لا طبعا ما اقصد اسباب مادية
لانك ما فكرتي فيها الا وفي عندك قدرة حتى لو نوعا ما متعسرة معاك

العمل خارج مدينتك حجة قوية ان الدخل اعلى مثلا او انك حصلتي مجال عمل افضل
حتى تقدرين تسكتين الناس لو يضايقك موضوعهم
وحتى اريح لك نفسيا مافي ارتباط اجتماعي مباشر "في حال كان هذا احد الاسباب"

افضل من ان يهمزون ويلمزون ان بنفس المدينة وطلعت شقة..
وبيت اهلها فيه وسع ليش كذا سوت؟

600 الف جدا غالية مع اني احبذ تسكنين بحي راقي من ناحية الامان لك كمراة
في خيارات ثانية.. استمري بالبحث

الله ييسر لك ويوفقك

__________________

اختلافي عنك لا يعني اختلافي معك

والله انك صادقه
ايجابيات النقل لمدينه اخرى كثيره
وخاصه حكاية كلام الناس
وبالاخص حريم اخواني
لان الجيران وجماعتنا ما بيدرون
الا من حريم اخواني اللي صعب نخبي عليهم
اني مستقله ببيت لحالي

عموما اذا بنقل بنقل الرياض
لاني احب هذي المدينه
بس مدري عن موقفهم ساعتها!!
بتكون صدمتين
صدمة الطلعه من البيت
وصدمة انها بمدينه ثانيه!!

علما ان فيه وحده من جماتنا مسويه كذا
لها حول 5 سنوات ما شفناها ببيت اهلها
وكل اللي نعرفه انها توظفت وراحت مدينه ثانيه
واخوها معها هناك كل هذي المده
يعني المفروض تعودوا!
لكن انا بكون لوحدي ( بالنسبه لي عز الطلب)
ف مدري عن ردت فعلهم

بدور بيت اخر
لان هذي الشقه بثالث دور
وانا نفسي في دور ارضي بحوش
او على قولة مبتعثه شقه ببلكونه
والحي عندي مهم جدا يكون حي حي مش حي ميت

امين وياك ي عسل 🙏🏻

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )