اختي الغالية ... اول شي مبروك و الله يتمملج على خير ان شاء الله

انا بصراحة حسيت من كلامج انج مرتاحة اكثر لفكرة عدم الاختلاط .. لكن اظاهر شخصيتج ضعيفة شوي قدام اهلج فما تبغين تزعلينهم .. و من ناحية ثانيه مهتمه وايد بكلام الناس و خايفة انهم ينتقدون العرس لو ما كان مختلط

اختي .. شو اهم عندج
انج تسوين حفلة غير مختلطة فيها رضا ربج ... و راحة ريلج و احساسه بانج اهتميتي بمشاعره و احترمتي رغبته اللي ما حاول يفرضها عليج .. و حفظتي صورته قدامج و قدام نفسه و اهله و معارفج ... و حتى راحتج انتي نفسج بانج تلبسين اللي يريحج و ترقصين و تستمتعين على كيفج ...

او

انج تسوين حفلة مختلطة فيها ... مراعاة لتقاليد اجتماعية غير اسلامية ...جرح لكرامة زوجج و لو بشكل غير مباشر و تعريضه للنقد و التجريح سواء قادمه او من وراه من اهله و اصدقاءه و معارفه .. بهدف ان امج ترضى و الناس ما ينتقدون الحفلة (مع انج عارفة ان رضا الناس غاية لا تدرك و اللي يبغي يتكلم و ينتقد بيتكلم في كل الاحوال و يدور اي شي ينتقده) ..

انتي قدامج اختارين واضحين و القرار بيدج انتي و بس .. لان حتى ريلج الله يهديه و في سبيل انه يكسب رضاج و رضا اهلج اتخلى عن رايه اللي هو عار انه صح و اتخلى عن دوره في النصح و الارشاد لج يوم يشوفج مترددة و ممكن تختارين الشي اللي ما يناسبكم

فكري عدل و اختاري اللي تشوفينه صح ... بس بذكرج بشي واحد .. لو انتي يهمج رضا الله عليج و مباركته في زواجج ..حاولي ما تعصينه في ليلة العرس اللي هي بداية حياتكم الجديدة .. لانج لو بديتي بالغلط و بمعصية ربج .. ما اظن بتتوفقين

تحياتي