أولاً ر بنا يخليك لزوجتك و أولادك ،، و يخليهم ليك خصوصاً بعد ما يعدي يوم الطبخ ده ، ههههههه
ممكن تعملهم أكلة جديدة ،، و تقولهم إنك هتدوقهم أكله جديده من بلاد تانية ،،،إيه رأيك في أكلة مصرية سهلة و بسيطة جداً جداً و مش بتاخد وقت
(حواوشي)
و ده يا سيدي هتاخد 1 كيلو لحم مفروم و تحط عليه 1 كيلو (إلا بصلتين كبار تقريباً) بصل مفروم ناعم و تحط الملح و البهارات و الفلفل و كمان تجيب فلفل رومي أخضر و تقطعه لمكعبات صغيرة و إذا ليكم في الشطة ممكن تقطع قطع فلفل أخضر حار بس خد بالك مش يبقى حامي أوي علشان الأولاد (ما عدا الولد اللي عمال يدبس فيك ده ، ابقه زودله الشطة علشان يحرم ، ههههههههه ، أنا بس بهزر)
تحط كل الحاجات دي على بعض و تخليها بس ساعة تتبل و بعدين تجيب خبز بس مش خبز شامي ، يكون خبز تخين سوية و لو خبز بر يكون كويس أوي و تقطعه بحجم معقول على حسب ذوقك ، يعني أنصاف أو أرباع على حسب كمان حجم الخبز و تحط فيه اللحم المفروم المتبل بارتفاع تقريباً 0.5 سم و تمسح العيش بزيت درة من الجهتين و تدخله الفرن (و تكون مسخن الفرن من قبلها بحوالي ربع ساعة و تحخليه في الفرن لغاية لما يحمر مع التقليب على الجهتين و بالهنا و الشفا ، على فكرة مش بياخد وقت طويل في الفرن
أما عن السلطات ،، يفضل يكون في سلطة خضرا و سلطة طحينة (طحينة معاها خل و ثوم مهروس و ملح و كمون و علبة زبادي)
أما عن الأطباق الجانبية ،، ممكن تعمل جنبها بطاطس محمرة ،، و صحتين و عافية
و في حالة إنك اخترت أي طبخة و باظت منك ممكن تقولهم أصلها طبخة من الهند أو من مدغشقر ، ههههههههه
و ربنا يكون في عونك و في عونهم
حد يعمل في نفسه كده ؟؟؟ ده الستات بتحتاس في المطبخ في رمضان بالذات ،، يالله حصل خير بس مش تعمل كده تاني
25-09-2006, 11:54 AM
ضوابط المشاركة
العرض الشجري