بالعكس عزيزتي شهر واحد يكفيك لاستعادت نضارتك بإذن الله
اول شي استعيني بالله واطلبيه التوفيق والسداد..
ثانيا لابد من نظام غذائي بسيط تمشين عليه لنضارة بشرتك وشعرك..
لاتهملين المويه يوميا على الريق كاسين وبكل وقت اشربي اشربي
اشربي مويه ..هي بإذن الله اكبر مساعد على استعادة النضاره..
ثم قبل اي وجبه كلي سلطات وفواكه ..
كثري من العصيرات ومن اهمها عصير الزبيب مع البرتقال..
اشربي كاس بعد صلاة الفجر ..من افيد العصائر..بيخلي خدودك
حمرا ونشاطك ياسلاااااام
شوفي كلها امور بسيطه جداً بس لازم تداومين عليها علشان النتيجه..
بالنسبه لبشرتك..مايهم اللي كان..من اليوم لاتستخدمين الشفره..
كله بالحلاوه..حتى لو اضطريتي تجيبين احد يشيل لك ويساعدك..
الا مناطق العوره والافخاذ انتي تسويها..
وبعدين الحمام المغربي كل اسبوع لمدة شهرين..بتطلعين قمر..
وبعده استخدمي مرطب يناسب بشرتك عندك زيت اللوز الحلو او السمسم
كلها ممتازه جدا تفتح وتنعم..ان خلطتيها بلوشن طبي زي الجليسوليد
فتمام على تمام.مخليها عندك بالحمام ماتطلعين الا انتي حاطتها..
لاتتبعين انظمه معقده لانها بس بتتعب نفسيتك .اللي ذكرته لك كافي ووافي..
بالنسبه للتجهيز يالغاليه الحمد لله كل شي توفر الحين جاهز..ملابس السهرات
والمناسبات خلال اسبوع وبالكثير اسبوعين تصير جاهزه..
الباقي بإذن الله بتخلصينه بإسبوع بس انتي خلي كل يوم لحاجه..
يعني الشنط والجزم الله يكرمك والاكسسوارات لاتشتريهم الا بعد الملابس
علشان تكونين منسقه عليهم.
الملابس الداخليه اهم شي القميص الاساسي ليوم الدخله..عند ناعومي موديلات
حلوه مره..
الملابس الداخليه واللانجري كلها بزياره وحده ..
بس مهم جدا جدا جدا اختي تكونين كاتبه وش تحتاجين ..عشان كل ماشريتي شي
شطبتي عليه وارتحتي..
ولاتنسين من الآن حجز كوافيره مظبوطه شغلها ناعم ..
الله يوفقك ولاتنسيننا من دعواتك الطيبه.