أهلين أختي الغالية
أول شي وأهم شي تسوينه أدعي ربك أدعيه انه يبين لك الصح من الخطاء وانه يصبر قلبك
وبعدين من وجهة نظري انك ماتبينيله انك عارفه الموضوع لانك لو صارحتيه وكنتي هاديه معاه راح يتمادى ولو عصبتي يمكن راح تندمين لاقدر الله
أحسن شي شوفيلك يوم يكون رايق فيه واجلسي معاه جلسة هاديه وحلوة انتي عاد وشطارتك قوليله ابسألك بس بشرط تجاوبني بصراحةقوليله انا قد قصرت عليك بشي أو كنت تدور عن شي وماحصلته فيني حاولي أحكيله عن حبك له عن سعادتك بقربه قوليله انتى راس مالي انتى املي بالحياة عبريله عن اللي بقلبك ولو مجاملة حاولي تستعطفينه
وشوفيلك يوم مناسب وسوي نفسك مررره متحمسه وقوليله ان وحده من صحباتي اكتشفت ان زوجها يكلم من وراها خلي حالك متضايقه ومعصبه وقولي وش تقترح علي اقولها وقولي لو أنا مكانها راح انجن راح امووووت ويمكن كمان اذبحه بس اهم شي تضبطي التمثيل كويس
حبيبتي خليني احكيلك حاجه مهمه
الرجل عموما أول مايتزوج يلاقي العناية التامة من زوجته وبعد مايجي الطفل الاول تنشغل الزوجه عنه وهذا مو حاجه سهله عندهم عشان كذا أختي الغالية لاتتركي زوجك يبعد عنك اجذبيه لك بكل اللي تقدرين عليه
ولاتخلين الظنون تلعب فيك استعيني بربك وادعيه ان يصون زوجك ويحفضه لك ويبعده عن بنات الحرام
أخيرا حبيبتي صدقيني انتي مو وحيدة كلنا معاك ربي يسعدك انشاء الله..
11-08-2005, 08:26 PM
ضوابط المشاركة
العرض الشجري