمه بالواتس .. وأفكر بكرة أروح البيت قبل مايجي أجيب ملابس الدوام حقتي لأني ماني جايبه ملابسي حقت الدوام.. وعن نفسي ماراح أكلمه .. بشوف وش ناوي عليه..

وللعلم أخوي ماقلت له عن شيء غير سالفة المستشفى ولا سألني عن شيء أبد ولا تكلمت أنا .. قلت لأمي ولاختي فقط .. وطلبو مني ماأتواصل معه بس إذا اتصل أو ارسل شيء أرد.. ونشوف كيف بيتصرف .. قلت لهم ماراح يتصل ولا يسأل أعرفه .. قالو مو مشكله بنشوف كيف بيتصرف ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

إذا تبين تعيشين متزوجة تقبلي زوجك كما هو بحسناته وسيئاته،، ولاترسمين له صورة في ذهنك تطالبينه فيها..

راجعي نفسك مو معقول الأعضاء كلهم يفكروا خطأ وإنت الصح..

أنت تضخمين أخطاؤه وتزعلين ولا تلمسين له عذر،يختي برري له شوي لو مرة،،بالمقابل تصغرين أخطائك وتلقين لنفسك أعذار ومبررات.

متزوجة بس ياأم دان .. فقط حتى أكون متزوجة!! طيب وش استفدت من هذا الزواج: لا أطفال ولا تقدير ولاأمان .. بس زواج عشان يكتب في الحالة الاجتماعية متزوجة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تصرفات زوجك العادية اللي بتصدر من معظم الأزواج وبتحصل في معظم البيوت أنت تفسرينها عدم تقدير وعدم احساس بالأمان!!!!!

يابنتي زوجك طيب بمافيه من عيوب،

اهدئي واجلسي مع نفسك وتعوذي بالله من ابليس واتذكري حسناته وإيجابيات الحياة معه،،إذا اقتنعتِ الحياة معه سيئة ووصلتِ لقناعة تامة الطلاق أفضل لك،،تطلقي،،وتزوجي غيره..والله يوفقك.