اراجع فكرة ارتباطي فيه ؟!!
بعد ماجابه الله و تحقق حلمي بعد الخطوبات الفاشله بنظري واللى
كنت ارفضها رفض قاطع مع ضغط الاهل .
اجى الان اتراجع !!! لييييه
بعد ماصارت الناس تبني علاقاتها معى و تتقرب . اتنازل عن كل هذا !
والله ماشمت الناس فينى لو ايش ماصار ..
القوامه تنحل ان شاء الله والحب بيزيد 😊 من الطرفين .

أولا .. والله أتمنى لك الخير والتوفيق واسأل الله أن يزيد الحب بينكم, ولكن الحياة الزوجيه ليست ورديه ورومانسيه دائما, بل فيها الكثير من المد والجزر والشد والجذب على مدار الأيام والسنوات .
ثانيا .. قلت رأيي بناء على فهمي لشخصيتك من خلال مشاركاتك في المنتدى, وفهمي لشخصية زوجك من خلال كلامك عنه .
ثالثا.. واضح ان كلامي ما عجبك .. لا بأس, ولكن المهم أنني قلت ما يمليه علي ضميري حسب ما أراه يناسب وضعك وشخصيتك وشخصية زوجك بدون تحيز لأي طرف, ولو كان زوجك أسهل مراسا مما أرى لتغير كلامي عنه .
رابعا .. أكرر وبشده, تقبل قوامته يجب أن يكون عن قناعة عميقة منك وزوجك لن يتنازل عنها, والحب وحده لا يكفي لتقبلها
أنت تتنازلين وتعطين من أجل الحب, ولكن لا يطول ذلك منك ما لم تكوني مقتنعة داخليا بعطائك لأن مساحة العاطفه بشخصيتك ليست كبيره, وتجنحين كثيرا للإستقلاليه .
خامسا .. ركزي أكثر على آراء من سبقك بالزواج ومارس الحياة الزوجية فعلا مع احترامي وتقديري للجميع .

قلت ما لدي اجتهادا والله أعلم بالصواب .

__________________

اولا : جزاك الله خير اخوي ..
ثانياً : كلامك دقيق ويوخذ بعين الاعتبار ، ايش برايك الصح الان ؟!
ايضا ماشوف انى تنازلت عن شيء مهم مايصح التنازل عنه لا من اجل حب و لا من اجل غيره
الا السفر مع انى مو كل سنه اسافر لكن عشان الاجازه كانت طويله .
ايش ثاني اتنازلت عنه ؟ بس .
انا صح انزعج جداا من اسلوبه ومحاولة فرض الرأي دون نقاش < وهذى نقطة مهمة
ايضاً اسلوبة في العقاب التطنيييش هذا وباسلوب مستفز < يقرأ ويطنش كانه يسمعنى وانا اتكلم ومايرد .
قناعته اني مو لازم اتصرف تصرف الا بشور احد ، ابوي او اخوي او هو او حتى اختي الاكبر .!
مثلا لما اقول شي ، طيب عمي ايش كان رايه ؟! < انا من متى اصلا اشاور عمك ! او فلان او فلانه
سؤاله عن كل مشوار حتى العياده فيها طبيب او طبيبه ؟ اسلوب استجوابي ..
يكون هاديء و رزين بس يقلب بثواني ان جاء اسم رجل على لسانى ويسال من هذا ؟
مثلا سالت اخته من بيوصلك قلت عبدالجبار عصب من عبدالجبار قلت السواق وهدا
وهذا شي صعب الحياه فيها رجال كثير وطبيعي .
يمكن هذى ابرز الاشياء اللي احس انها ممكن تكون محل خلاف .
ايضا ما انسى كلمة انا ولى امرك .!

اهلا بك, لما قلت انت تتنازلين من أجل الحب قلته بناء على هذا الحوار ..

وكان ردك عليها ..

من هنا قلت انك تتنازلين من أجل الحب ولكنه ليس دائما عندك وإنما بشكل محدود .

ولاية الأمر على الزوجه بحسب الشرع حق للرجل يمكن التنازل عنه كليا أو جزئيا
هناك من الرجال من يمارسها كاملة وهناك من يتنازل عن شيء منها أو أغلبها
هذا كله يعتمد على طبيعة شخصية الزوجين وقدرتهم على التعايش معا ومرونتهم وعدد سنوات الزواج وعوامل أخرى
ولكن تكاد تكون قاعده عند كل الرجال .. في بداية الزواج يمارس ولايته كاملة ليمسك بزمام الأمور ثم مع العشره والتعرف أكثر وأكثر على شخصية زوجته وطبيعتها يبدأ التنازل التدريجي من جهته, واسألي المتزوجات حولك .
بالنسبه لأسئلته وش رأي فلان وعلان ورأي عمي ... الخ
هذه الأسئله طبيعيه الآن في فترة الملكه يمكن لأنه ما يشوف ولي أمر محدد لك ترجعين له ولا حتى أبوك اللي أصلا أنت ما تشاوريه
ولكن بعد الزواج بيتغير الوضع لما يصير أمرك بيده ومثل ما قلت لك في البدايه بيكون الوضع صعب نوعا ما
ولكن مع العشره والتعرف عليك أكثر وعلى قدرتك على التصرف السليم يبدأ يتنازل تدريجيا .. والله أعلم .

__________________