اخوي في كل مكان حتى بالوظايف الحكوميه ..
اي تقصير من قبل الموظف يعطى انذار اول ثم انذار ثاني ثم في الثالثه يا يعطى انذار اخير او يتم الاستغناء عن خدماته ..
في حالتك انت عطيته مليون انذار .. وبدل لا تفرض عليه عقوبه زودت راتبه !!
بما انه مقصر في عمله لك كامل الاحقيه بإنهاء خدماته ..
عاد هو يتصرف عقب .. يا انه يرجع بلده .. او يشوف له احد ينقل اقامته عليه ..
انت بس عطه انذار اخير ويفضل يكون كتابي ..
واي اجراء تتخذه احرص ان يكون موثق ..
لا تأمنهم ..
انا عندي مكتب اجار سيارات وللحين تقريبا منهي خدمات ثلاثه عمال ..
واغلبهم وقت انهاء الخدمه يشتكي علي في الجوازات بأني ماكنت اعطيهم رواتب ..
بس الحمدلله عندي كل شي موثق ومسجل واما اخطوا اي خطوه الا مسجله وموقعه من طرفي ومن الطرف الثاني وكلها اوراق رسميه ..

والخطوه اللي بعدها حط كاميرات في المحل تسجل اوتوماتيك..

توكل على الله اذا ما انصلح افصله .. ماعليك اي شي ..