خلاص اعطيها وعد تعوضها بسفرة ثانية
واذا رحت دورتك حاول تصبح عليها وتمسي عليها بالواتس وترسل صورتك بالقاعه مع زملائك واكيد كلهم بيصورن
زوجي اوقات لما اشك فيه يصور وهو بالمكتب فاارتاح

لا تضغط على نفسك تصير تتعود انك تضغط على نفسك لاجل هي ترتاح
وخذ امورك بالهداوة وبما فيه راحة الجميع

روح الدورة وارجع عوضها باي شي
حتى تطمن قلبها دام انها مريضة بالشك وما عندها ثقة بنفسها
اللي زي كذا تتعب نفسها وتتعب زوجها واهلها بعد

الله يعينك

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

وسع صدرك اخي و البيوت ياما فيها و الصدام وارد في اي وقت
في مثل المواقف دي المطلوب الحزم و لا تطول النقاش
و في نفس الوقت لا تشيلها في نفسك تعلم تتغاضي سافر و ارسل صبح و مسي تلقاها هي بعد رجعت طبيعية

__________________

اخي ماس

اعتقد في لبس من ناحيتكما على قاعدة الصلح اللي جرى/ ممكن تقول لنا ليش حضرتك صالحت و ليش زوجتك صالحتك

انا معك تماما انه في سفريات العمل ما ينفع تاخد اهل بيتك معك، اتكلم عن ظروف السفر بعيدا عن التكاليف،

اللي حصل ان هالدوره تكنسلت بقدره قادر ..

واليوم اول مادخلت للواتساب بدات تكتب كلام عجيب غريب .. انت الحين قاعد تتكلم معاها واستمر واضح انك متيم وولهان وعشان كذا ماتبي تآخذني معاك وووو

انا رديت وقلت لها هاذي ماهي حاله واللي تسويه غلط بغلط وراح تتعبي نفسك كذا ووتتعبي اللي حوليك وبصراحه انا ماعاد استحمل افعالك وكلامك الغير واقعي ولا فيه أي نوع من الصحه وكلامك واسولبك هذا ماراح ينفعك ولا ينفعني لذالك هدي من نفسك وعدلي من اسلوبك وافعالك .. قلت لك وبينت لك مكانتك اكثر من مرره انا مااكلم ولا اشوف احد غيرك ..

ردها كان .. انا تعبت من الوساويس والشك ماعاد اثق فيك ولا في نفسي .. وخليتني اشك في نفسي وفي ريحتي وفي كل شي وصرت اطاردك في كل مكان وفي كل برنامج واهملت نفسي وبنتي وامور كثيره بسببك واي واحد يشوفني يقول انتي منتي هنا .. اخواني يسآلوني وش فيك وكل شويه تزيد الواسواسه والششكوك لآني كل مال احبك اكثر واكثر ..

رديت لها .. انا طيب هنا قدامك وبين يدينك وليه كل هالشكوك والوسواسه وانعدام الثقه .. انتي كذا تتعبيني حتى انا معاك وبدال ماننشغل في حياتنا ننشغل في حياتنا ونطوره ونزيد الالفه والمحبه .. ننشغل في أوهام ووساويس مالها لا اول ولا تالي والحين بالفعل مايفيد الكلام ونقعد نعيد ونزيد قلت لك مااكلم احد ولا اشوف احد غيرك وفكري في المستقبل وفكري كيف تتطوري وتهتمي فيني وفي بنتنا مثل ماوعدتني اني راح اشوف انسانه غير وهذا الشي بالتأكيد افرحني ولكن اللي اشوفه العكس تماما والسبب الشكووك الغير واقعيه وللمره المليون نبهتك مشاكلنا بيننا مافي احد له دخل نقطه مهمه بالنسبه لي وخذيها بعين الالتزام .. وانا هنا وعندك واشوف مستقبل فيكي !!!

