بقول شي قبل لا أطلع

ترى حنا يالعرب الوحيدين اللي تعتبر الحظ للبنت يعني الزواج
وكن مافي الدنيا حظ وحلو إلا هو

يمكن مالك توافيق بالزواج
بس تلقينك محظوظة بأشياء كثيرة لكن أنت ما تشوفينها.
لأنك تعتقدين إن الحظ الحلو هو الزواج !!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

تعبنا واحنا نقول هالكلام.

أنا رايي فعلاً إن الزواج مثله مثل أي رزق في الدنيا .. يكتبه الله للبعض .. ولا يكتبه للبعض.

وشخصياً كنت أقول لنفسي: يمكن إنتي من الناس اللي الله مب كاتب لها زواج .. وكنت متقبلة هالفكرة ومهيأة نفسي لهالشي لدرجة كنت أرتب حياتي لما بعد العنوسة.


بس في ناس قناعتها إنها لازم لازم لازم تتزوج .. وتعتقد إنها إذا ما تزوجت ففي شي غلط في الموضوع .. إما تحس بالنقص وتحسس من كل كلمة أو موقف حتى لو كان عادي .. أو يشتغل جنون العظمة وتعتقد إنها محسودة أو معيونة!!

__________________


اللهم طِيبَ الأثر .. وحُسْنَ الرحيل.

لا يمكن نغير هالنظرة طالما كل الأمثال الشعبية تقول عكس هالشي
"حظ الزين طايح وحظ الجلايح في السما لايح"
هذا من أشهر الأمثلة اللي مقصود فيها الزواج
والحظ والسعادة تدور حول هالشي
وغيره ما فيه حظ !!
جد جد جد عطونا حل لتغيير هالنظرة
روحي شوفوي موضوعات المنتدى اليوم
تقولين قامت القيامة وتوقف العمل الصالح وجا يوم الحساب
كله ندب وعويل

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.