إذا أول مره يكلمها أعتقد ما المفروض يتوقع كثير يعني يدوب بس تحطيم للجليد على قولهم

أتذكر أنا يوم كلمني زوجي أول مره
كان قبل الملكة و بعد النظرة الشرعيه و الخطبة الرسمية..يعني بعد الموافقة..كان عندي اليوم اللي بعد اختبار فكان هو يادوب يعني بس سلم و شلونك شعلومك، شلون المذاكرة؟ أيش المادة اللي عندك بكره؟ وش الكتاب اللي تدرسين منه؟؟ ايه هذا اسلوبه حلو..عندي كتاب فيه رسومات مره كويسه شرايك أجيبه لك يمكن يساعدك..إذا فيه أي شي ما فهمتيه ممكن أشرح لك (أنا و هو نفس التخصص بس أنا كنت سنه ثانية و هو كان تو ما صار له 4 أشهر من توظف).......عاد أنا كانت ردودي كلها من نوع لا ما له داعي تكلف على نفسك...مشكور ما تقصر..و يوم شافني أرد عليه كلمة و رد غطاها قال لي أكيد عندك أسئله ودك تسأليني اياها قلت له لا أهلي قالت لي كل شي...فهو عاد يوم شافني كذا معاه قال خلاص أجل أتركك الحين تكملين مذاكرتك ....يعني بالمختصر طفشته مسكين ما عطيته وجه بس شأسويله كنت مرتبكة و مدري شأقول (حتى هو الحين يقول لي حسيتك ما تبين تكلميني ) بس طبعاً المكالمه الثانية كانت مره أسهل و اللي بعدها أسهل و أسهل و هكذا...طبيعي أول المرات تصير ربكة و الواحد ما يدري شلون يتصرف


بس أنا استغربت هنا من شي
ليش ملكة و بعدين تلفون؟؟ اللي أعرفه ان اللي يملكون بعدين يشوفون بعض و الطقوس المعتاده كيك و عصير و كذا ولا فيه ناس عندهم غير؟؟؟؟