مع اني ماحب اشارك كثير في المنتدى بس موضوعك لمسني ولمس احساسي ومشاعري وقلبي وروحي

مثل ماقلتي انعشتينا

اممم كان عندي طقم ذهب من والدي مع اساور وخواتم
وطقمين من حق الزواج

بس الحين صار معي طقمين وكف واساور وسلسله باسمي
ونفسي يشتري لي خلخال ذهب
انا من عشاق الذهب البس في البيت بس مو دايما

اللي دايما البسه الحلق والسلسله واسواره خفيفه

سبحان الله ياطموحة تصدّقي انّي مااحب الذهب مدري ليه..

تعجبني أساور الذهب الابيض وبعض تصميمات التعليقات والسلاسل برضو ذهب أبيض ، والاغلب الاقي في الاكسسورات العادية جمال في التصميم مااشوفه في الذهب.

عاد مدري عنّي اذا بجلس زي كذا والا اتغيّر بعد الزواج

بالنسبه لي الذهب الابيض ما يغريني احسه اكسسوار
يظل للاصفر بريقه الساحر خاصة عيار 21 يلق لق بالعين

بتتغيرين بعد هذا الموضوع

ايه يختي اشتري والبسي ودلعي نفسك

والله اني اتعجب من بعض المعلمات تكرف سنين جدي
ثم تلاقينها ما على يدها ولا رقبتها قطعة ذهب

وياليت تقولين تلبس في البيت لا هي بنفسها تقول ما عندي ذهب!!
قال ايش نجمع .. نبني..ناثث..نزوج مدري من
عساه لا تزوج وانا ان شاء الله متى استمتع بحياتي<<<تحمست