النصيحه الأولى/ وخذها من مجرب ، لاتطلقها ابد
إلا إذا هي راحت المحكمه وطالبه الطلاق
فحينها اعطيها طلقه واحده فقط من عند القاضي
وإذا لازال الموضوع زي ماهو وهي لازالت عند اهلها ورافضه ترجعلك ، فأنصحك
لاتطلقها ابد وشيل فكرة الطلاق ، وأقطع تواصلك معاها واثقل عليها ، واذا اولادك معاها فسلم على اولادك وخذهم من بعد المغرب حتى الساعه 10 بالليل تتعشون سوا ومشيهم
النصيحه الثانيه/ كل بعد اسبوع ارسل لها رساله مختصره مثل انك لازلت تحبها وشاريها والبيت مايسوى بدونها ، اهم شي حسسها بأنك لازلت تحبها ، حتى لو هي مصره ومعنده ورافضه الرجوع ، لاتظهر زعلك ، اظهر نفسك لازلت ترغبها ، وزي ماقلت لك كل اسبوع ارسل رساله ، ولاتتصل بها ابد ابد ،وبخصوص الرسائل ، عندك كلمات عبادي الجوهر ، اللي يقول ( قالو ترى مالك امل في قربها ) اذا تبغى الكلمات كامله تلاقيها بقوقل ، تقدر تكتب لها رساله مثلا / حبيبتي الغاليه فلانه اللتي اغلى من كنوز الذهب و ، و، و، عبر عن خاطرك ، وانا عن نفسي قطعت الاتصالات والمراسله ، لكن قبل طلاقها كنت كل بعد اسبوع ارسل لها رساله مختصره اعبر عن حبها تجاهي ، وكانت رسائلي اعبر عن شوقي لها وحبي لها ، ولكن مااذكر في رسائلي التعبير عن الاعتذار ، لان الاعتذار مافاد فيها سابقا
آخر كلامي / البارح عزمني عديلي اللي متزوج اخت زوجتي عالعشاء والح علي بالعزيمه وتعشينا انا وهو فقط ، فأعطاني معلومه صغيره بناء على كلام زوجته اللي هي اخت زوجتي ، بأن زوجتي نادمه ولكن تكابر ( قلت هذا اللي انا اقوله بانها تكابر) وهي زوجتي وعارف معدنها ، والمكابره ماراح تنفعها بشي )
بالتوفيق للجميع