حبيبة قلبي وفا الف الحمدلله والشكر لله على سلامتكم
موقف صعب كتير وخاصة اللي بدو ينقذ غريق لانو مرات الغريق بيشد المنقذ وبغرقه معو لازم يكون شخص متمرس وماهر ليعرف كيف ينقذ الشخص اللي عم يغرق

للصراحة انا بخاف كتير من البحر على قد ما بسمع حالات غرق لشباب بيعرفوا يسبحوا بس مرات البحر بيغدر والموجة بتاخد الشخص لعمق البحر
ماما اصرت عليي ارسل اولادي الى لبنان كرمال ارتاح وما كنت اقبل لانو اغلب وقتهن بحر ونهر
وتقلي بنتبهلن وابني يقلي ماما ربنا الحامي واي شي بدو يصير بيكون مكتوب وما في مفر
بس ما كنت اتخايل نفسي اقدر اتحمل وعيش بالخيالات وعيش على اعصابي
هون ما بخليهن يسبحوا الا بالمسابح لانو في منقذ وفي سلالم بكل الاطراف

وبالنسبة لكثرة التبول من التوتر والخوف على اخوها ولازم تاخديها على معالج افضل لتنسى الموقف وتتعامل معو كانه متل اي حادث بيصيب اي شخص
مرة تانية الحمدلله على سلامتكن والله يبعد عنكم اي اذى ويبعده عن جميع عباده

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه