عندي تعليق صغير بس هنا على كلام الاخت ام اثير... الرجال جا من الباب وباغي الحلال وبنتهم باغيه الحلال يضربوها على ايش؟؟ يمكن تقولي السبب لانها خانت ثقتهم طول الفتر ه اللي راحت ...طيب ابغى افهم لو ضربوها او عاقبوها ايش حيستفيدو؟؟ انها ما ترجع مره ثانيه تعيد نفس الحركه؟؟ اها يعني خوفا منهم بس مو اقتناع .. ما تعملها مره ثانيه لانها خايفه من الضرب والمقاطعه مو لانها مقتنعه اساسا انه هذا غلط..

ابغى اسالك سؤال ام اثير .. لو ابنتك جاتك وصارحتك انه هي حبت شخص والشخص هذا بيستاذن منك انه يجي يخطبها رسميا.. ايش ردة فعلك الضرب والمقاطعه؟؟ ولا حتستري على بنتك وتحاولي بقدر الامكان تصلحي خطا بنتك وتعطي فرصه انك تقابلي الشاب وتقيميه؟ ولو فرضا وافقتي عالمقابله وبعدها ادركتي انه الشاب دون المستوى المطلوب ورفضتيه.. ايش رح يصير تصرفك مع بنتك بعدها حتضربيها وتقاطعيها؟؟

ارجوك ياليت تجاوبيني على الاسئلة لاني احب الاطلاع على اساليب مختلفه في ا لتربيه حتى اختار منها ما يناسبني..جزاك الله خير