راح ارجع للرد اعزائي ❤

اخوي عبدالله .. ابوي عمره 52 او 51 تقريباً
ما وصل لمرحلة الخرف 😂 .. بعيد الشر
هو خفيف دم .. ويضحك من الغريب قبل الجريب
والكل يحبه الكل الكل الكل ..
معطاء وبشوش ..

آخر موقف البارحة كان المفروض يطلعنا مطعم انه وخواتي اربعنا
بس عطانه بطاقة البنك وقال روحوا بروحكم..
صورت له فيديو من المطعم فيه خواتي + صوتي
لان ريلي ما يرضى اصور ويهي بالتيلفون
قلت له شكراً حبيبي وكثر الله خيرك تعيش وتعطي بنياتك..
وحطيت له هذا القلب 💕
قال لي ليش قلوبج يركضون وراء بعض
قلت له يتسابقون كل واحد يبي يوصل لك قبل الثاني...


اخوي عبدالله انه من النوع البشوش اللي ابتسامتي تسبق كلامي
وسوالفي لطيفة 😅
بس مع ابوي استحي استظرف قدامه .. فـ اكتفي بالإبتسامة والضحك معاه على السوالف اللي يقولها

أحياناً لمن اشوف امي ومرت ابوي يطلبون منه اغراض البيت ويلحون على شيء معين
اقول له حبيبي طلقهم ثنتينهم وبازوجك لبنانية عيونها زرقا وتقول لك تؤبرني


مع العلم ان محد منا ينادي ابوي بكلمة يبه او بابا او ابوي
كلنا احنا العشرة عياله نناديه حبيبي...

لمن كنت صغيرة وكنت باديه اتكلم كان يقول لي قولي : حبيبي بابا
وآنه اقول له حبيبي
ويكررها علي قولي حبيبي بابا وارجع اقول حبيبي
ومشا عليه حبيبي

مع ان كنت بعمر وايد صغير بس هالموقف وايد محفور بذاكرتي
ما ادري ليش
مع ان كنت وايد صغيرة
يجوز لان لحد ما كبرت شوي كان يقول لي قولي حبيبي بابا على سبيل الدعابة
وانه اقول له حبيبي بس

__________________

حاجة الناس إليكم من نعم الله عليكم ، فـ لا تملوا النِعم ☁✨