أعذرني لكن ربنا يسامح والدتك ،،، كلامك جي على الجرح ،،، أنا كمان واقعة في نفس المشكلة تقريباً والدته مش عاوزة إننا نتجوز غير لما دراسته تخلص و هو بيكمل دراسته في بلد تاني و الدراسة مش هتخلص غير بعد 3 سنين تقريباً و أنا اتخطبت سنة و اتكتب كتابي من سنة يعني بقالي سنتين و المفروض أستنه لسه 3 سنين كمان كل ده علشان شرطوا عليه مش في جواز غير لما يخلص دراسته

أعذرني إني مش هقدر أفيدك ، لأني ببساطة كنت فدت نفسي ،، هههه ،، شر البالية ما يضحك ،، و الله بضحك من المرارة اللي حاسة بيها

على العموم تحليلي للموقف إنها غيرة أمهات بحته خصوصاً إنك أفضل حالاً من حالتنا ، بمعنى إنك بتشتغل مش مرتبط بدراسه ، لكن مامتك حسيت قد إيه إنت بتحب زوجتك و إنك عاوز تجيبها و إنها ممكن تشغلك عنها خصوصاً إنك زي ما قلت مش متعود تقف قدامها و ده من حسن أخلاقك

لكن خليني قبل ما أختم كلامي أنقلك إحساس زوجتك ،، صدقني هتبدأ تاخد موقف من والدتك و هتبدأ تحس إنها العقبة في طريق سعادتها ، كمان هتحس بضعفك في اتخاذ قرارك ، حتى إذا كانت متأكده إنك بتعمل كده علشان مش عاوز تغضب والدتك لكن الشيطان مش هيسبلها طريق تاني تقدر تفكر فيه . غير طبعاً إحساسها الطبيعي إنها محتجالك و إنك بعيد عنها و إنها مش قادرة تستمتع بأقل حقوقها كزوجة و هيه إنها تعيش جنب جوزها


فعلاً بدعيلك بالصبر لأني برضه شايفه جوزي مش قادر يتصرف و بدعيلها هيه كمان بالصبر على اللي هيه فيه

و ده الرابط اللي فيه موضوعي يمكن تقدر تستفيد من ردود الأعضاء عليه ، و ده أقل واجب ما دام أنا مش هقدر أفيدك

http://www.66n.com/forums/showthread.php?t=102030

و ربنا يعينك ،، بس حلفتك بالله إذا لقيت حل تبقى ترد عليه و ربنا يلهمنا الصبر

__________________

	[blink]"و اصبر حتى يحكم الله و هو خير الحاكمين"[/blink]