ممكن تضيفي انه هو اختار التي تناااسبه ( خائنة، وسخة، رخيصة، مالها شرف، خبيثة...اختاري اي كلمة
تطعنه لانها
تنطبق عليه كذلك)..
اما انتي فالله سيعوضك بمن ينااااسبك..
دخليلو براسو فكرة ان الدنيا لن تقف عنده زالله كريم مثل ما فضحه فهو قادر على ابدالك بخير منه،، خليه يغار

مفهوم حبيبتي .... سبحان الله على اخر الزمن الواحد يصير فيه هيك .. حسبي الله و نعم الوكيل...
تعرف قبل كنت قلت له مثل ما أنت عملت ترى انا كمان فيني اعملها.. و قلت له تخيل فقط (و كان هناك فعلا رجلا يحاول التقرب مني دفعه الشيطان نحوي بس إيماني برب العالمين كان أقوى) ... حينها جن جنونه و قال لي : " ليش جالسة ... روحيلو هلا.. ما تهددني"

لو مايحبك ما يهتم... انتي راح تحكي على اساس انو اذا انفصلتو الله بيعوضك مو انك تخونيه مثل ما خانك..

مفهوم بس كنت حابة ابين لك موقفه من هذا الامر... و مرة لمح لي ان المراة لما توصل عمر معين ما راح تلاقي مين يرتبط فيها عكس الرجل حتى لو عمره 80 سنة ممكن يتزوج فتاة العشرين😒

هو بيحكيلك هالشي مشان تنقص ثقتك بنفسك.. حتى لا تفكري انه اذا تركك ممكن تشوفي حياتك.. كلامه ليس صحيح.. الزواج رزق من الله وياما نسوان تطلقو ورجعو تزوجو ومعهم اولاد والله اشوف ناس هيك استغرب يعني مو شرط المراة تكون ملكة جمال عشان تتزوج من جديد، عن جد بتتفاجئي ناس كيف حظهم ما شاء الله.. اهم شي الثقة في نفسك لانها بتنعكس على الاخرين..

الله المستعان...

بعثت له الرسائل من مجهول و عندما رجع الى البيت لم يبدو عليه شيء إطلاقا ، كان عاديا و لكنه للحظة ركز في عيناي، هو يعرفني من عيوني ان كان بي شيئا ، كنت طبيعية انا ايضا و استقبلته كالعادة..
لله الامر من قبل و من بعد.. اللهم اجعلها سببا حتى يقوم من سكرته... أمين ....
لا حول و لا قوة الا بالله

الله يوفقك انشالله.. انتبهي يشوف مشاركاتك بالمنتدى.. امشالله مايكون درى بالموضوع بشي طريقة..يعني كان طبيعي بعد ما رجع؟؟؟

جهزي خطة احتياطية في حال واجهك وقالك انا بعرف انهم منك شو راح تساوي..