الأخت العزيزة حنين ،،
برأيك ، لو أخوكي الصغير أخدلك صورة عفوية تطلع أحلى ولا الصورة اللي ممكن تتصوريها أمام المصورة بالاستديو ؟!؟!؟! على الرغم من أن الصورة اللي يالاستيديو رح تحضريلها مسبقا وتلبسين أجمل الملابس وكل شي تمام ،
بالنسبة إللي أنا صوري العفوية تطلع أجمل ، عشان هيك أنا حطيت ببالي أنو أي شخص ممكن يتقدم لخطبتي رح اتعامل معاه على أنه أخ واكلمه بعفويتي مثل ما أتكلم مع أخوي ، بدون ما أدخل بتفاصيل ، يعني أحاديث مختصرة، و لو أحط ببالي أنو يمكن يخطبني عشان هيك لازم أكون 10 على 10 ، ولأنو عاجبني رح اخاف من الفشل وأخاف أخسره ، ساعتها 100 بالمية رح أفشل ، أقابله كأنه شخص عادي جدا ، وأكون طبيعية معاه وبعفويتي لأني ساعتها أكيد رح أكون .............. الأجمل !!!
وبالنسبة للمبادرة أفضل يكون هو المبادر ، أنا لا أعرف عاداتكم بالضبط لكن إحنا بعاداتنا العروس تضيف القهوة ، ممكن لو إنتي اللي ضيفتيه القوة تكون بداية طيبة ، وتفك الحرج من قبلكم أنتو الإثنين بنفس الوقت ..
وأتمنالك التوفيق ،،