انا بنفسي ما ادري كيف بنتصالح

بس اقول ابقا لايام على صمتي وطبعا دون تكشيرة واقوم بواجباتي كلها واذا استدعا الامر اسئلو عن شي رح اسئلو
وهو ما رح يستمر شذي طول عمرو يعني مصيرو يرجع يتكلم يعني شوية كلام منو شوية كلام مني لغاية ما يطيح اللي براسنا

ولا ايش رايك تتفقين معي

ننتظر أن نسمع أخبار جيدة , أختي قلوب حائرة
و بلاااش مكابرة
(":

,,
الله يخليك لا تقولي شذي
تقهررر و هي ليست كلمة خليجة
استخدمي كذا , جذي , تسذا , هيك , هكا
أما شذي لا أصل لها من اللهجات
تذكرني بأبلة عطيات في قطعة 13

__________________

هههههههه فرقعتيني بالضحك امس وانا استعد للنوم تذكرت كلامك وبديت اضحك بالظلام مثل الجنية ههه

الحين فهمت شذي انا اقصد بها جذي والخطا اني كنت مكان الجيم اكتب الشين

شكرا على التصحيح وما عاش مين يقهرك ههههه

ههههههه مسز داني ضحكتيني
حبيبتي قلوب حابة اقولج شي حتى تتصالحين مع زوجك وتشكرين ربك عليه
انا زوجي يحب يلتفت للنسوان على طول وترى انا عمري مابينت له زعلانة من تصرفاته ونظراته بس من داخلي احتررق بس اذا ماصار تغاضي ماتستمر الحياة الزوجية ابداا
تعلمي الصبر وصدقيني الله يرزقك من حيث لا تحتسبين..

انا ابي وامي الله يحفظهم لي ما قصروا معاي وربوني احسن تربيه ..وكل من شافني مدح في ادبي واخلاقي .. حتى مدرساتي ودكاترتي من المدرسة والجامعه للان يتواصلون معاي ومع ابوي ودايما يقولون طول هالسنين محد مر علينا بمثل تربيتها .... وما اسمح لك تغلطي علي .. فرجاءا احترمي نفسك وثمني كلامك ..

وسألتك بالله .. وين قله الادب في كلامي .. ؟ في شو غلطت عليكِ حتى تردي علي بمثل هالرد؟

كلامي اللي ما عجبك .. كلام علمي وثابت في علم النفس ... والا عشاني ما جاملتك صرت قليله ادب؟

ردي بنيته على كلامك هذا ..

اقتباس:

واضيف حاجة لو هو اللي ما غلط معي بالاول وشاف في الحرمة وجرح شعوري ما تزاعلنا يعني كل شي صدر مني كان ناتج على غلطو

هذا اعتراف منك انه اللي سواه زوجك غلط .. واللي سويتيه انتي رده فعل طبيعيه نتيجه هالغلط ..

انتي انسانه متسرعه ودايما تشوفين النصف الفارغ من الكأس.. حتى لما قريتي ردي عصبتي .. لأني بديته ب "اعذريني على اللي بقوله " فحسبتي اني بغلط عليكِ .. مع انه هالكلمه ما تدل الا على ذوقي .. وانهيته ب" كنت بقول شيء س اخاف تزعلين " فحسبتي اللي قلته يزعل .. مع انه الكلام اللي ممكن يزعلك انا ما قلته اساسا ..

كلامي مثل ما قلت لك كلام علمي.. وينطبق في كل المجالات .. مثلا اذا عندك مسأله في الرياضيات .. عشان تحلينها .. لازم تفهمين المسؤال صح ..

اذا راح مريض للدكتور .. ما راح يقدر يعالجه الا بعد ما يشخص حالته بطريقه صحيحه ..

نفس الشيء مع مشكلتك .. عشان تحلينها لازم تفهمي وين الغلط الضبط ..

والله يهديكِ ويصلح حالك ..

معليه وقتها كنت معصبة ومرتبكة وما اركز في قراءة الردود
رجعت قرات ردك مرتين صحيح انك ما قللتي الادب بس حسيتو رد قاسي وانا وقتها كنت معصبة وردك زاد عليا

على كل حال السموحة منك حببيتي اذا زعلتك حقك عليا

قلوب شو أخبارج اليوم؟ ان شاء الله كل شي اوكي..

