أنا لاحظت إنه عمرك عشرين سنه يعني صغيره نوعاً ما وكم عمر زوجك...شكله لسه مو عارف إنه الزواج مو لعبة بيتسلى فيها وإنه مسؤولية مشان هيك لازمه شي واحد من كبار العيلة يفهموا إنه الموضوع أكبر من مجرد لعبة واليوم زعلت روحي لبيت أهلك وبكره رضيت ارجعيلي..
لازم حد يدخل بشكل عقلاني وفي النهاية عزيزتي بيتك وزوجك وولد يتربى في بيت فيه استقرار هوه الأساس وأركز على بيت في استقرار يعني الطفل لازمه استقرار وحنان أم وأب..
بتمنى لك التوفيق إن شاء الله

الله يكون بعونك يارب .. مالي الا الدعاء لك بانفراج كربتك .. بس خلال هالفترة الحرجة لاتبتعدي عن ربك لان ما في حد يخرجك من هاي المشكلة غيره .. عليك بركعتين خفيفتين مع الدعاء بخشوع وبإلحاح قبل صلاة الفجر وراح تشوفين نتائجها المثيرة .. ولاتفوتين سجدة من سجداتك خلال الصلوات العادية إلا وتدعين فيها ...

اترك النصائح للي عدهم خبرة اكثر .. لان والله ما اعرف بشو انصحك انا كمان عمر زواجي بسيط وهو ست شهور ..

الله ييسر امورك

ويسعدك ويسعد الجميع

تحياتي لك

ميمو

شكرا الكم كتير على توجيهاتكم الطيبة .........
بس أنا يا جماعة عايشة ببلد اوروبي وما ألي حدا هون غير أمي وخواتي وبيت خالي وبس وخالي مابيحكي مع زوجي من قبل هاي المشكلة والمشكلة انو أنا هلا خلص بدي أرجع بس المشكلة خايفــــــــــــــــــــــة كتييير أني أفتح الموضوع مع الماما وأحكيلها أنو أنا بدي أرجع لزوجي خايفة أنو تغضب علي وهي مو متقبلة أنو أي حدا يتدخل بالموضوع أبدا وأنا اليوم حكيت مع زوجي وقلي بترجاكي تقوي قلبك وتحكي لأمك أنك بدك ترجعي وأنا رح أتكفل أني أرجع العلاقة بينكم من أول وجديد بس خايفة والله خايفة رضا أمي عندي أياه بالدنيا كله والضغط النفسي ألي أنا عايشة فيه هلأ كتير متعبني لأني حامل .........
يمكن أنا مشكلتي صعبة شوي بس والله عم أدعي ربي ليل ونهار وبكل صلاة أنو يساعدني وأمبارحة صليت ركعتين قبل ما أنام وحلمت أني خلفت بنت وكنت مبسوطة كتير فيها فشو تفسير هالحلم برأيكم خير ولا شر ؟؟؟؟؟؟؟؟؟؟؟؟
الله المعين فقط