اهلا ابنتى الغالية

الله يوفقك واهم شىء
مع اى خطوة استخارة الله
تبارك وتعالى


وانا بعد الله معاك بإذن الله


وانسى خلاص موضوع تعبى


المهم اتصل بيه وقول له
يا فلان انت عارف حبى لك


ولكن اللى احنا فيه مش حياة


لا شغل ولا اطفال ولا حياة اصلا


انا مش هضغط عليك

ده حياتك وانت حر فيها


وده حياتى وانا اللى لى الحق
اقرر ما فى صالحى


كفاية 10 سنين ضاعوا
واحنا محلك سر


لا احنا بنرجع كمان


ولو فى بارقة امل ان شاء الله
يبقى ده رزق من الله


لو اشتغلت وبدأت تبنى حياتك
انا موجودة وهيكون اسعد
يوم فى حياتى


اما موضوع العلاج والاطفال
لا تتكلمى فيه الان


المهم اولا جوزك يتغير
ويعتمد على الله ثم على
نفسه علشان يكون قادر
يفتح بيت ويشيل مسئولية
زوجة واطفال


اما اهلك انسيهم


ده حياتك


لما كنتى حزينة ووحيدة
محدش نفعك


خليك مع الوالد وبس


هو اللى هيفهمك ويقدر
موقفك ان شاء الله


وانا بفضل الله معاك


اى اسئلة تحت آمرك


لا تنسى اليوم ليلة جمعه

سورة الكهف


وكثرة الصلاة على الرسول
الكريم صلوات الله عليه


مع كثرة الاستغفار


وصلاة الليل


والفترة ده مهم جدا تكون
قريبة جدا من الله عز وجل

__________________

السلام عليكم ابنتى

ان شاء الله يكون فى اخبار
طيبة ، ربى يسعدك

منتظر ردك

__________________

وعليكم السلام ورحمة الله وبركاته
انا الحمد لله بخير واتمنى من الله دوام الصحة والعافية والخير لحضرتك دايما يارب
للاسف انا غلطت غلطة من ضعفي مقدرتش اواجهه وكان بيكلمني يطمن عليا وقالي مش قلتي يومين تفكري هتقرري ايه مش هتيجي قلتله مش عارفة
اما عرفت انه لوحده ومش راضي يروح يقعد عند اهله صعب عليا وقعدت افكر اروح ليه انضفله واعمله اكل وخليته جه خدني امبارح
ولا سألني قررتي ايه ولا قالي اي حاجة كان بس عصبي وشكله حزين حتى لما قلتله ازاي سيبتني اروح افكر اذا كنت هبعد عنك ولا لا قالي الل مش عايزني مش عايزه ونفس الحياة ونفس الكلام عن البيت والاكل
كل الل قاله عن الشغل انه بيفكر بس مش لاقي نفسه في اي حاجة
حسيت اني رجعت لنفس الحياة وجوايا صراع ان ده مينفعش وندمت اني جيت
صعبان عليا جدااا بس عارفة ان جرحه هو الدواء لكل مشاكلنا
والدتي تعبانة قلتله هروح اقعد معاها لحد ما تخف
وهيوديني اليوم بليل ومش هضعف وارجع تاني وربنا يقدرني على مواجهته
ووالدتي عايزاني اخد القرار بنفسي بس قالت ان الصح كلام حضرتك
ووالدي مجبش سيرة بس بيحاول يجيبلي كل حاجة بحبها عشان يحسسني بالامان
ليا اخت واحدة بس الل محسساني اني بياعة وبعته وغدرت بيه عشان هو اتحمل مني اهمال البيت واهمال في نفسي بحاول اتخطى كلامها بس بتضعفني
ومواظبة على القيام والاستخارة والاذكار والدعاء

