سالفة المهور العالية ماتنطبق على الكل لكن فيه قبائل عندنا بالسعوديه تطلب مثل كذا لكن مع مرور الوقت صار فيه تحديد للمهر من بعض تلك القبائل لكن المتعارف عنا اهل نجد عدم التشرط وصدقوني سالفة المهر مايجبونها على لسانهم يدفع اللي يدفعه على حسب قدرته لكن ينشبون للرجل بأشياء ثانيه يقعدون يسألون عنه شهر شهرين اهم شي الاخلاق عندهم ويمكن يشترطون البيت والدراسه هذا ان طالت وشمخت
همسه لكل شاب000 اذاطحت بناس يطلبون مهر عالي ياخي اتركهم والوجه من الوجه ابيض ودورلك على ناس ثانين ولاتقعد تعم الذنب على الجميع وتحط يدك على خدك وتقول غلا المهور وماغلا ومن هلهرج الفاضي قم يامناللي ودورلك على بنت الحلال اللي ترضى باليسير وياكثرهم وانتم شفتو الردود فيه بنات تزوج بعشره وفيه من اللي تشري الرجل
وبعدين بنت بلدك اولابك اصلا ماراح احد يفهم على عقليتك ولاراح يصبر عليك مثل بنت بلدك واذا على الجمال والدلال والاخلاق والعلم تراها فينا ولاتطلب شي مستحيل وارجع واكرر يااخي الفاضل قبل ان تتقدم للزواج لابد ان تكون قد المسؤليه يعني رجل اتكانه مهب خن بط