قلوب انا مع اختي "لمني بشوق".. التصرفات البسيطه اللي قالت عليها هي شوي راح تكسر الجليد... و لكن دام انج محرجه منها فبنخليها لبعدين... هي من ضمن الخطط بس لبعدين.. نصايحها مكمله لي و ما تلخبطج ان شاء الله...

حطيتي له الغدا مثل ما طلب... و يا ليتج طبقتي كلام لمني بشوق بخصوص الغدا.. يا ليتني دخلت قبل... كنت بقول لج حطي الغدا و حطي معاه شي زياده كنوع من الحلويات اللي ممكن ياكله هناك..

التصرفات البسيطه هي تخلق اشيا حلوه بين الزوجين..

الجارات يا حلوه... طيب ليش قلتي نصارى؟؟؟ انتي في دوله مب مسلمه صح؟ يعني طبيعي جدا جاراتج يكونن مسيحيات... و هالشي ابدا ما يمنع انج تزورينهم.. اوكي اللغه شوي مصعبه الأمور عليج... ان شاء الله مع الإحتكاك و الكلام معاهم و مع غيرهم راح تقوى الشي اللغه..

عموما... قولي لي شو سويتي اليوم؟

و قلوب شوي هي هواياتج؟

حبيبتي نصائح لمني الشوق انا ايضا حبيتها وحسيتها مكملة لكلامك و فضلت اخليها بعد ما تتحسن الاوضاع
بالنسبة للغذا انا وضعتو في علبة اكلو مثل العادة ثم الى الثلاجة هو بعد ما يفطر في الصباح وقبل المغادرة يحطو في حقيبة الاكل مع عصير او مشروب غازي,,,وفواكه يعني كللو بالثلاجة هو بس يحط بحقيبتو ويختار ايش بدو ياخذ بالتحديد

بالنسبة للحلويات والكيك يوم ما اجوا بيت اخوه حضرت كل شي وحضرت الحلوا اللي يحبها وحضرت منها كمية كبيرة
للحين ما خصلت وهو غالبا يفطر بها مع حليب او قهوة ,,,وفي امور اخرى يفطر بها هو ورغبتو,,,

بالنسبة ليومي كان عادي مثل الايام اللي فاتو اول شي قمت توضيت صلليت الظهر واستغفرت شوي الله يتقبل

بعدين فتت النيت اذا في جديد بموضوعي وموضوع روح الطير لاني متبعاتو
بعدين قمت رتبت البيت
اخرجت الدجاج من لفريزر عشان احضرو للعشا
الجديد اني نظفت الحمام تنظيف عميق ومستحو وعطرتو
توضيت صلليت العصر
طلليت شوي من الشرفة الجو واايد يجنن والسماء بتمطر
ورجعت عند النيت بالنسبة لي ما سويت بصراحة اي شي يخصني بس اذا البيت تمام والاكل جاهز احس براحة كاني سويت شي يخصني

بما ان الجو وايد حلو تمنيت اتمشى تحت المطر لحالي استمتع بجمال الجو والطبيعة ولكن زوجي بيرفض
وتمنيت لو كان عندي صديقة مقربة ازورها او تزورني ونطلع نتمشا
وتمنيت لو اهلي جنبي ازورهم ويزوروني

ولما اطل من الشرفة اشوف الناس رايحة جاية مرات اتخيل امي الحبييبة واقول بنفسي ااااه لو اشوفها مجرد شوفة مارة على الطريق هذا يكفي لان ينقص من لوعة شوقي لها

اصير اتخيل اتخيل لبين ما تدمع عيني وخلاص اطرد هذي الافكار وانشغل بشي
انا واااايد مشتااقة لها والدليل اني الحين بكتب وابكي من كثر شوقي لها

معذرة بس الغربة والبعد والزعل بيني وبين زوجي خلا المنتدى والنيت اكبر متنفس لي احكي فيه معاناتي

عادي ا قلوب فضفضي لنا علشان تطلع الطاقه السلبيه و تنتعشين من جديد...

ما شا الله يا طباخه مسويه حلويات بكميات... ريحتي نفسج يا حبيبتي...


انا طالعه لشغله عندي... بس ما ابيج تستسلمين لمشاعر الحزن.... المطر فيه اشيا حلوه فيه التفاؤل.... المطر فيه الرحمه... فيه الابواب المفتوحه للدعاء..... ادعي كل اللي في خاطرج اثناء نزوله كل شي تبينه و ان شا الله راح يستجاب الدعاء