أنا عن نفسي ما أطالب بالمساواة
أطالب بالعدل فقط !
بأي حق نتعامل مع أخطاء البنت كجريمة و أخطاء الولد كشيء عادي ( بكرة يكبر و يعقل و لا زوجوه يعقل)
بأي حق نضيق على البنت في حياتها و الولد مفلوت في الشارع على كيفه يروح و يجي !!!
عشان مابيجيب العار لأهله ؟!
عشان ماعنده شرف يحافظ عليه ؟!
أصلا مفهوم العار و الشرف مو خاص بالبنت
المجتمع الذكوري هو اللي خلاه خاص فيها!
ولا الغلط غلط سواء كان من أنثى و لا ذكر .

وبعدين انا ماجبت سيرة الاهل و لازم يسمعوا بناتهم كلام حلو (مع انه مافيها شي)، انا قلت لازم يعاملها الرجل معاملة حلوة عشان تنشأ بينهم مودة و ثقة
ومحد يضحك عليها ويأثر في علاقتها الزوجية
( اذا كان عقلها صغير) اما اذا كان عقلها كبير
فالامر مختلف.

وبالنسبة لجمعات البنات و الله ما اتوقع تخرب
زي جمعات الرجال و تحريش بعضهم على زوجات بعض
والمشكلة الواحد فيهم يرجع البيت دايركت و يطبق
نصايح اصحابه الذهبيه.
تأثير جمعات البنات على بعضهم مو مثل تأثير جمعات الرجال على بعض، لأننا ما نجتمع مع بعض إلا بالشهور او بالشهر مرة نظرا لظروفنا ( لازم ناخذ الاذن و لازم احد يوصلنا و يرجعنا و مانتأخر وووو ) أما الرجال كل يومين متجمعين لو مو كل يوم فالتأثير أقوى : )