أخي الكريم.. أول شي نرحب بيك بيننا أخ جديد في المنتدى وتأكد أن مشكلتك ستجد لها حل إن شاء الله..

من ما كتبت تبين لي إنك إنسان حساس جدا ورومانسي.. بداية قصتك كانت جميله جدا وهاذي أيام ماراح تنساها أبد.. لكن تأكد إنها راح تعود إن شاء الله..

أخي الكريم الأيام الحلوه إلي مرت بيكم وإنتظاركم تسعة شهور على أحر من الجمر ممكن يكون هو سبب تعب زوجتك النفسي.. أكيد إنكم علقتم آمال كبيره على هذا المولود..وكيف إنه راح يكمل فرحتكم..

أنا أعتقد إن زوجتك إنسانه عاطفيه وناعمه جدا.. وعلى ما يبدو هي بعد حساسه جدا... الخوف الكبير والقلق إلي عاشته زوجتك طوال فترة الحمل بالإضافه لآلام الولاده سبب لها ضغط وتعب نفسي كبير..وهذا الضغط على ما يبدو زاد عندها بعد الإنجاب مما ترك فيها أثر نفسي كبير..خلاها تعتبر العلاقه الجنسيه هي السبب في كل مشاكلها.. ولأن العيال هم ثمرة العلاقه الطبيعيه تلاقيها ومن الإرهاق والتعب كرهت الوضع إلي تعيشه..

ممكن تكون زوجتك صدمت بالواقع الصعب بعد الفتره الرومنسيه الناعمه إلي عشتوها..وإلي الظاهر حطت في بالها إنها راح تظل بهاذي الصوره على طول..

قد أكون بالغت شوي في تحليلي بس أنا أحاول أعطي صوره عن نفسية زوجتك من الكلام إلي إنت كتبته..وإنت أكيد أدرى مني بيها وبطريقة تفكيرها..

أخي الكريم.. حاول تخليها تفضفض لك عن مشاعرها..عن الضيق وعن سبب الوضع وليش تغيرت مشاعرها فجأه.. حاول ترجع بالأيام الحلوه إلي عشتوها.. وما أعتقد إنك محتاج توصيه إنك إذا تبغيها مرتاحه في وقت لقاءكم لازم تساعدها وتريحها مع العيال تشيل شوي المسؤوليه معاها..

ممكن أخوي الكريم "وهذا إقتراح" إذا عندكم أهل إنكم تتركون عيالكم فترة 3 أو 4 أيام عندهم وتروح إنت وزوجتك شهر عسل قصير جدا تستعيدون فيه الماضي وتغيرون جو.. منه ترتاح زوجتك من تعب وهم العيال ومنها تتطمن إن الأيام الحلوه موجوده والرومنس ماخلص..
أخوي عبر لها عن هذا الحب..صارحها، دللها، وحاول لا تيأس..

أدري إن الموقف عندك صعب لكن حبك لها إلي كان واضح بين السطور راح يساعدك ترجعها مثل ما كانت قبل.. مشاعرها تأكد إنها للحين موجوده لكن ممكن خوفها إنها تتعب والنفسيه إلي مرت بيها خلتها تتعامل معاك بهذا الأسلوب....

الله يوفقك ويهديك ويبعدك عن الحرام..قوي إيمانك أخوي وإصبر لأن هذا إبتلاء من الله..ولا تنسى الدعاء..

__________________