وش اخبار المستشار الأسري؟

__________________

المستشاره تشوف انو الامور جيده
وان طلبه لي رغبه بارضائي
بس زوجي مايعرف يتصرف وقت المشاكل
ومشاكلنا كثرت بعد قصه الشغاله
حتى الخلاف الاخير مرتبط بذيك المشكلة
وكثر الزعل يملل الانسان
عشان كذا متجاهلني
هذا كلام المستشاره
ونصحتني اتعامل معه طبيعي
بس ماقدرت صراحه
غصب عني جافه ورسميه معه
احس هو مابذل مجهود لارضائي
بعد كلامه الاخير لي


امس طلبت اروح السوق الذهب
واخذني وشريت طقم صغير بفلوسه
شكرته بالسوق وبالبيت
كنت مبسوطه
وهو قال تستاهلي
بعدين رجعت للوجه الرسمي
خفت يفكر اني ماديه
وانو عادي يسبني دام فيها ذهب
مدري بس حتى انا وقت المشاكل ما اعرف اتصرف

لماذا طلبتِ سوق الذهب؟

__________________


اللهم طِيبَ الأثر .. وحُسْنَ الرحيل.

اليوم عند اهله عزومة كبيره
وحفظوا الطقمين اللي عندي
سألت نفسي: لمتى اراعي واحد مايراعيني؟

قلت له ابي ذهب البسه بعزيمتكم
قال ابشري ورحنا شريناه
وهذي اول مره من تزوجنا اطلب هالطلب
عندي عزة نفس غبيه
اروح اشتري من فلوسي اللي ابغاه
واحسسه دايما اني مو بحاجته
ناويه اغير هالسياسه


النقطه الثانيه
اذا هو مايعرف ياخذ بخاطري
ويراضيني بهديه تليق فيني
مالي الا اروح واختار واخليه يحاسب
بس طبعا بدون ما اقول هالشي
ولا حتى سميتها رضاوه


شكرته بذوق
ورحت حطيت راسي ونمت

لا أدري! .. لكن أشعر أن توقيت الطلب غلط .. ويضعكِ في موقف غير لطيف .. بغض النظر عن كونكِ رجعتِ رسمية بعد أن لبى طلبكِ أم لا.

وبصراحة لما قرأت هذه الجزئية شعرت بما يشيه الصدمة!

عزة النفس تتجلى وتكون في أوجها وقت الزعل يا عزيزتي .. حتى لو كان ذلك في صميم الحقوق وليست أمراً كمالياً كهذا.


ثم ..

أنتِ زعلتِ لما طلبكِ للفراش بدون أن يبذل الجهد الكافي لمراضاتكِ .. رغم أن هذا من أعظم حقوقه الشرعية عليكِ .. لكن عادي تطلبين ذهب والجو لا يزال مشحوناً بينكما؟!!
.
.
.
تعليقي هذا على موقف طلبكِ لسوق الذهب فقط .. ولا علاقة له بوجهة نظري في مشاكلكما والصراع الشديد بينكما.

__________________


اللهم طِيبَ الأثر .. وحُسْنَ الرحيل.

مهره انا وصفت عزة النفس هذي انها غبيه
اساسا هو عبط وماله قيمة

بقول لك شي
بدايه زواجنا كنت اذا زعلت جاب هديه
جيت انا (وبغباااااء) عصبت مره
وقلت له لاتشتري خاطري بماديات
ولاعمرك تهديني شي وانا زعلانه
كرامتي ماتسمح اقبل هداياك وقت الزعل


وهو طبعا ما صدق خبر
وبطل تماما هالتصرف
والى اليوم ذاكر كلامي هذا
مع الوقت عرفت اني كنت غبيه
صحيح المشاعر اهم
بس المفروض اخليه يبذل جهد لارضائي
دام الكلام الحلو ثقيل على لسانه
انا انثى مو ذكر حتى اعامله بنديه
والكبرياء وعزة النفس مو بهالمواقف
اوكي ازعل وابرطم
بس مو اريح راسه من المشاوير والصرف
هذا شي وذاك شي ثاني


مدري بس كتبت له واتس اب
مشتهية تشيزكيك
وليتك تجيب شوكليت اخذه معه للعزيمة
رد: اوك

يعني انا جالسه اراضي نفسي بنفسي
دام هو مطنش ايش اسوي


بما انه عادي طلبني بقوة عين للغرفه
فما فيها شي اذا قلت ابي طقم ذهب
هو جريء ما احترم زعلي
ماقال عيب اطلب منها واحنا ماتصالحنا

أقصد بالتحديد مستشار اسري رجل مثل ما وضحت لك في موضوعك السابق

__________________

كنت اتابع عند مستشار رجل
قبل سنه تقريبا او اكثر شوي
بعدها بديت اتابع عند امرأه
واحس فاهمتني اكثر
وماسكه عيوبي مضبوط
حتى مسأله عدم الاحتياج
حذرتني منها.. وسمعت كلامها