أنا ما عندي هالمشكلة لأن ما فيه موعد معتاد يعني كله يعتمد على الظروف (شغله، دراستي، عندنا ضيوف، عندهم ضيوف، ناويين نطلع، ناويين نجلس بالبيت) ما فيه موعد معين
لكن مثلا الفترة الحالية بالاجازه أنا غالبا بالبيت و ما عندي مذاكرة ولا شي فغالبا يجي لما يرجع من الدوام أو أحيانا اذا ناويين نطلع نتفق انه يجي بعد صلاة المغرب

بس تحصل أحيانا انه يقول لي إذا رديت من الدوام بأتروش و أجيج فأنا أقدر الوقت و أنتظر و هو لا حس ولا خبر...و إذا دقيت عليه يقول لي آسف بس مثلا جلست مع اخواني و طلبوا مني شي و ما توقعت أطول، عمي عندنا أو خالتي جايتنا...لما صرت أعاتبه دايم يقول لي ما اعتقدت ان راح آخذ وقت علشان كذا ما دقيت عليج
هذه أول كم مرة بس بعدين أنا قلت له هالمرة بس دق علي خبرني يعني أنا عارفة انك ما تعتقد إنك راح تاخذ وقت كثير معهم بس مو مشكله حتى لو 5 دقايق خبرني
و فيه مرة بوزت عليه لأن هو يوم وصل بيتهم كان زوج أخته موجود و هو جلس معاه و خذتهم السوالف و حضرته ناسي الجوال في السيارة و أنا أدق أدق أدق 50 مسدكول و لا حياة لمن تنادي و بالنهاية دقيت على البيت و قلت له خلاص لا تجي مدري أيش مدري أيش بس هو جاء و راضاني

بس عموما الحين بعد ما تفاهمنا حول هالسالفة هو إذا صار موقف زي كذا يدق علي أو يرسل لي مسج يقول لي انه راح يتأخر شوي أو إنه مثلا تعبان و يبي يروق شوي قبل ما يجي..و أنا صرت أسوي حسابي يعني اللي في الثلاجة في الثلاجة و اللي فرن في الفرن إذا دق علي قال خل خواتج يلبسون أجهز كل شي..و ما يوصل إلا و أنا جاهزة و إذا انتظر شوي على بال ما أخلص مو مشكله مثل ما انتظرته ينتظرني عادي يعني ما فيها شي

عفواً عالتطفل بس ايش علاقة اخواتك؟؟؟

عن نفسي فيه مره تأخر شيه وجاتني وساوس انه نسي الموعد...وحددت وقت معين وقلت بيني وبين نفسي اذا عدّت هاي المدة وما جاء ولا اتصل...
بقفل جوالي ومااااااااااني رادة عليه....
ولا بفتح الجوال الا بكرة...

و بـوّريـــــه...وماني مخلية كلمة الا وبقولها له....
وانا في غمرة افكاري...قطع صمت انتظاري نغمته في جوالي...
وكالعادة على طوووول اعذاره جاهزة...
بس مشيتها بمزاجي...

خواتي الله يسلمج إذا جالسين مع أمي بالصالة يمر يسلم عليهم فهو يقول لي أقول لهم يلبسون عباياتهم ...عرفتي كيف؟؟