قبل شوي جتني رساله من زوجي ع الواتساب

فتحتها الا هي شيلة ياصاحبي

وهذي كلماتها

حيا الله اللي يغيب ويسرع الرده
اللي يجيني الا منه تباطاني

قلب يوده وحالي كنها القده
ودي بشوفه ودونه حوم عقباني

ياصاحبي جارك الله ويش هالصده
مهوب حق تولعني وتنساني

ان كان عندك حكى بي خامل السده
فأنت المصدق وأنا حقي وما جاني

أهرج على ما تورى والبخت بده
لا تستحي يابعد حيي وحياني


وانا اسمعها بدت دموعي تصب صب

وحسيت قلبي بيطلع من مكانه

هو حاسس ان فيني شيء وشكله قلق

رديت عليه

أحبك يابعد روح تعشقك

والظاهر ماراح أكلمه بأي شيء خلاص

تجي الدنيا وتجيب خير

ومافيه شيء يستاهل اخسر عشانه هالقلب الابيض الي يحبن

علما انه ماسألني مره ثانيه احتراما لرغبتي

في عدم الحديث
(ربنا هب لنا من أزواجنا وذرياتنا قرة أعين واجعلنا للمتقين إماما )

أثر راعي الشحنه مثل راعي الوسواس
لافزت شياطينه مع كل عصريه

على كثر مـ املك من صلابة وقوة باس
تبكيني الروحه ... وتفرحني الجيّه !!


الله يرحم فقيدك ياصاحبة السعاده ويجمعكم
في جناته يارب ويعوضك في رجالك خير


أنا أشوف ان الامور الثلاثة كلها ماتستحمل المصارحة
تحتاج كيد النساء بس ..

لعل أهمها النفقه وتذكيرك له بالنفقه بشكل صريح ومباشر يمكن يجرح رجولتة وكرامته ولعله فعلاً كان غافل وما انتبه والنفقه انت تقدرين تطلبين وتعودينه عليها ولاتستحين منها ابداً لأنها حقك شوي شوي مره اطلعي معه اشتري غرض مره وصيه يجيبلك شي وهكذا لين ينتبه


السلام الدافي والحضن فعلاً كبر سنه وطبيعته العملية تخليه ماينتبه ولاتاخذينها بحساسيه عادي انت ضميه وسلمي عليه واضحكي ووسعي صدرك

الباقي اعتقد انك اكثر ذكاء مننا وبتقدرين تسيطرين عالأمور بنجاح

الله يسعد قلبك يارب

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

ياهلا وغلا ابله دلال

وش سالفة الأبيات الي فوق
وش وجه الشبه بينها وبين الموضوع


وبعد إذنك دلول مره قلتي عباره ترحيبيه يقولها ابوك الله يحفظه
لعمتك
اذكر منها هلا بالهامه وو
اعجبتننننني مره ارجعي اكتبيها


آمين الله يتقبل دعواتك

ومشكوره ياقلبي ع نصحك
الله يدبر الصالح لنا ولكم ولكل مسلم ،،،

ههههههههه
الأبيات معناها لو دققتي فيه يعكس صميم موضوعك
ولعل المكان هنا لايتسع للإسهاب في شرحها وتفصيلها


اما جملة أبوي
" مرحب بالهامه .. والقامة .. والإستقامة "
وحقيقة هي من أجزل جمل الترحيب في الحياة
الهامه/ كناية على ان موضع هذا الشخص فوق الرأس
القامه / كناية عن رزة وجمال الجسم والطول
الإستقامة / كنايه عن الأخلاق والدين

وهذا يعني ان الشخص المرحب فيه جمع كل عزّ الدين والدنيا

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

نعم دلال أعدت قراءة أبياتك الجميله
وتوصلت والله اعلم ان لها علاقه
بفقدي لزوجي الأول وحنيني له ومقارنتي
بكل شيء عشت معه ولهذا دائما مايكون قلبي
متألما منكسرا لمرارة فقده
صح كذا ؟ او قريبا منه ؟

شكرًا لك
وسأستخدمها للترحيب بزوجي
لأنه يستحقها وإن لم ينفق علي كما أريد ويجب
يكفي دينه وأخلاقه ومحبتي له

__________________

اللهم آمين غاليتي العاقله عقل

ودائما ندعو الله
ربنا هب لنا من أزواجنا وذرياتنا قرة أعين واجعلنا للمتقين إماما

سعيده جدا بمداخلاتك ودعواتك وصدق نصحك واعتز بإخوتك
جزاك الله عني خير الجزاء