سبحان الله رجعت أقرا مشكلتك
ما تعجبت منها قد ما تعجبت لا قوة الا بالله من استمرار حبك لزوجك
رغم اني زي ما ذكرت لك في تفاصيل كثيرة متشابهه لكن انا ماعدت احمل له أي مشاعر
لأنه تعامل معاي ب نذاله في مواقف كثيرة
كان أقواها بالنسبة لي قبل سنة تقريباً ، امه جات عندي و كانت تفتعل مشاكل يومياً و تشيشه علي
و قال لي ان صبرتي عليها و سكتي و ما رديتي ولا حتى بينتي ضيقتك ب اكافئك
وتحملت ٤ شهور ضغط نفسي يومي و كنت ابكي على سجادتي و لا اعلمه ب شي
وفعلاً اول ما راحت اهداني هدية غالية و بعد ٣ اسابيع اخذها مني لسبب تافه، هنا انا حرفياً ماتت كل مشاعري
قبلها قد سوا لي مواقف كثيرررة فيها نذالة و كنت اسامح و اقول بكرة احلى
لكن زي اللي خلاص تعبت
تعبت اتعامل ب طيب و حب و حسن نية و عطاء و اشوف مافي مقابل ابداً
انا كنت معاه قنبلة من العطاء لكني سحبت كل شي و صرت اسوي بس واجباتي طبخ و تنظيف و بسسس
جلست كذا سنة و بعدها تعبت نفسياً لانه مو طبعي
طبعي العطاء و الاحسان و الحب الغير مشروط
والله اني كنت ابحث عن اقل اقل اقل مقابل للي اسويه انه بس يحترم امي و ابوي
لكن حتى هذي ماقدر يسويها
انا لله وانا اليه راجعون