اشكركم عالتفاعل ، والله يريكم اي مكروه
والعضو الأخ مسز داني / للمعلوميه لما رجعتها مرتين ، مره رحنا والمدينه ، والمره الثانيه لما عزمتها عالعشاء ، هي صحيح بيني وبينها ضحك وسواليف ولاكأن فيها شي ، ولكن هي قالت لي انها تحاول تكسر الزعل اللي في قلبها بسبب الضغوطات المتراكمه اللي انا سببت لها ذلك ، ومع العلم مارجعت بيتي الا لمدة اسبوع فقط ، وهذا الكلام قبل شهرين والان صار لها شهرين عند اهلها ، ولما رجعت اسبوع جالسه تبكي وتقول انا قنعانه وذكرت لي بانها ترسبات متراكمه في قلبها وضغوطات ، وانا معاكم في النصح باني اتركها عند اهلها وخلاص توقفت عن الاتصال بها او مراسلتها حتى تهدأ ، ولكن سؤالي اللي محيرني هي تقول كرهتك وعفتك وخلاص انا قنعانه ، تتوقعون فعلا كرهتني ، والا الهرجه بسبب ضغوطات ، هذا السؤال اكثر مايجاوب عليه هم الحريم ، وايضا الرجال اللي مرو مثل تجربتي في كرهها لزوجها ، ومتابع معاكم الاراء ، والله يقدم اللي فيه الخير