هنا بدات ترسل صور لبنتي ومقاطع لها وتغير الموضوع .. بس طلبت مني اليوم اننا نعزم أمها بمكان واعتذرت لها قلت مشغول مع الوالده عشان عندها موعد بالمستشفى .. تحمدت لها بالسلامه

وصارت تسولف عن البنت وانا معاها وعن متى النقله وقلت لها بالويك اند راح استآجر ونرتاح الى ان تخلص الشقه الرسميه بعماره الوالد ..

الحين هي تحاول تقربني لي أهلها وتبيني اعزم أمها ونطلع معاها .. لكن من داخلي ماودي افعل هالخطوه حاليا .. الى ان يطيح حطبها مع اهلي وتبداء بالقليل الود والتقبل بينهم ..

غيره أتوقع ان هذا تخطيط نسائي عشان تحطني بصف أهلها وبالتحديد أمها وتنهي الموضوع معاهم وهي تستمر على ماهي مع اهلي ..

اذا - و ببساطة - علاجها في طمئنتها بالكَلِمِ الطيب ...

عفوا اخي اذكر من ضمن شروطك ان زوجتك تتواصل مع اهلك وخصوصا الوالدة الله يحفظها
انتوا ما اتفقتوا على هالشيء قبل الرجعة؟

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

اللي صار ي اختي الكريمه .. في البدايه اهلي كانوا رافضين رجوعها بسبب اللي بدر منها سابقا ..

في هالحاله قبلت رجوعها واظطريت اني اخلي الامور تهداء بينهم وبعدها نبداء بتواصل بينهم على مهل ..

مستجد :

خلال هالاسبوع اللي فات كنت امرها على بيت اهلها ونطلع نقضي امورنا وبعدها ارجعها على بيت اهلها .. طبعا لاحظت من يومين انها ماتبيني امرها ع البيت واخوها الصغير موجود .. تقول مثلا انتظر شوي واكلمك .. وبعدها قالت لي انتظر الى ان يطلع اخوي وبعدها مرني .. ماعجبني الموقف لاني حسيت كااني جاي سرقه لها وللبنت ..

تحديدا امس بعد الدوام كلمتني وقالت انها طالعه مع اخوها الصغير عازمها ع غداء .. وبعد مارجعت مريت بالمساء عشان اوصلها لبيت خالها تبي تشوف امها قبل ماتسافر .. واول ماطلعت معاي بالسياره لاحظت انها ماهي على بعضها .. متضايقه .. سالتها اش فيكي !! قالت متضايقه شوي ..

حسيت انه دار كلام بينها وبين اخوها على موضوعنا ومدري وش هو ..

بعد ماوصلتها رسلت لها كيف وش اخبارك قبل ماانام .. طبعا رسلت لي انا تعبانه وابغى اروح دكتور نفسيه يعطيني حبوب وانت منت مستوعب اللي انا فيه ..

قلت لها هالحبوب ادمنها مو كويس ولكن مايخالف نشوف دكتور وتاخذيها حسب استشارته ..وافقتني اننا ناخذ عمره قريب .. وتققول بكره اي اليوم انها تبي تجلس مع نفسها وتلاقي نفسها .. وانت لاتقلق علينا واطمن اننا بخير ..

بعد صلاه الجمعه صبحت وباركت الجمعه عليها .. ولكن ماقرت الرساله الى الان ..

من ناحيتي اليوم بروح استاجر شقه واخبرها بها الشي ..

عندي احساس يقول ان اخوها مكلمها ويقول لها مارتجعي مع زوجك والله اعلم ..

جمعه مباركه ان شالله عالجميع .،

اخوي انت ليه فالت الحبل بزياده .. اولاً خلاص قررت ترجعها ولا تطلق لا تقعد رايح جاي عليهم استأجر شقه وخذ زوجتك ولا تعطيها خيار الدلع حقها .، خلك حازم شوي

وأخوها لا تحتك فيه ولا تذكره بخير او شر لاخته لا تسبب لها ضغوطات زياده .. زوجتك تحبك وانت تحبها لكن طريقة تعاملكم مع بعض غريبه

تذكرني بزواجي في بداياته كنت ما اعرف شي اسمه حزم وكانت الامور فالته من يدي فانصحك من تجربه عشتها

والله يسخرها لك