صلاته اول كان مايصلي الت بالمسجد
الحين بالبيت يصلي

اكره بخله ماديا وعاطفيا
مليت اتكلم واناقش معه بالمصروف المشكله وين انه هو يبي يعيشنا براتبه وراتبه يروح ديون لان عليه كم دين عشان العماير حقاته
وانا ااقوله مو معقوله تعيشنا على اربع ا و خمس الاف وانت عندك خير يقول مب شغلك انتم لكم الراتب يقهرني بخله حتى اهله ملاحظين بخله وعلبالهم انا معودته على البخل

وين تفاعلكم مع موضوعي 💔

الله يكون بعونك ويفرج همك

والله حبيبتي ماني عارفة وش أقولك غير إني أدعي لك .. الله يفرج همك ويسخر لك زوجك ..

بس عندي سؤال هل هو من اول ماتزوجتو وهو كذا ولا له فترة متغير؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اعانك الله ويسر اموركم

عندي مجموعة اسئلة:

1. كيف علاقتكم الخاصة ؟
2. كيف علاقته بابنائكم؟
3.قد جلستي معه جلسة هدوء ونقاش .
4. متى اخر مرة سويتي له ليلة رومنسية هادئة؟
5. انتي عصبية والا هادية.؟

اتمنى الجواب بنفس التسلسل وفقك الله واصلح لك زوجك

جزاك الله خير
العلاقه الخاصه جيده
علاقته بابناءه. يراعيهم نفسيا مثلا مايحب نتهاوش قدامهم يحبهم لكن مهمل لهم شوي مثلا اسنانهم تعبانه مايوديهم لدكتوره اقيمه حبه لهم متوسط

ياكثر ماجلست وصارحته وقلت اللي بقلبي انا اتكلم اكثر منه والاحقه وهو مطنشني يقولي عاجبك انا كذا ولا شوفي بيت اهلك يطردني علي اي سالفه او نقاش بيننا
واول مااقوله بكلمك يقول ملينا نتكلم بلا فايده 10سنين نقاش يحطمني قبل لاابد طيب وش اسوي اذا صرت انا ماعندك استعداد تضغط على نفسك

اخر ليله رومانسيه ليله العيد وجايبه له هديه
وبنفس اليوم اللي طلع فيه كنت الصبح عازمته على الفطور بمطعم وكان وضعنا ممتاز

انا عصبيه
وهو قطعه من الثلج

وينكم..
توقعت ردود اكثر من كذا
الله يجزاكم خير عطوني حلوول خاصه الرجال

مرحبا اختي الكريمة

تاكد لي ان جو البيت بالنسبة له غير مريح ابدا ولذلك يهرب ويحب الهروب وربما يفضل العزوبية على ان يكون معك.

الراه جمالها بهدؤها ورمانسيتها وطاعتها ما فرقها عن الرجل ان اصبحت تعصب وتزبد وترعد؟

يرايي حلي مشكلة النقاش وجلسة زوجك بعدين شوفي موضوع الراتب .

واضح ان العلاقة بينكم غير متينة ابدا وليس متمسك بك حاولي تغيرين من طباعك وشوفي ردة فعله واذكرك قول الحق تبارك وتعالى: أعوذ بالله من الشيطان الرجيم: ((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))[الرعد:11]

فيه خيوط ناقصة في كلامك

مافي رجال يطلع من بيته الا اذا كان مو مرتاح فيه , راجعي اسلوبك وطريقتك في الكلام معه اثناء النقاش , بعض الحريم ما يعجبها العجب , مهما سوا زوجها ما يعجبها وتبي اكثر وتقارن نفسها بصاحباتها واخواتها

بخل زوجك ما نقدر نحكم عليه انه بخل من كلامك فقط , لازم نعرف اسبابه , احتمال شافك مبذرة وتصرفي كثير وحاب يعودك على التوفير , ممكن حس انك طمعانة بالعماير اللي عنده او طمعانة بفلوسه عشان كذا قلك ما لكم الا الراتب , مع انه الـ خمسة الاف تكفي وبزيادة لمدة شهر . وفيه ناس عايشة على اقل من خمسة الاف ,

زبدة الكلام لازم نسمع منه في قصص زي كذا , صعب نرمي انسان بصفة البخل لمجرد انه احد قال عنه بخيل , بعض الناس يفسر التوفير على انه بخل , بعضهم يفسر انه الواحد لما يجمع من فلوسه عشان عنده هدف يشتري سيارة او بيت , يفسرونه بخل , في حين ان الراجل عنده هدف يبغى يوصله او شي في باله يبغى يشتريه

شوي شوي على زوجك وبلاش نكد , راقبي اسلوبك ومصاريفك وطلباتك , انا هنا ما اقول زوجك بريئ , بالعكس يتحمل جزء كبير من الغلط , بس لأنه هنا ما سمعنا الا منك , سوي اللي عليك وبلاش نكد