والله اختي العزيزة ماادري شقولك الصراحة. بس هذا الموضوع بالذات فيه تفاوت لأنه كل شخص ينظر له من زاوية معينة.. ناس تشجعك وناس لاا..
اما بالنسبة لموضوع زياراته فأنا عن نفسي ما اشوف فيها شي,, لما كنت مخطوبة كنت اطلع مع خطيبي يوميا ونروح السينما ونتعشى واروح بيتهم ويجي بيتنا واقعد معاه بغرفته,, واستمرت خطوبتي سنة كاملة للما كملنا تأثيث الشقة وتزوجنا.. انا اشوف الزيارات والطلعات ما فيها شي.. بالعكس تقرب ما تبعد, وتخليكم تحبوا تجلسوا مع بعض وحتى ما تتملو من بعض بعد الزواج..
واما عن موضوع انه جريء فمعظم الرجال يكونون جريئين بس هذا بحد ذاته فيه اختبار لك,, لازم تبينين له انك قوية وما يلين راسك بسهولة, انا ما اقول تمنعينه من كل شي, لازم راح يكون فيه نوع من الحب والحنان,ولكن حاسبي لنفسك وخاصة وانه زواجك قريب مو بعيد.. وبعدين الزوجة اللي تصد زوجها في كل صغيرة وكبيرة تعوده من البداية انه يتعود على البعد.. باجر لا قدر الله زعلتي منه تخلينه يوم واحد بعيد عنك وهو بيعرف خطأه اكيد وبيحس بالفرق وبيرجع لك في ثواني وبسهولة..
هذا رأيي.. وتعرفين كل شخص يختلف في تفكيره ويختلف في مستوى قياسه للأشياء. والله يوفقك حبيبتي..