اخوي غلط تنشر اشاعة انك بتخطب بنت ثانية

هذا التصرف خاطئ وبيسبب لك مشاكل اكبر مما هي عليه

لالالا اخوي ما يصير هالكلام

اولا هذي خطيبتك ولها الحشيمة والاحترام وبعد بنت عمك وحبيبتك

ما تسخا تفكر مجرد التفكير بهذا الامر

اخوي والله انا كنا كذا مثل خطيبتك

انا عن نفسي كنت احب خطيبي اللي هو زوجي واستانس اذا سمعت صوته او شفته لو من بعيد

لكن والله كنت اتحاشى اجتمع معاه خوفا ورهبة وحياء

حتى الكلمة ما كانت تطلع وان طلعت لا تسمع

بعد الملكة شوي تحسن الوضع

كنت اتمنى اقعد معاه ..........واسمع سوالفه ............لكن الحياء من اهلي واهله

وبعد كانوا يمنعون اجتماعنا

اخوي لا يغيرك اللي تقرا او تسمع عنه في المنتديات او من كلام الشباب

ترى اغلب الكلام غير صحيح او فيه الكثير من المبالغة

او انه في مجتمعات غير عن مجتمعاتنا

اخوي عليك بالصبر والركاده

واحمد ربك انها لك

واستمر حاول معاها وعودها على سماع صوتك ترى هالشي يسعدها

لو لم تصرح لك بذلك

ولا تستعجل سماع كلمة احبك منها

تراك بتسمعها منها لين اخاف اقول تمل .............لين تشبع ان شاء الله

اخوي مثل ما قلت لك ترى العذارى يستحون

والبنت تحب الرجال هو الذي يلاحقها بالكلام الحلو والغزل والسؤال والهدايا

والله هالكلام صحيح لا تقول هي تمل

لا بل بتتعود عليك .............وبتفتقدك اذا غبت

عاد انت اسأل عنها دائما وبشكل منتظم

ثم بعد فترة لما تحس انها تعودت على اتصالك في هذا الوقت

لا تتصل وتم كم يوم لاتتصل

ثم انظر اكيد بتكون قلقة عليك وتبي تعرف ويش اللي قطعك

حتى ان استحت تتصل عليك تسأل .........بس اول ما تتصل عليها بتفرح واااااايد

انها اسمعت صوتك وتطمنت عليك

الله يسعدك ويزيد خطيبتك حبا لك ويزيدك حبا لها

الحب اخوي مشاعر رائعة جميلة عذبة معذبة القلوب ...........

وهي اسمى المشاعر

الحب صبر وتضحية وووووو اليس كذلك

وفقك الله .


اختك / دفء الحياة .

__________________