انا قاطعة الاتصالات عنه لي يومين
و معتصمة بالله و مستمرة على سورة البقرة

اليوم لما انهيت قراءتها
جاتني ضيقة قوية و بكييييت .. و ربي قذف في قلبي ان الانفصال افضل لي
و طوال امس و اليوم في بالي فكرتين فقط :

ـ تصرفاته معاي : خلال الـ ٤ اشهر الاخيرة اللي عشتها معاه بعد ما اكتشفت راتبه
ـ كان يتعمد تطفيشي من البيت ـ
١. ضاعف من اهماله للنظافة الشخصية بطريقة مجنونة "وصرت لما افتح معه الموضوع بكل لطف و ادب و حياء و ربي شهيد علي يصرخ و يقول انتي موسوسة و يهاجمني و يزعل" يجلس بالأيام ما يتروش ، ملابسه يجلس اسبوع لابس نفس القميص في البيت، اشياء كثيرة و الله استحي اذكرها غير هذي و لا تصدق
٢. الزبالة " وانتم بكرامة" كان سابقا طوال حياتي معاه مهتم يطلعها اول بأول، في الأربع اشهر الاخيرة خلاها شهر عند باب الحوش من داخل لدرجة طلعت منها حشرات
كل يوم اكلمه و يقول ان شاء الله و يطنش
لدرجة لما شفت الحشرات لبست عبايتي و سحبتها بنفس لبرا البيت لأقرب زبالة للبلدية و انتم بكرامة
و طوال الـ ٤ اشهر يتكرر موقف الزبالة ، يخليها اسبوعين مثلا او اسبوع الين اضطر انا اسحبها
٣. كان يتعمد يوصخ وراه المطبخ يومياً لما يصحى يسوي قهوته السودا عالنار ، يخليها تطيش و توصخ الفرن كامل
وهو يعرف و عايش معاي " اني ما انام الا و انا منظفة الفرن و مخليته يلمع عشان اصحى اسوي فطور وهو نظيف و نفسيتي تكون منشرحة"
كان كل يوم يوصصصصخ المكان كل يوم و يقول نسيتها معليش عالنار
و انا ما اتكلم بس امسح وراه و اذكر نفسي يومياً بمقولة "التغافل تسعة اعشار حسن الخلق" مع اني اغلي من الداخل لكن احاول اطنش لكن كنت اعرف ب قرارة نفسي انه متعمد يهلكني بهالأفعال الحقيرة البسيطة الخبيثة اللي من تحت الطاولة
٤. شبشب الحمام و انتم بكرامة يطلع فيه من الحمام و يدور فيه بأنحاء البيت و يتمشى

"كل هالأمور سواها معاي يوميا على مدار ٤ اشهر
و ماكان يسويها ابدا سابقا "

و اشياء ثانية كثييييييييرة
كثييييييرة
وراني و شفت منه وجه لأول مرة اشوفه بحياتي
وجه الاستفزاز اليومي بالحركات اللي من تحت الطاولة

كنت يوميا اعيش منهلكة بدوامة تنظيف الاشياء اللي يوصخها و يعدمها من وراه
و والله اني كنت احس بناتي ما يتعبوني مثله

كنت اجلس بالساعات واقفة على رجولي انظف و امسح و اكنس
و كان مرات كثيرة يدخل المطبخ يقول اليوم ب اطبخ بدالك
و يعدم لي المطبخ بطريقة مجنونة غريبة شي ماعمري شفته
" هو دايم من النوع اللي يطبخ بس مايوصخ لهالدرجة "
كنت اشعر ب قرارة نفسي انه يتعمد يخليني منهلكة
كنت ارجع بعده للمطبخ و اشوف العاصفة اللي سواها و اجلس اصيييح بيني و بين نفسي
احس اني مغلوب على امري

لأنه يسوي تصرفاته و يكون فيه شر "نظراته واضح و طريقة حركته و لغة جسده "
انه لو تكلمت او انتقدت او عاتبت ب ينفجر فيني انفجار مافي زيه

لذلك كنت اطنش ابغى المركب يمشي بأي طريقة

هذي الأشياء اللي سواها و كتبتها كانت جديدة علي !

وفيه امور كانت تضايقني منه مثل البخل او التضييق بالصرف
بآخر الأشهر باااالغ فيها و وصلت لمليون ضعف الايام او السنين الماضية

صار يتهاوش معاي حرفيا على كل ريال ينصرف
و المشكلة مبالغ تافهه حقيرة ١٢ ريال او ٢٠ ريال و هكذا
يصارخ و يمسح فيني البلاط
و انا كلمتي المعتادة من اول سنة هي هي تتكرر " ليش تستكثر فيني الريال؟ .. اللي يحب يعطي " و ابكي !

الغريبة اني رجعت له بعد ما اكتشفت راتبه و سويت معاه مشكلة كبيرة و شروط بيني و بينه و و
بعدين لما قررت ارجع : قررت لأول مرة بحياتي معاه اني اتأقلم معاه التأقلم المطلق بعد ما تيقنت من بخله
وقلت اذا هذا نصيبي لازم ارضى فيه و أرضى منه حتى لو بالفتات

المشكلة لما رضيت و تقبلت و ماصار عندي محاولات تغيير من ناحية الفلوس
هو طلعني برا حياته

وانا ب اذكر بصراحه ايش اللي جننه فيني من هالناحية و خلاه يطردني
كان سابقا يفتعل مشاكل من ناحية الصرف عشان تعز علي نفسي و اقوله ما ابي منك شي
و تتكنسل الطلعة
"هو ينبسط و انا ماكنت ادري بهالشي ولا ادري عن مشاعره الداخلية" و انا انقهر

بآخر ٤ شهور زي ما ذكرت يفتعل معاي مشاكل اشد و اعنف من اول عالفلوس
مثلا ما بنطلب من المطعم الفلاني غالي
بنطلب رز و دجاج
" انا سابقا ممكن ابكي و ازعل او اقاطعه و ما اكلمه او او
المهم لازم ردة فعل و رفض شديد "
آخر ٤ شهور صرت ارد عادي خلاص جيب رز و دجاج
فوجئت فيه يولللللللع اكثر يقول : ليش موافقة انتي ب قرارة نفسك مو مقتنعة انا عارفك

هنا فهمت انه ما يبغى يصرف ابدا
حتى لو مبالغ زهيدة
ما يبغى يصرف
ما يبغى يصرف

و استوعبت لأول مرة انه انا صار ينطبق علي "رضينا بالهم و الهم ما رضى فينا "

"الحين هذا كله مو قادرة انساه ولا اتخطاه
ايش يمنع انه يوافق عالشروط كلها
بعدين يرجع يطفشني بالحركات الخبيثة اللي تحت الطاولة لين يتعبني نفسيا او ينهك اعصابي او يجنني "

كذلك عندي قناعة انه الزوج
اذا اظهر لك جانب اسود بشع قذر في يوم من الايام
فما في اي مانع يرجع يكرر هالجانب مرة ثانية
" التكرار وارد "
وصححوا لي هالقناعة المتزوجين لو هي خطأ

__________________

الحمدلله على قضاء يقربني من الله عز و جل.