غالية اضحكني ردك
وين الاخ خالد يشوف موضوعه

الاخ المتفائل كلمة حق تقال انت شخص محترم ولكن نظرتك السلبية التي استقيتها من بيئتك ومجتمعك المحيط فيك جعلتك تعمم وتخلط الامور
ممكن نختلف بالاراء بس هالاختلاف ان شاء الله مايكون سبب للتباغض ورمضان عالابواب لازم نصفي قلوبنا

وخلاص كل واحد يصلح سيارته

نعم. اتفق معك تماما البيئه والمجتمع لهم دور كبير

وانت اخ عزيز علينا كفايه اسلوبك الراقي وسعة صدرك

وش ذا .. وش ذا ؟

يوم شفت عدد الردود على موضوعي (88) انهبلت ..

وقلت اكيد الأعضاء رحموني وجمعوا فلوس (قطة ) وعطوها المتفائل وقالوا له أشتر ساعة ماركة رولكس علشان نعطيها خالد يعطيها زوجته ... قام المتفائل وراح لمكتب عقار ودخل الفلوس في مساهمة علشان يزود المبلغ وتصير ساعة بالألماس ... المهم زعلت المسز داني وقدمت شكوى ومسكوا المتفائل ودخل التوقيف وألحين قاعدين يجمعون فلوس علشان يطلعونه ....

ياجماعة الخير والله العظيم السالفة بسيطة ..
وأنتم الله يهديكم كبرتم الموضوع
اللي قال عني (طفران ) و ( كحيان )
واللي قال لاتعطي الحرمة وجه

الموضوع ومافيه ياسادة ياكرام ان حرمي المصون تتحدث في هالموضوع بحسن نية ولكن بتكرار مستمر
فالسؤال كان ( لو قلت لها توقفي عن الكلام في هالموضوع ... ماهي ردة الفعل النفسية المتوقعة لذلك ؟ )

لأني بصراحة أستفدت كثيراً من تجارب الأعضاء وأرائهم الشخصية التي احيانا تنطلق من واقع تجربة وتكون أفضل من أراء كثير من المختصين الإجتماعيين ..

بكل بساطة هذه هي الفكرة

أشكر كل من اثرى موضوعي بالحوار
وشكر وتقدير خاص لأخي ( المتفائل )

كونوا بخير ...

__________________
هي أشيـــــــــاء لا تُشتــــــــرى

لابد ان تفهم زوجتك ان لكل شخص نصيب في هذه الدنيا والارزاق قدرها الله لعباده لحكمه يعلمها وحده سبحانه فعسى ان تكرهوا شيئا وهو خير لكم والرضا يورث الطمأنينه أزال الله همك وشرح قلبك وزوجتك

هههههه الموضوع جدا حساس يعني اذا هي تغار هذا شئ ثاني
انت حاول تجيب لهآ اشياء حسب استطاعتك
عشان م تحس ان اختها احسن منها و الخ
ححاول ..
وانا م افهم بهالأمور مرره ههههههههههههههه

__________________

اخوي خالد انت ادرى منا في تفكير زوجتك الا الساعه ولا البيت الملك هم اللي ييجلبون السعاده الله من وحده ساكنه قصر والخدم والحشم والمجوهرات وابسط شي الكلمه الحلوه والحنان فاقدته من زوجها الا تلقاه يسبها ليل ونهار
والله ياكلمة حبيبتي وياعمري انها اغلى من المجوهرات والاثاث بالنسبه لنا اذاكان الحمدالله ماينقصه الضروريات
ثانيا الرجل اللي معتمد على ابوه سهل انه ينكسر وفيه من القصص في المجتمع الكثير
ثالثا اسمع وطنش لاتصير حساس كل كلمه انت اللي مقصود فيها
اسبغ الله عليكم نعمه وادام عليكم السعاده*

__________________
سبحان الله وبحمده ..سبحان الله العظيم

أولاً
لا تتضايق من كلامها حتى لو أخواتها أقل مستوى ماديا وشافت شيئ حلو راح تتكلم وتمدح ووو .... {إعذرنا فطرة

ثانياً
ببساطة لما تسولف لك عن أختها أبتسم لها وضمها وقلها إذا ربي طول بعمرنا راح تشوفين كيف أسعدك وأحقق لك كل اللي تتمنينه..
هذا أكثر شيئ يسعد المرآة .... ( من وجهة نظري )


الحب والسعادة والمشاعر الصادقة لا تعادلها أموال الدنيا

__________________

ذكرتني بموقفي مع الوالد
زرت منزل صديقتي الجديد بعد ما رجعت يسألني الوالد هاه كيف بيتهم؟
قلت باختصااااار *خرافي*
قال كيف قلت يبة لو تشوف بس الجدار مرة خطير ..
قالي كيف شكل جدارهم؟! جلست اشخمط بيديني بالهواء احاول اوضح له الصورة

شكله ما فهم على شخاميطي قال طيب ايش افضل غرفتك او غرفتها؟
قلت صادق انت!!! غرفتها افضل بمليون
اسكت الوالد
تصدق يوم قرأت موضوعك... فهمت ليه الوالد اسكت
يمكن تحطم.. او انكسر خاطرة.. لأنه سكت ولف وجهه
المشكلة قبل سنة قلب غرفتي فوق تحت مسويها لي مفاجأة
مالت علي
والله ماجاء في بالي انه فهم كذا


الصراحة ما عرفت إن تفكير الرجل كذا
أنا اشوف انها مجرد سوالف وتعبير عن الشيء الحلو اللي شفته
وشكل ابوي يستقبل كلامي كأني اقول زميلتي ابوها مدلعها اكثر*او ابو زميلتي افضل منك
اذا كان كذا... بصراحة تفكير الرجال (ماعدا ابوي) يجيب الصمرقع

ياعزيزي >>> ريح عمرك

طنش .. لاتخلي كل كلمة منها لها ردة فعل منك
الكلام اللي يجوز لك اسمعه واهتم فيه واللي عكس ماكنك سمعته


اذا ماسويت كذا رح تتعب كثير .. هذا تكوينهن ولاتلومها
ولكن لوم نفسك لانك تسوي ردة فعل على شي عادي ويصير كثير

__________________
ان انت اكرمت الكريم ملكته.. وان انت اكرمت اللئيم تمردَ!!

لا تهتم مجرد تعبيرها ليس معناه انها تقصد شئ

اذكر مرة اني زرت جارتي و حين رجعت قلت لزوجي ما شاء الله على ديكور شقتها فيها و فيها و مسوية و عاملة

ووووو قالي ايش يعني احنا ساكنين بخرابة؟؟؟؟ انا مدري ليش تفكيركم الرجال في المقارنة استغربت فعلا من سؤاله

المهم تداركت الموقف و قلت له لو عشة دام انها معاك عندي قصر