__________________
لا حول ولا قوة إلا بالله العلي العظيم

الله يسعدك ويوفقك


يا ابنتى الغالية
محدش قال لك سيبيه


ولكن ده عملية كى
وفيها الم شديد


ولكن بعدها بإذن الله
هتكون حياتكم طبعية
وزى اى اسرة عادية


وهو اول واحد هيشكرك على
كده بإذن الله تعالى


يا سارة اليوم بابا وماما
موجدين ربى يحفظهم


ولكن بكرا مش عارفين هتكون
الدنيا ازى


اليوم انت فى سن مازال المستقبل
امامك بإذن الله تعالى


ولكن لو وصلتى 40 يبقى خلاص
مش هتقدرى تعملى حاجة


اما عن اختك
قول لها انا ادرى بحياتى
فى حاجات انت مش عارفها
ولو انت مكانى مكنتيش صبرتى
سنة واحدة


يكفى يا سارة ان الله يسامحه زوجك
من جر رجلك الى الطريق الاسود
اللى ربى انقذك منه


ومع الاسف هو كانت نية سيئة
كان عاوزك تبقى زية علشان يربطك
بيه ومتقدرش لا تبعدى عنه ولا تفضحية


ولا تنسى ان لو ابوه مات مين اللى
هيصرف عليكم


فى النهاية هو حر فى حياة
ولكن انت حرام عليك نفسك


يا بنتى الحياة صغيرة جدا


وان شاء الله ربى معاك
ثم انا ارسل وفى اى وقت
ان شاء الله هرد عليك


ربى يسعدك ويوفقك


اللهم آمين يا رب العالمين

__________________

بسم الله ما شاء الله
لا قوة الا بالله


انت حنينة جدا الله اكبر

الراحمون يرحمهم الله

وابشرك برحمة الله لك


بجد اكيد زوجك طيب

لان الله تبارك وتعالى قال

الطيبون للطيبات

وان شاء الله اللى بنفسيتك ده
بإذن الله ربنا هيكرمها

بس لازم ناخد بالاسباب والسعى

لان السماء لا تمطر ذهب ولا فضة

__________________

__________________

ابنتى الكريمة

الله يكرمك طمنى عنك


بالذات الفترة ده
بلاش تقطعى كده
الله يحفظك ويسرتك
دنيا وآخرة

__________________

السلام عليكم ورحمة الله وبركاته
اسفة بجد بعتذر من حضرتك على التأخير دون قصد
الله يكرم حضرتك يااااااارب في الدارين
انا الحمد لله بخير وبتعايش مع الموقف
بفضل الله ووصايا حضرتك بلتزم بالاذكار والقيام والقرآن
وأيام وهتعدي وبحاول اجهز نفسي للسفر مع اهلي بعد شهرين
ولم يجد أي جديد بعد الانفصال وخلال الاسبوع الاخبار منقطعة
كأن شيء لم يكن بحاول اكون مع اهلي واخواتي
ومستنية اي جديد ف الحياة سواء كان شغل او خروج
سايباها كده زي متيجي والحمد لله
وبجد كلام حضرتك وسؤالك عني واهتمامك بيفرحني جداااا
وبيديني امل كبير
وانا اكيد بإذن الله مش هختفي تاني

__________________
لا حول ولا قوة إلا بالله العلي العظيم

بسم الله ماشاء الله

الحمد لله انك بخير
ابنتى الطيبة

ربى يسعدك ويرزقك
من واسع فضله

ان شاء الله اللى
جاى كله خير

مفيش اكتئاب وحزن
ورتابة وحياة بدون
طعم ولا هدف ولا معنى

انت هتسافر فين ان شاء الله

هل بابا وماما هيكون معاك
باذن الله تعالى

السفر دولة عربية
واللى اوربية

وباذن الله تعالي
كم مجه السفر

اسعدك الله ابنتى
وعوض صبرك بكل خير

__________________

الحمد لله بخير واهو ايام وتعدي
وبحاول ع قد ما اقدر اني ابعد عن التفكير السلبي
واتخلص من كل مشاعر الحزن دي بالامبالاة بأي حاجة
بإذن الله هسافر مع والدي ووالدتي تركيا
بس لسة هبدأ في اجراءات السفر
ومدة السفر بتكون شهرين فقط
هما كده كده مسافرين في اخر شهر فبراير
وهياخدوني معاهم لو ظبطت عشان اغير جو
ياااارب ويسعد حضرتك في الدارين ويجازيك كل خير

__________________
لا حول ولا قوة إلا بالله العلي العظيم