السلام عليكم خويَ صلب الارادة،
جاب لي ربي انت من الجزائر؟ إذا كان صح انا ثاني من الجزائر وبالضبط من مدينة باتنة الاوراس (الشاوية يامحاينك ) ولكن انا راني مغترب في فرنسا ، المهم معرفة خير إن شاء الله، وليد بلادي...

شوف خويَ صلب الارادة والله راك دخلتلي قلبي ،شوف خو مكانش حتى واحد في هذه الدنيا مفاتش على هذه المحنة اللي راك فيها انتيا، وراني فاهم خو ولكن كاين مثل شعبي يقول:"المكتوب على الجبين لازم تشوفو العين" وثاني بيناتنا الرجل فينا ماراح يتزوج الا مرتو، ونزيد نقلك حاجة: المكتوب نتاعك راح يجيك يجيك حتى الباب الدار هو اللي يجي يحوس عليك، فهمتني خو؟ ماتقلقش روحك

انا كيفك الوالدة مابغت ليش الزواج من وحدة كنت نعرفها ، ولكن واش راح تدير هذو هما الوالدين ، ونزيد ننصحك باش تنسى لازم عليك تعمل اشياء تشغل بها وقتك والا تعمل رياضة او تدخل مشاريع... وكما يقولو انسى الهم ينساك.

هذا والله اعلم، رانا كيف كيف ياوليد بلادي،نطلبو ربي يهنينا هذا مكان.
تحياتي
حكيم الشاوي

المعذرة للجميع لأنني استعملت ألفاظ محلية لبلدي.