شغلي القران خليه ينشر السكينه بالبيت ..اثنينكم نفسياتكم مشعلله

ماشوف فيه مشكله الا ان الوضع متكهرب والنفسيه محتاجه تفريغ هموم
وتفريغها بالتقرب لله

تغير بدون سبب؟

اسأليه يا روح هادئة .. بهدوء وبدون استفزاز أو تهديد ببيت أهلج.

__________________


اللهم طِيبَ الأثر .. وحُسْنَ الرحيل.

اي والله بدون سبب .. اول شي الخميس كان تعبان و مواصل وقاللي اذا بتروحين لاهلك خليهم ياخذونك لان شكلي اطول ما اصحى قلت طيب .. ونام وتجهزت ورحت وكتبت له الحين وصلت جاني فلان اخذني .. < طبعا اكتب له حتى لو سامح لي لازم اقول له أي ساعه طلعت ومع منو .. واذا نسيت اكتب له او اقوله انت سامح لي يقول حتى لو لازم تعلميني متى طلعتي وكذا .. المهم اضطريت انام عندهم لان هو تأخر ماصحى لثاني يوم من التعب وانا كنت انتظره يصحى للساعه 3 الفجر وبعدها اخواني ناموا وصعب ارجع مشي قالت امي نامي اجل .. ونمت عندهم وكتبت له التفاصيل لان من الساعه 12 كتبت لسا نايم وينك ومن هالكلام .. المهم صحى ماقال شي لان عادي و عذري معي .. ولما صار العصر كانوا خواتي جايات بالطريق وكذا ارسل لي تجهزي قلت ليش قال عشان ثوبي قلت كلهم مغسلتهم وكاويتهم .. وقلت لكم قال انه مو مكوي مع اني متأكده اني كاويته .. وحتى لما جيت شفته ماكأنه هو اللي كويته و شكيت انه هو معفسه بس سكت وطنشت .. و لو انه مو مكوي جد كان عصب بس وقتها ماعصب بس قال طلع موووو مكوي .. المهم الشي الثاني سالفة الشماغ اذا تحتاج غسيل غالبا يقطها ورى الباب.. واحيانا يحطها بالتعليق او ورى باب الغرفه او مع ملابس الغسيل .. يعني اماكن محدده .. هالمره قال غسلي شماغي بدون مايقول أي وحده دايم يحدد ويدلني بالمكان .. هالمره بس قال غسلي .. فتحت التعليق لقيت وحده بس معلقه دورت بالغسيل و ورى الباب مافي شي .. وكنت اذكر اخوه طلب شماغ منه قبل كم يوم قلت يمكن عنده لان لو لقيت اثنين اغسلهم كلهم .. المهم غسلتها وقال ابيها تنشف بسسسسسرعه حطيها بررى وطبعا برا غبااااار وكذا قلت انا انشفها داخل قال بسرعه لان مستعجل المهم كان في ثوب توني غاسلته له كويته بعد عشان مايتحجج ويقول كنت ابي هذذذذا .. وبعد عشر دقايق ارسلت له نشفت قال زين .. وطبعا يكويها عند الكواي . جا هو من شافها عالمشر قال وشششش مغسله قلت مافي غيرهااا راح فتح درج التصفيييييط اللي ماعمره حطططط فيه شماغ .. قال وهذذذذي ايشششش الله ياخذك الله يلعنك الله و الله .. وطلع وهو يدعي ويسب .. يعني والله العظيم مو مقصره وماني غلطانه بشي بالعكس يبي الزله علي و مو لاقي وانا اعصابي تعبانه من كل شي تحملت وتحملت بس خلص للصبر حدود و اللي فيني كافيني

__________________
تم تغيير النك .. < ريتاج2016 سابقا

هل زوجك عادة ينام وقت طويل ويسهر وقت طويل ؟
قلتي انه اكثر من يوم كامل نايم !
ياليت اذا فيه اشياء ملاحظتها عليه ياليت تقولين لنا .

__________________
سبحان الله وبحمده ، سبحان الله العظيم

لاا الحمدلله هو طبيعي وماله بالبلاوي لان لو يستخدم شي راح اعرف ع طول ..

بس هو اذا مر بإسبوع متعب غالبا يحتاج نومه طويله وتكون ثقييييله .. يعني هو يوميا ينام 3 ساعات و يدرس و يشتغل بنفس الوقت و يشوف شغل ابوه و طول يومه تعب .. لما يجي الخميس اذا كان تعبان يعتذر من ربعه انه ماراح يجيهم و يوديني لاهلي بدري او يسمحلي اروح لهم عشان ما ازعجه .. ويحط جواله صامت وينام .. ومرات يغيب من الدوام بس عشان ينام نومه طويله .. يعني الحمدلله طبيعي

__________________
تم تغيير النك .. < ريتاج2016 سابقا

يا ريتاج
خليك عاقله وتصرفي برزانه وذكاء مو عشان هاذي السنه عشان عشرة سنوات قدام ا

