المهم : يا فلانة ايش طلباتك عشان نوصل لاتفاق بينكم ؟

قلت : طلبي توثيق عقد الزواج في مصر
قال : طبعا من حقك
و ايضاً ؟
قلت: امه مالي علاقة فيها لا ب مصر ولا بالسعودية
ولا تدخل بيتي ولا ادخل بيتها ولا ملزومة بخدمتها بعد ظلمها لي
قال: طبعاً من حقك
قلت له: لو حصل ورحت مصر ما اروح لبيت العيلة و اسكن مع اهله
يوفر لي شقة لوحدي بالقاهرة
قال : طبعا من حقك
قلت له : رفع النفقه
قال : كذلك من حقك
قلت : و رضوة عالأذى اللي تسبب لي فيه
على طرده لي و مد يده و سبه لي بالرسايل
وافتراءه علي امام الشيخ

قال لا انا ما اتفق معك هذا مو من الشرع
قلت : صحيح مو من الشرع لكنه من العرف
وهذا المعمول فيه في المحاكم عندنا حتى القضاة صاروا يقررون رضوة
في حال ثبت الأذى عالمرأة و قررت العودة لزوجها
قال : لا احنا ما نبغى نمشي الا عالشرع
انا ب الزمه من باب الشرع ماتشوفين امه و انتي من باب الشرع مالك رضوة
لكن لك حياة كريمة
قلت طيب وكيف تردعه عن طردي و مد اليد مرة أخرى؟
قال بالوعظ و التذكير بالله
قلت للاسف هذا اسلوبي معه ٦ سنين و لا فاد و لا ب يفيد

قلت له كذلك : ابغاه يوفر شي ملموس لبناته باسمهم بالسعودية ارض او وديعة في البنك
قال هذا مو من الشرع و مش ملزوم
هو ملزوم ينفق
قلت لانه اصلا ما ينفق ف لازم يسوي لهم هالشي
قلت اجل يستفيد مني طوال هالسنين ولا استفيد منه
خلال اعتبرها من باب الشرع اني احسنت له و واجب عليه يحسن لي
او ب اقطع عنه احساني و ينقل كفالته عني اذا ما بيوفر لهم شي ، ماله عندي شي انا بعد

قال صحيح من حقك
هو مش مطالب يوفر لهم شي وهذا تفضل منه
لكن كمان مش ملزومة تحسنين له
انا ب اكلمه ينقل كفالته عنك

قال هذا اتفاق مبدأي و بعدها نمشي على بقية الشروط ..

__________________

الحمدلله على قضاء يقربني من الله عز و جل.