ريتاج انتبهي مره ثانيه تطلعين من بيتك مهما كان حجم
المشكله الواضح انك ماراح تتحملين بعده وانتي اللي
بتتنازلين في النهايه وهذا مهوب حلو بحقك لان الرجال
تطيح من عينه الحرمه اللي ماتعز نفسها
ثاني شي زوجك من النوع اللي بيمزح ويستفز ويذب عليك
بس خليه بيني وبينك بعدها يمشي الموضوع عادي
تدرين اذا هو قالك كلام زي كذا ردي عليه بكلام يفشل
منه وفي المقابل يعجب فيك يمكن لو كان جوبك له
بعد ماقالك ابلاك ولا ابلاكه قلتي مايطاوعك قلبك تبلكني
لانك تحبني واعنيلك وهي عندك ولا شي قلبك مايطاوعك وكل مارد كلمه
ردي عليه باطيب منها مثل زوجك تعجبينه بردودك هذي
لو مابين لك وينقلب استفزازه لك دلع لك اسئلي مجرب
وطبعه ماراح تغيرينه كثير شباب هذا طبعهم يحبون
يستفزون اللي قبالهم ويعجبون باللي يرد عليهم باقوى
منها بس بحدود الادب طبعن
غير كذا زوجك عنيد ماراح يعتذر او يجيك بيت اهلك نفسه
اطول منك صدقيني
وقالوها اخوانا مامصريين من طلع من داره تالي مئداره