اذا بتتصرفي معه كذا وتاخذي وتعطي بهذا الاسلوب المستفز اتوقع علاقتكم بتستمر كذا
الزواج اول بدايات الشخصين ما يتفقو وتصير بينهم خلافات بس الذكيه تحاول تحتوي هاذي المواقف لصالحها وتضع اساسيات وقواعد لهاذي العلاقه

1.كوني اكثر جديه في تصرفاتك وقراراتك وابعدي عن جدال ومشاحنات (كوني ذكيه في كل حالاتك)

2.اغلب الرجال يتاثرو باخلاقيات حريمهم لذلك حاولي تعوديه ع اللفاظ مهذبه لما لعنك مفروض وقتها تزعلي صح وتفهميه بعدها انه غلط يلعنك لانك ماقصرتي فيه وحتى لو قصرتي اللفاظه هاذيي اللي تستحق وقفه وزعل قوي

3. عوديه ع مسوؤليه ويتعاون شوي انتي تغسلي ملابسه بس هو يوديهم مغسله يكويهم
اما انه يتكل عليك لدرجه يرجعك عشان تكوي ثوب!! بكره يزيد الضغط ومع العيال وهو مارح يتنازل
عن هاذي الخدمات المجانيه (مثل ابوي ماياكل الا اذا امي موجوده اذا راحت ينتظرهت مثل بزر صرنا نشل همه مع البزارين في مناسبات)

4.اسمعي كلام مرة وحده عشان الخلاف ما يوصل لسب او لمد يد لانها وقتها حيضيع الاحترام بينكم

5.لا تكوني نشبهه تتهاوشي في شقه وتنشبي عليه بواتساب وتكملي هوشتك كذا بترفعي الضغظ وطبيعي يقول لك كرهتك خلاص تهاوشو وطلع من بيت كذا اعتبري السالفه خلصت

6. اخر حاجه الظاهر زوجك من نوع اللي يتسلى اذا هاوشك فلا تخليه يتعود بالتالي يمسكها عليك كل شوي يرميك بكلمه وانتي تتشوطي وهو ينبسط لكن كل هذا ع حساب احترامكم لبعض


لا حد يقول اللي ماجرب يتكلم بمثاليه ،انا عايشه بين عائلة ثلاث ارباعها حريم وشايفه تجارب كثير المهم ما اتكلم من راسي احلل من اللي شفته في حياتي

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

بالعكس اسعد فتاه الله يسعدك كلامك صحيح .. بس اذا ع ثوبه قلتلك هو متحجج يبي اقول له لسا ماغسلته او ماكويته وكذا مامسك شي علي ولا خرب جلستي لان انا ماروح لهلي الا مجهزه كل شي ومنظفه كل شي .. عشان كذا ردها لي بسالفة الشماغ .. وانا قليل اروح اكمل هوش كتابه

__________________
تم تغيير النك .. < ريتاج2016 سابقا

قبل ساعتين كنت تعبااانه منهد حيلي نومت بنتي وانسدحت ارتاح وسمعت الباب يدق ومعروف مايندق بهالوقت الا يا صغار او وقت الغسيل يجون وغسلي لنا وماقمت فتحت لان دايخه ما ادري هو بابي ولا باب اللي تحت وماقمت اشوف .. و بعدها بساعه ونص طلبتني مرت اخوه جهاز وعطيتها .. مع ان قلبي ناغزني الدق الاول انه عشان غسيل .. المهم الحين جا من الدوام وطبيعي يكون تحت اول مايجي والظاهر قالوا له مرتك مافتحت لنا < المغسله مافتحت هههه > هو ارسل لي ليه ماتفتحين الباب من اليوم يدقون >>> الظاهر يحسبني مت او طفشت .. قلت له متى قال تو قلت تو ماجت الا فلانه وفتحت لها > والظاهر سئلهم عن الوقت وقالوا له قبل ساعتين .. المهم سئلته اهلك وش موكلين بنتي قال حبوب قلت جد اتكلم إسئلهم ابي اعرف بلاها < لان بطنها تووووجعها > قال ماعطوها الا شاي ... وبعدها سكتنا والحين جالسه افكر اذا جا فوق كيف اتصرف

__________________
تم تغيير النك .. < ريتاج2016 سابقا

اختصر لك السالفة زوجك عنده امتحانات وهاذي نفسيه الامتحانات
بدايه شهر ابريل كان عندي اختبارات عزالله ماخليت حد ما هاوشته
برفعو المعلمين ضغطي واللي في البيت مايكونو عارفيني متضايقه يجو
يكلموني اي كلمه منهم تخليني انفجر اخر شي صار يضحكو قالو زي الشغاله اللي تدور زله وتقول انا مشاكل مايريد

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

بس الاختبارات مو عذر لهالتصرفات .. يكون معه حق اذا طلبته سوق بهالوقت او مشوار او شي .. بس انا ما اضغط عليه وبالعكس واقفه معه ومقدره وضعه

__________________
تم تغيير النك .. < ريتاج2016 سابقا