يعني هو رابط رجعتك بإعتذار أخوانك له؟
قوليله أنا مالي حكم على أخواني ولا أقدر أجبرهم على شي هم مايبونه.. لكن انت لك حكم على نفسك وتقدر تجبرها تقدم تنازلات عشان ينحل الموضوع

وقوليله كيف تبي أخواني يعتذرون وهو أصلا مو هامهم الموضوع ولا هم مستشعرين ان بيتنا راح ينهدم وأسرتنا راح تتشتت وماخذين الموضوع ببرود ويقولون العين لك أوسع من الحاجب وراح تعيشين عندنا بعد الطلاق معززة مكرمة! النار ما تحرق إلا رجل واطيها والمفروض انك انت اللي تحل الموضوع وتتنازل عشان تحافظ على بيتك وأسرتك

حسسيه انك تواجهين ضغوط من أخوانك وانهم يشجعونك على الطلاق لكن انتي ما تبين لأنك عارفه ان همهم هو رد اعتبارهم وليس الصلح حتى لو كان ذلك على حساب هدم أسرة

فهميه ان المتضرر من هالموضوع هو انتي وهو وعيالكم .. لا أخوانك ولا أبوه

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا